ಹುಬ್ಬಳ್ಳಿ-ಮುಂಬಯಿ ನಡುವೆ ಹೊಸ ವಿಮಾನ ಸಂಚಾರ: ಜೋಶಿ

ಹುಬ್ಬಳ್ಳಿ: ಹುಬ್ಬಳ್ಳಿ- ಮುಂಬಯಿ ನಡುವೆ ಮಾರ್ಚ್ 29ರಿಂದ ನಿತ್ಯದ ಹೊಸ ವಿಮಾನ ಸಂಚಾರ ಆರಂಭವಾಗಲಿದೆ.

ಇಂಡಿಗೋ ಏರಲೈನ್ಸ್ ದಿಂದ 180 ಆಸನಗಳ ಏರಬಸ್ ಇಂಡಿಗೋ ಪ್ರತಿದಿನ ಹುಬ್ಬಳ್ಳಿಯಿಂದ ಬೆಳಗ್ಗೆ 11:25ಕ್ಕೆ ಹೊರಟು 12:50ಕ್ಕೆ ಮುಂಬಯಿ ತಲುಪುವುದು. ಬಳಿಕ ಮಧ್ಯಾಹ್ನ 1.20ಕ್ಕೆ ಮುಂಬಯಿಯಿಂದ ಹೊರಟು 2:55ಕ್ಕೆ ಹುಬ್ಬಳ್ಳಿ ತಲುಪಲಿದೆ ಎಂದು ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ತಿಳಿಸಿದ್ದಾರೆ.

ಈಗಾಗಲೇ ಇಂಡಿಗೋ ಸಂಸ್ಥೆ ಪ್ರಯಾಣಿಕರ ಬುಕ್ಕಿಂಗ್ ಆರಂಭಿಸಿದೆ. ಇದರೊಂದಿಗೆ ಈಗಾಗಲೇ ಏರ್ ಇಂಡಿಯಾ ಸಂಸ್ಥೆಯು ಬೆಂಗಳೂರು-ಹುಬ್ಬಳ್ಳಿ-ಮುಂಬಯಿ ನಿತ್ಯದ ವಿಮಾನ ಸೌಲಭ್ಯ ಸೇರಿ ಹುಬ್ಬಳ್ಳಿ, ಧಾರವಾಡ ಜನರಿಗೆ ಮುಂಬಯಿಗೆ ಮತ್ತೊಂದು ವಿಮಾನ ದೊರೆತಿರುವುದು ಸಂತಸದ ಸಂಗತಿ ಎಂದು ಸಂಸದರು ಹರ್ಷ ವ್ಯಕ್ತಪಡಿಸಿದ್ದಾರೆ.