ಸರ್ಕಾರಿ ಕಚೇರಿ ಆವರಣದಲ್ಲಿ ತುಕ್ಕು ಹಿಡಿಯುತ್ತಿವೆ ಅನಾಮಧೇಯ ದ್ವಿಚಕ್ರ ವಾಹನಗಳು

Public TV
1 Min Read
MYS 1 1

ಮೈಸೂರು: ಜಿಲ್ಲೆಯ ನಂಜನಗೂಡು ಪಟ್ಟಣದ ಜಿಲ್ಲಾಪಂಚಾಯ್ತಿ ಕಾರ್ಯಪಾಲಕ ಅಭಿಯಂತರರ ಕಚೇರಿ ಸ್ಥಳದಲ್ಲಿ ಅನಾಮಧೇಯ ವಾಹನಗಳು ಪತ್ತೆಯಾಗಿವೆ.

ತುಕ್ಕು ಹಿಡಿದಿರುವ 10ಕ್ಕೂ ಹೆಚ್ಚು ದ್ವಿಚಕ್ರ ವಾಹನಗಳು ಪತ್ತೆಯಾಗಿದ್ದು ಅವು ಯಾರಿಗೆ ಸೇರಿದ್ದು, ಯಾವ ಕಾರಣಕ್ಕೆ ಇಲ್ಲಿ ನಿಲ್ಲಿಸಿದ್ದಾರೆ ಎಂಬುದು ಸ್ಪಷ್ಟವಾಗಿಲ್ಲ.

MYS 4

ಸಾಕಷ್ಟು ದಿನಗಳಿಂದ ಹೀಗೆ ತುಕ್ಕು ಹಿಡಿದ ವಾಹನಗಳು ಇಲ್ಲಿ ನಿಂತಿದ್ದು ಕಚೇರಿ ಸಿಬ್ಬಂದಿಗಾಗಲಿ, ಅಧಿಕಾರಿಗಳಿಗಾಗಲಿ ವಾಹನಗಳ ಬಗ್ಗೆ ಮಾಹಿತಿ ಇಲ್ಲ. ಪೊಲೀಸರಿಗೂ ಇವುಗಳ ಬಗ್ಗೆ ಮಾಹಿತಿ ಇಲ್ಲ.

ವಾಹನಗಳು ಇಲ್ಲಿಗೆ ಬಂದದ್ದಾದರೂ ಹೇಗೆ…? ಯಾರಿಗೆ ಸೇರಿದ್ದು ಈ ದ್ವಿಚಕ್ರ ವಾಹನಗಳು ಎಂಬುದು ಗೊತ್ತಾಗುತ್ತಿಲ್ಲ. ಅಲ್ಲದೆ ಕೆಲವು ವಾಹನಗಳಿಗೆ ನಂಬರ್ ಪ್ಲೇಟ್ ಕೂಡ ಇಲ್ಲ. ಸರ್ಕಾರಿ ಕಚೇರಿ ಆವರಣದ ಪೊದೆಗಳ ಮಧ್ಯೆ ಈ ವಾಹನಗಳು ಸೇರಿಕೊಂಡಿದ್ದು, ಗಿಡಗಂಟೆಗಳು ಒಣಗಿದ ಪರಿಣಾಮ ವಾಹನಗಳು ಗೋಚರವಾಗಿವೆ.

MYS 2 2

Share This Article
Leave a Comment

Leave a Reply

Your email address will not be published. Required fields are marked *