ಬಿಇಎಂಎಲ್ ಆವರಣದಲ್ಲಿ ಚಿರತೆ ಪ್ರತ್ಯಕ್ಷ

ಮೈಸೂರು: ಮೈಸೂರಿನ ಹೊರ ವಲಯದ ಹೂಟಗಳ್ಳಿಯಲ್ಲಿರುವ ಕೇಂದ್ರ ಸರ್ಕಾರದ ಬಿಇಎಂಎಲ್ ಸಂಸ್ಥೆ ಆವರಣ ಚಿರತೆಗಳ ವಾಸಸ್ಥಾನವಾಗಿದೆ.

ಬಿಇಎಂಎಲ್ ಸಂಸ್ಥೆಯು ನೂರಾರು ಎಕರೆ ವಿಸ್ತೀರ್ಣ ಹೊಂದಿದ್ದು, ಈಗಾಗಲೆ ಈ ಆವರಣದಲ್ಲಿ ಸಾಕಷ್ಟು ಚಿರತೆಗಳನ್ನು ಅರಣ್ಯ ಇಲಾಖೆ ಸೆರೆ ಹಿಡಿದಿದೆ. ಈಗ ಇದೇ ಆವರಣದಲ್ಲಿ ಎರಡು ಚಿರತೆಗಳು ಒಟ್ಟಿಗೆ ಕಾಣಿಸಿಕೊಂಡಿವೆ. ಈ ದೃಶ್ಯವನ್ನು ಬಿಇಎಂಎಲ್ ಭದ್ರತಾ ಸಿಬ್ಬಂದಿ ತಮ್ಮ ಮೊಬೈಲ್‍ನಲ್ಲಿ ಸೆರೆ ಹಿಡಿದಿದ್ದಾರೆ.

ಚಿರತೆಗಳು ಇರುವುದನ್ನು ಅರಿತ ಸಿಬ್ಬಂದಿ ಆತಂಕಕ್ಕೊಳಗಾಗಿದ್ದಾರೆ. ಬಿಇಎಂಎಲ್ ಆವರಣ ಕಿರು ಅರಣ್ಯದ ರೀತಿ ಆಗಿದ್ದು, ಹಲವು ಚಿರತೆಗಳು ಇಲ್ಲೇ ವಾಸಿಸುತ್ತಿವೆ. ಇದು ಸಿಬ್ಬಂದಿ ಆತಂಕ ಹೆಚ್ಚಾಗಲು ಕಾರಣವಾಗಿದೆ.