ನವದೆಹಲಿ: ಹಣದ ಆಮಿಷವೊಡ್ಡಿ ಇಬ್ಬರು ಅಪ್ರಾಪ್ತ ಬಾಲಕಿಯರ ಮೇಲೆ ನೆರೆ ಮನೆಯ ವ್ಯಕ್ತಿ ಅತ್ಯಾಚಾರವೆಸಗಿದ ಘಟನೆ ನವದೆಹಲಿಯಲ್ಲಿ ನಡೆದಿದೆ.
ವಾಯುವ್ಯ ದೆಹಲಿಯ ಮಾಡೆಲ್ ಟೌನ್ ಪ್ರದೇಶದಲ್ಲಿ ಈ ಘಟನೆ ನಡೆದಿದ್ದು, ತರಕಾರಿ ವ್ಯಾಪಾರಿಯಾಗಿರುವ 59 ವರ್ಷದ ವ್ಯಕ್ತಿಯನ್ನು ಬಂಧಿಸಲಾಗಿದೆ. 6 ಹಾಗೂ 7 ವರ್ಷದ ಅಪ್ರಾಪ್ತೆಯರು ಆತನ ಮನೆಯ ಪಕ್ಕ ಇದ್ದರು.
ಆಗಾಗ ಈ ಇಬ್ಬರು ಬಾಲಕಿಯರುತಮ್ಮ ನಿವಾಸ ಹೊರಗೆ ಆಟವಾಡುತ್ತಿದ್ದರು. ಅದನ್ನು ನೋಡಿದ ಆತ ಆ ಇಬ್ಬರು ಅಪ್ರಾಪ್ತೆಯರಿಗೆ ತಿಂಡಿ ಹಾಗೂ ಆಟಿಕೆಗಳನ್ನು ಖರೀದಿಸಲು ಹಣ ನೀಡಿ ಆಮಿಷವೊಡ್ಡಿ ತನ್ನ ಮನೆಗೆ ಕರೆಸಿಕೊಂಡಿದ್ದಾನೆ. ಇದಾದ ಬಳಿಕ ಆತ ಇಬ್ಬರ ಮೇಲೂ ಅತ್ಯಾಚಾರವೆಸಗಿದ್ದು, ಯಾರಿಗೂ ಹೇಳದಂತೆ ಇಬ್ಬರು ಬಾಲಕಿಯರಿಗೂ ಬೆದರಿಕೆ ಹಾಕಿದ್ದಾನೆ. ಬಿಜೆಪಿ ಮಹಿಳಾ ವಕ್ತಾರೆಗೆ ಲೈಂಗಿಕ ಕಿರುಕುಳ – ದುಷ್ಕರ್ಮಿಗಳ ವಿರುದ್ಧ FIR
ಈ ಸಂಬಂಧ ಬಾಲಕಿಯರ ತಾಯಿ ಪೊಲೀಸರಿಗೆ ದೂರು ನೀಡಿದ್ದಾರೆ. ಅಪ್ರಾಪ್ತ ವಯಸ್ಕರು ತಮ್ಮ ಮನೆಯ ಹೊರಗೆ ಒಟ್ಟಿಗೆ ಆಟವಾಡುತ್ತಿದ್ದರು. ಇದರ ಲಾಭವನ್ನು ಪಡೆದುಕೊಂಡು ಈ ಹಿಂದೆಯೂ ಬಾಲಕಿಯರ ಮೇಲೆ ಅತ್ಯಾಚಾರವೆಸಗಿದ್ದಾನೆ ದೂರಿನಲ್ಲಿ ದಾಖಲಿಸಿದ್ದಾರೆ. ಘಟನೆಗೆ ಸಂಬಂಧಿಸಿ ಪೊಲೀಸರು ಆತನನ್ನು ಬಂಧಿಸಿದ್ದಾರೆ.
