ಇಬ್ಬರು ಸೇರಿ ಒತ್ತಿದ್ರೆ ಮಾತ್ರ ಓಪನ್ ಆಗುತ್ತೆ ಕಾಂಡೋಮ್ ಪ್ಯಾಕೆಟ್

ಬೆಂಗಳೂರು: ಚಿಕ್ಕ ಕಾಂಡೋಮ್ ಇರುವ ವಿಶೇಷ ಪ್ಯಾಕೆಟ್‍ವೊಂದು ಮಾರುಕಟ್ಟೆಗೆ ಬಂದಿದ್ದು, ಇದನ್ನು ತೆರೆಯಲು ಕೇವಲ ಒಬ್ಬರಿಂದ ಸಾಧ್ಯವಿಲ್ಲ. ಇಬ್ಬರು ಸೇರಿ ಒತ್ತಿದರೆ ಮಾತ್ರ ಈ ಕಾಂಡೋಮ್ ಪ್ಯಾಕೆಟ್ ತೆರೆದುಕೊಳ್ಳುತ್ತದೆ.

ಅರ್ಜೆಂಟಿನಾದ ತುಲಿಪನ್ ಅರ್ಜೆಂಟಿನಾ ಎಂಬ ಕಂಪನಿ ಈ ಕಾಂಡೋಮ್ ಉತ್ಪಾದಿಸಿದೆ. ಪರಸ್ಪರ ಸಮ್ಮತಿ ಪೂರ್ವಕ ಸೆಕ್ಸ್ ಸಂಬಂಧವನ್ನು ಉತ್ತೇಜಿಸಲು ಈ ರೀತಿಯ ವಿಶೇಷ ಹಾಗೂ ಚಿಕ್ಕ ಕಾಂಡೋಮ್ ಪ್ಯಾಕೆಟ್ ಅನ್ನು ಉತ್ಪಾದಿಸುತ್ತಿಸಲಾಗುತ್ತದೆ ಎಂದು ತುಲಿಪನ್ ಅರ್ಜೆಂಟಿನಾ ಕಂಪನಿ ತಿಳಿಸಿದೆ.

ಸೆಕ್ಸ್‍ಗೆ ಪುರುಷ ಮತ್ತು ಮಹಿಳೆಯ ಪರಸ್ಪರ ಸಮ್ಮತಿಯೇ ಪ್ರಮುಖವಾಗಿದೆ. ಸಮ್ಮತಿಯ ಮೇರೆಗೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದರೆ ಸೆಕ್ಸ್ ತೃಪ್ತಿ ಸಿಗುತ್ತದೆ. ಈ ಉದ್ದೇಶದಿಂದ ಪ್ಲೆಸರ್ ಕಾನ್ಸೆಂಟಿಡೊ ಕಾಂಡೋಮ್ ಪ್ಯಾಕೆಟ್ ತಯಾರಿಸಲಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಪ್ಯಾಕೆಟ್ ಹೇಗೆ ತೆರೆಯಬೇಕು?:
ಕೇವಲ ಒಬ್ಬ ವ್ಯಕ್ತಿ ಪ್ಯಾಕೆಟ್‍ನ ನಾಲ್ಕು ಕಡೆಗೆ ಒತ್ತಿದರೂ ತೆರೆಯುವುದಿಲ್ಲ. ಹೀಗಾಗಿ ಇಬ್ಬರು ಸೇರಿ ಒಂದೇ ಬಾರಿಗೆ ಪ್ಯಾಕೆಟ್‍ನ ಎರಡು ಬದಿಯನ್ನು ಒತ್ತಿದರೆ ಓಪನ್ ಆಗುತ್ತದೆ.

ಈ ಕಾಂಡೋಮ್ ಪ್ಯಾಕೆಟ್‍ಗೆ ಪ್ಲೆಸರ್ ಕಾನ್ಸೆಂಟಿಡೊ ಎಂದು ಕರೆಯಲಾಗುತ್ತದೆ. ವಿಶ್ವದಲ್ಲಿ ಇದೇ ಮೊದಲ ಬಾರಿಗೆ ಈ ರೀತಿ ವಿಶೇಷ ಕಾಂಡೋಮ್‍ಅನ್ನು ತುಲಿಪನ್ ಅರ್ಜೆಂಟಿನಾ ಎಂಬ ಕಂಪನಿ ಉತ್ಪಾದಿಸಿದೆ.

Este pack es tan simple de abrir como entender que si no te dice que sí, es no. #PlacerConsentido pic.twitter.com/KHWyoFmg7L

— Tulipán Argentina (@TulipanARG) April 3, 2019