ಹಸುಗಳಿಗೂ ಜೋಡಿ ಹುಡುಕಲು ಬಂದಿದೆ ಡೇಟಿಂಗ್ ಆ್ಯಪ್!

ಲಂಡನ್: ಬರೀ ಮನುಷ್ಯರಿಗೆ ಮಾತ್ರ ತಮ್ಮ ಜೋಡಿ ಹುಡುಕಲು ಡೇಟಿಂಗ್ ಆ್ಯಪ್ ಇತ್ತು, ಆದ್ರೆ ಈಗ ಹಸುಗಳಿಗೂ ಡೇಟಿಂಗ್ ಆ್ಯಪ್ ಬಂದಿದೆ.

ಹೌದು, ಇಂಗ್ಲೆಂಡ್‍ನಲ್ಲಿ ಹಸುಗಳಿಗಾಗಿಯೇ ಟಡ್ಡರ್ ಎಂಬ ಡೇಟಿಂಗ್ ಆ್ಯಪ್ ತಯಾರಿಸಲಾಗಿದೆ. ಹೆಕ್ಟೇರ್ ಅಗ್ರಿಟೆಕ್ ಎಂಬ ಸ್ಟಾರ್ಟ್ ಅಪ್ ಸಂಸ್ಥೆಯೊಂದು ಈ ಆ್ಯಪ್ ಅನ್ನು ಅಭಿವೃದ್ಧಿಪಡಿಸಿದೆ.

ಈ ಆ್ಯಪ್‍ನಲ್ಲಿ ಹಸುಗಳ ಬ್ರೀಡ್ ಮಾಡುವವರು ಹಾಗೂ ರೈತರು ತಮ್ಮ ಗೋವುಗಳಿಗೆ ಪರ್ಫೆಕ್ಟ್ ಮ್ಯಾಚ್‍ಗಳನ್ನು ಹುಡುಕಬಹುದಾಗಿದೆ. ಮೊದಲು ಆ್ಯಪ್‍ನಲ್ಲಿ ಮಾಲೀಕರು ತಮ್ಮ ಹಸುಗಳ ಫೋಟೋ ಪೋಸ್ಟ್ ಮಾಡಿ, ಅದರ ದೈಹಿಕ ಲಕ್ಷಣಗಳು, ಆರೋಗ್ಯ ಹಾಗೂ ಓನರ್ ಕುರಿತು ಮಾಹಿತಿಯನ್ನ ನೀಡಬೇಕು. ಬಳಿಕ ತಮ್ಮ ಹಸುವಿಗಾಗಿ ಬೇರೊಂದು ಗೋವು ಇಷ್ಟವಾದರೆ ಆ ಪ್ರೊಫೈಲ್ ಆಯ್ಕೆ ಮಾಡಿ ಜೊಡಿಯನ್ನು ಹುಡುಕಬಹುದು. ಸದ್ಯ ಈ ಆ್ಯಪ್ ಆಪಲ್ ಸ್ಟೋರ್ ನಲ್ಲಿ ಮಾತ್ರ ಲಭ್ಯವಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv