ನಾಗಚೈತನ್ಯ -ಸಮಂತಾ ಮತ್ತೆ ಮುಖಾಮುಖಿ : ಮಾಜಿ ಪತಿ ಚಿತ್ರಕ್ಕೆ ಯಶೋದ ಫೈಟ್

ನಟಿ ಸಮಂತಾ, ಮಾಜಿ ಪತಿ ನಾಗಚೈತನ್ಯ ಜತೆಗಿನ ಸಂಬಂಧಕ್ಕೆ ಈಗಾಗಲೇ ಫುಲ್ ಸ್ಟಾಪ್ ಇಟ್ಟಾಗಿದೆ. ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿದ್ದ ಪತಿ ಜತೆಗಿನ ಅಷ್ಟು ಫೋಟೋಗಳನ್ನ ಕೂಡ ಡಿಲೀಟ್ ಮಾಡಿದ್ದಾರೆ. ಅಷ್ಟರ ಮಟ್ಟಿಗೆ ದೂರ ದೂರ ಆಗಿದ್ದ ಈ ಜೋಡಿ ಇದೀಗ ಮತ್ತೆ ಸಮಂತಾ ಮಾಜಿ ಪತಿಗೆ ಎದುರಾಳಿಯಾಗಿ ನಿಂತಿದ್ದಾರೆ.

ವಯಕ್ತಿಕ ಬದುಕಿನ ಏಲ್ಲಾ ಕಹಿ ಘಟನೆಗಳನ್ನ ಮರೆತು ಸಿನಿಮಾಗಳ ಮುಖ ಮಾಡಿರೋ ಈ ಇಬ್ಬರು ತಾರೆಯರು. ಇದೀಗ ಒಬ್ಬರನೊಬ್ಬರು ಎದುರು ನೋಡುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಇಬ್ಬರು ಒಂದೇ ಕ್ಷೇತ್ರದಲ್ಲಿ ಇರುವುದರಿಂದ ಮುಖಾಮುಖಿ ಆಗೋದು ಅನಿವಾರ್ಯವಾಗಿದೆ. ಚಿತ್ರರಂಗದಲ್ಲಿ ನಾಗಚೈತನ್ಯ ಸಿನಿಮಾಗೆ ಫೈಟ್ ಕೊಡೊದಕ್ಕೆ ಸಮಂತಾ ಸಜ್ಜಾಗಿದ್ದಾರೆ.

ತಮ್ಮ ಸಿನಿಮಾಗಳ ಮೂಲಕ ಸಮಂತಾ ಮತ್ತು ನಾಗಚೈತನ್ಯ ಮತ್ತೆ ಮುಖಾಮುಖಿಯಾಗಿದ್ದಾರೆ. ಒಂದು ದಿನದ ಅಂತರದಲ್ಲಿ ಮಾಜಿ ಪತಿ ಪತ್ನಿಯ ಸಿನಿಮಾ ರಿಲೀಸ್ ಆಗ್ರಿದೆ. ನಾಗಚೈತನ್ಯ ನಟನೆಯ `ಲಾಲ್‌ಸಿಂಗ್ ಚಡ್ಡಾ’ ಮತ್ತು ಸಮಂತಾ ನಟನೆಯ `ಯಶೋದ’ ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಫೈಟ್ ಮಾಡಲು ರೆಡಿಯಾಗಿದ್ದಾರೆ.

ಆಮೀರ್ ಖಾನ್ ನಟನೆಯ `ಲಾಲ್‌ಸಿಂಗ್ ಚಡ್ಡಾ’ ಮೇ 11ರಂದು ರಿಲೀಸ್ ಆದರೆ ಇತ್ತ ಸಮಂತಾ ನಟನೆಯ `ಯಶೋದ’ ಮೇ 12ರಂದು ತೆರೆಗೆ ಬರುತ್ತಿದೆ. ಆಮೀರ್ ಖಾನ್ ನಟನೆಯ ಈ ಚಿತ್ರದಲ್ಲಿ ನಾಗಚೈತನ್ಯ ಅತಿಥಿ ಪಾತ್ರ ನಿರ್ವಹಿಸಿದ್ರು ಕೂಡ ಆ ಪಾತ್ರಕ್ಕೆ ಪ್ರಾಮುಖ್ಯತೆಯಿದೆ. ಚಿತ್ರದಲ್ಲಿ ಮೇಜರ್ ರೋಲ್ ಪ್ಲೇ ಮಾಡಿದ್ದಾರೆ. ಪ್ಯಾನ್ ಇಂಡಿಯಾ ಚಿತ್ರವಾಗಿ ರಿಲೀಸ್ ಆಗ್ತಿರೋ `ಯಶೋದ’ ಚಿತ್ರದ ಗ್ಲೀಂಪ್ಸ್ ಈಗಾಗಲೇ ಫಿದಾ ಆಗಿರೋ ಅಭಿಮಾನಿಗಳಿಗೆ ಸಿನಿಮಾಗಾಗಿ ಎದುರು ನೋಡ್ತಿದ್ದಾರೆ. ಇದನ್ನೂ ಓದಿ: ಯಶ್ ನಟನೆಯ `ಕೆಜಿಎಫ್ 2′ ಚಿತ್ರ ನೋಡಲಿರುವ ಸೆಂಚ್ಯೂರಿ ಸ್ಟಾರ್ ಶಿವಣ್ಣ

 

View this post on Instagram

 

A post shared by Samantha (@samantharuthprabhuoffl)

ರಿಲೀಸ್‌ಗೂ ಮುಂಚೆನೇ ಹೈಪ್ ಕ್ರಿಯೇಟ್ ಮಾಡಿರೋ ಈ ಎರಡು ಚಿತ್ರಗಳಲ್ಲಿ ಪ್ರೇಕ್ಷಕಪ್ರಭುಗಳು ಯಾವ ಸಿನಿಮಾಗೆ ಸಾಥ್ ನೀಡ್ತಾರೆ ಅಂತಾ ಕಾದು ನೋಡಬೇಕಿದೆ.