– ತಾಯಿ ಪಕ್ಷಿಯ ಪ್ರೀತಿಗೆ ನೆಟ್ಟಿಗರು ಫಿದಾ
ನವದೆಹಲಿ: ಮರಿಗಳಿಗಾಗಿ ಮರ ಕುಟಿಗ ಪಕ್ಷಿಯೊಂದು ಹಾವಿನ ಜೊತೆ ಪ್ರಾಣವನ್ನು ಲೆಕ್ಕಿಸದೆ ಹೋರಾಡಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ತಾಯಿ ಎಂದರೆ ಹಾಗೇ ಎಂಥ ಕಠಿಣ ಪರಿಸ್ಥಿತಿಯಲ್ಲೂ ತನ್ನ ಮಕ್ಕಳನ್ನು ಬಿಟ್ಟುಕೊಡುವುದಿಲ್ಲ. ಇದಕ್ಕೆ ಈ ಮರಕುಟಿಗದ ವಿಡಿಯೋ ತಾಜಾ ಉದಾಹರಣೆಯಾಗಿದೆ. ಭಾರತದ ಅರಣ್ಯಾಧಿಕಾರಿ ಸುಸಂತ್ ನಂದ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿರುವ ಮರ ಕುಟಿಗದ ಈ ವಿಡಿಯೋವನ್ನು ನೋಡಿದ ನೆಟ್ಟಿಗರು ಫಿದಾ ಆಗಿದ್ದಾರೆ.
All the forces on this planet, will never beat that of a mothers love.
Wood pecker saving its chicks after a fierce air duel with the snake???????? pic.twitter.com/mvBo7OWN74
— Susanta Nanda (@susantananda3) March 1, 2020
ಈ ವಿಡಿಯೋವನ್ನು ಹಂಚಿಕೊಂಡಿರುವ ಸುಸಂತ್ ನಂದ ಅವರು, ಈ ಗ್ರಹದಲ್ಲಿರುವ ಎಲ್ಲ ಶಕ್ತಿಗಳು ಒಂದುಗೂಡಿದರು ತಾಯಿ ಎಂಬ ಪ್ರೀತಿಯನ್ನು ಎಂದಿಗೂ ಸೋಲಿಸಲು ಸಾಧ್ಯವಿಲ್ಲ. ಈ ಮರ ಕುಟಿಗ ತನ್ನ ಮರಿಗಳಿಗಾಗಿ ಹಾವಿನ ಜೊತೆ ಜಗಳಕ್ಕೆ ಬಿದ್ದು ಕೊನೆಯಲ್ಲಿ ತನ್ನ ಜೀವ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ ಎಂದು ಬರೆದುಕೊಂಡಿದ್ದಾರೆ. ಈ ವಿಡಿಯೋವನ್ನು ನೋಡಿದ ನೆಟ್ಟಿಗರು ರೀಟ್ವೀಟ್ ಮಾಡುವ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
27 ಸೆಕೆಂಡ್ ಇರುವ ಈ ವಿಡಿಯೋದಲ್ಲಿ ಮರ ಕುಟಿಗ ಮಾಡಿದ ಗೂಡಿನಲ್ಲಿ ಒಂದು ದೊಡ್ಡ ಗಾತ್ರದ ಹಾವು ಬಂದು ಸೇರಿಕೊಂಡಿರುತ್ತದೆ. ಅದನ್ನು ನೋಡಿದ ಪಕ್ಷಿ ಅದನ್ನು ಕುಕ್ಕಲು ಆರಂಭಿಸುತ್ತದೆ. ಆದರೆ ಹಾವು ಬಲಿಷ್ಠವಾಗಿದ್ದ ಕಾರಣ ಮರ ಕುಟಿಗವನ್ನೇ ಕಚ್ಚುತ್ತದೆ. ಆದರೆ ಛಲ ಬಿಡದ ತಾಯಿ ಪಕ್ಷಿ ತನ್ನ ಮರಿಗಳಿಗಾಗಿ ಜೀವವನ್ನೇ ಒತ್ತೆಇಟ್ಟು ಹಾವನ್ನು ಅಲ್ಲಿಂದ ಓಡಿಸುತ್ತದೆ.
Really..God is great and Mother is God
— NITIN TIME TRAVELLER (@nitinrambler) March 1, 2020
ಈ ವಿಡಿಯೋ ನೋಡಿ ಕೆಲವರು ಕಮೆಂಟ್ ಮಾಡಿದ್ದು, ಅ ತಾಯಿ ಪಕ್ಷಿ ತುಂಬ ಗ್ರೇಟ್. ತಾಯಿ ಅಂದರೆ ಹಾಗೇ ಇರಬೇಕು ಎಂದು ಹೇಳಿದ್ದಾರೆ. ಸುಸಂತ್ ನಂದ ಹಾಕಿರುವ ಈ ವಿಡಿಯೋ ಸುಮಾರು 12 ಸಾವಿರ ಜನ ವೀಕ್ಷಿಸಿದ್ದು, ಹಲವಾರು ಮಂದಿ ರೀಟ್ವೀಟ್ ಮಾಡಿದ್ದಾರೆ.
