ಬೀದರ್‌ನಲ್ಲಿ ನವರಾತ್ರಿ ಸಂಭ್ರಮ - ಮಹಿಳೆಯರಿಂದ ದಾಂಡಿಯಾ, ಗಾರ್ಬಾ ನೃತ್ಯ

ಬೀದರ್‌: ಮಹಾರಾಷ್ಟ್ರ (Maharashtra) ಹಾಗೂ ತೆಲಂಗಾಣ (Telangana) ಗಡಿಗೆ ಹೊಂದಿರುವ ಬೀದರ್‌ನಲ್ಲಿ (Bidar) ದಸರಾ ಹಬ್ಬವನ್ನು ಸಂಭ್ರಮದಿಂದ ಆಚರಿಸಲಾಗುತ್ತಿದೆ.

ಬೀದರ್ ನಗರದ ಕುಂಬಾರವಾಡಾ ಭವಾನಿ ದೇವಿ ಮಂದಿರ ಸೇರಿದಂತೆ ಜಿಲ್ಲೆಯಾದ್ಯಂತ ಮಹಿಳೆಯರು ದಾಂಡಿಯಾ (Dandiya) ಮತ್ತು ಗಾರ್ಬಾ ನೃತ್ಯ (Garba Dance) ಮಾಡುವ ಮೂಲಕ ನವರಾತ್ರಿ (Navratri) ಉತ್ಸವವನ್ನು ಸಂಭ್ರಮದಿಂದ ಆಚರಿಸಿದರು.

ವಯಸ್ಸಿನ ಅಂತರ ಮರೆತು ಸಂಭ್ರಮದಿಂದ ದಾಂಡಿಯಾ ನೃತ್ಯ ಹಾಗೂ ಗಾರ್ಬಾ ನೃತ್ಯ (Garba Dance) ಆಡುವುದರ ಮೂಲಕ ಮಹಿಳೆಯರು ಮತ್ತು ಬಾಲಕಿಯರು ಜನರ ಗಮನ ಸೆಳೆದರು. ಇದನ್ನೂ ಓದಿ: ಗಾರ್ಬಾ ನೃತ್ಯದಲ್ಲಿ ತೊಡಗಿದ್ದವರಿಗೆ ಹೃದಯಾಘಾತ – 10 ಸಾವು

ನಗರದ ಐತಿಹಾಸಿಕ ಕುಂಬಾರವಾಡಾ ದೇವಿ ಮಂದಿರದಲ್ಲಿ ಐದು ದಿನಗಳ ಕಾಲ ಕೈಯಲ್ಲಿ ಸಸಿ ಹಿಡಿದುಕೊಂಡು ಭವಾನಿ ತಾಯಿ ಭಕ್ತರಿಗೆ ದರ್ಶನ ನೀಡುತ್ತಾಳೆ. ತಾಯಿಯ ದರ್ಶನ ಪಡೆಯಲು ನಗರ ಹಾಗೂ ಗ್ರಾಮೀಣ ಭಾಗದ ಭಕ್ತರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ.