ಪುಟ್ಟ ಪೋರಿಯ ಫುಟ್‍ವರ್ಕ್‍ಗೆ ಅಂತಾರಾಷ್ಟ್ರೀಯ ಆಟಗಾರರು ಫಿದಾ

ನವದೆಹಲಿ: 7 ವರ್ಷದ ಪುಟ್ಟ ಪೋರಿಯೊಬ್ಬಳು ಸೂಪರ್ ಆಗಿ ಬ್ಯಾಟಿಂಗ್ ಮಾಡುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.

7 ವರ್ಷದ ಪರಿ ಶರ್ಮಾ ಬ್ಯಾಟಿಂಗ್ ಸ್ಕಿಲ್‍ಗೆ ಭಾರತದ ಆಟಗಾರರ ಜೊತೆಗೆ ವಿದೇಶಿ ಆಟಗಾರರು ಫಿದಾ ಆಗಿದ್ದಾರೆ. ಪರಿ ಶರ್ಮಾರ ಬ್ಯಾಟಿಂಗ್ ನೋಡಿದ ಇಂಗ್ಲೆಂಡ್ ಮಾಜಿ ನಾಯಕ ಮೈಕೆಲ್ ವಾನ್ ಮತ್ತು ವೆಸ್ಟ್ ಇಂಡೀಸ್‍ನ ಆಟಗಾರ ಶೈ ಹೋಪ್ ಟ್ವೀಟ್ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

Have a look at this video .. Pari Sharma .. 7 yrs old .. Her movements are as good as it gets ???????????????? pic.twitter.com/yeVGd9svKb

— Michael Vaughan (@MichaelVaughan) April 22, 2020

ಈ ವಿಚಾರವಾಗಿ ಟ್ವೀಟ್ ಮಾಡಿರುವ ಮೈಕೆಲ್ ವಾನ್ ಪರಿ ಶರ್ಮಾರ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋವನ್ನು ನೋಡಿ. 7 ವರ್ಷದ ಪರಿ ಶರ್ಮಾ ಬ್ಯಾಟಿಂಗ್ ನೋಡಿ. ಜೊತೆಗೆ ಅವಳ ಲೆಗ್ ಮೂಮೆಂಟ್ ನೋಡಿ. ಈ ರೀತಿಯ ಕೌಶಲ್ಯವನ್ನು ರೂಡಿಸಿಕೊಳ್ಳುವುದು ಒಳ್ಳೆಯದು ಎಂದು ಬರೆದುಕೊಂಡಿದ್ದಾರೆ. ಜೊತೆಗೆ ಶೈ ಹೋಪ್ ಅವರು ಕೂಡ ನಾನು ದೊಡ್ಡವನಾದಾಗ ಪರಿ ಶರ್ಮಾಳಂತೆ ಇರಬೇಕು ಎಂದು ಬಯಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ.

When I grow up I want to be like Pari Sharma! ???????????????? https://t.co/7JLFQNc4tR

— Shai Hope (@shaidhope) April 21, 2020

ಇದರ ಜೊತೆಗೆ ಟ್ವಿಟ್ಟರ್ ಬಳಕೆದಾರ ರೈಸ್ ಮೋರ್ಗಾಸ್ ಅವರು ಈ ವಿಡಿಯೋವನ್ನು ಟ್ವೀಟ್ ಮಾಡಿ ಭಾರತದ ಮಹಿಳಾ ಆಲ್‍ರೌಂಡರ್ ಶಿಖಾ ಪಾಂಡೆಯವರಿಗೆ ಟ್ಯಾಗ್ ಮಾಡಿದ್ದು, ನೀವು ಈ ಆಟಗಾರರನ್ನು ಕಂಡು ಹಿಡಿಯಬೇಕು ಎಂದು ಬರೆದಿದ್ದಾರೆ. ಇದಕ್ಕೆ ಉತ್ತರಿಸಿರುವ ಶಿಖಾ ಪಾಂಡೆ ಅವರಿಂದ ತರಬೇತಿಯನ್ನು ತೆಗೆದುಕೊಳ್ಳಿ ಬಹಳ ಒಳ್ಳೆಯದು ಎಂದು ಬರೆದುಕೊಂಡಿದ್ದಾರೆ.

And take a few classes! #sogood ????????????????

— Shikha Pandey (@shikhashauny) April 22, 2020

56 ಸೆಕೆಂಡ್ ಇರುವ ಪರಿ ಶರ್ಮಾ ವಿಡಿಯೋವನ್ನು ಮೊದಲಿಗೆ ಇಎಸ್‍ಪಿಎನ್ ಕ್ರಿಕ್‍ಇನ್ಫೋ ಅವರು ಹಂಚಿಕೊಂಡಿದ್ದು, ಈ ವಿಡಿಯೋದಲ್ಲಿ ಪರಿ ಡಿಫೆನ್ಸ್, ಕವರ್ ಶಾಟ್, ಪುಲ್ ಶಾಟ್ ನಂತಹ ಕಷ್ಟಕರವಾದ ಹೊಡೆತಗಳನ್ನು ಸರಿಯಾದ ಫುಟ್‍ವರ್ಕ್ ಮತ್ತು ಟೈಮಿಂಗ್ ಸಮೇತ ಹೊಡೆದ್ದಾಳೆ. ಪರಿ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಟ್ರೆಂಡ್ ಸೆಟ್ ಮಾಡುತ್ತಿದೆ.