Connect with us

Latest

ಮದುವೆಯಾದ ಆರೇ ತಿಂಗಳಿಗೆ ಆತ್ಮಹತ್ಯೆಗೆ ಶರಣಾದ ನವದಂಪತಿ

Published

on

Share this

ಮುಂಬೈ: ಇತ್ತೀಚಿಗೆ ಮದುವೆಯಾದ ನವದಂಪತಿ ನೇಣು ಹಾಕಿಕೊಂಡು ಆತ್ಮಹತ್ಯೆಗೆ ಶರಣಾಗಿರುವ ಮಾಡಿರುವ ಘಟನೆ ಶನಿವಾರ ಮುಂಬೈನ ಸಬ್ ಆರ್ಬನ್ ಮಲಾಡ್‍ನಲ್ಲಿ ನಡೆದಿದೆ.

ದನ್‍ರಾಜ್ ಭುವನೇಶ್ವರ್ ನೈ (24) ಹಾಗೂ ಕಾಜಲ್ ದನ್‍ರಾಜ್ ನೈ (19) ನೇಣಿಗೆ ಶರಣಾದ ನವದಂಪತಿ. ಈ ನವದಂಪತಿ ಪಶ್ಚಿಮ ಮಲಾಡ್‍ನ ಮಲ್ವಾನಿಯಲ್ಲಿ ಶುಕ್ರವಾರ ಸುಮಾರು 10 ಗಂಟೆಗೆ ನ್ಯೂ ಕಲೆಕ್ಟರ್ ಕಂಪೌಂಡ್‍ನ ರೂಮಿನಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಇಬ್ಬರ ಶವ ಪತ್ತೆಯಾಗಿದೆ.

ಫ್ಯಾನಿನ ಹುಕ್‍ಗೆ ಸೀರೆಯನ್ನು ಕಟ್ಟಿ ನವದಂಪತಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ವಿಷಯ ತಿಳಿದ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ತಿಳಿಸಿದ್ದಾರೆ. ಪೊಲೀಸರು ಸ್ಥಳಕ್ಕೆ ಆಗಮಿಸಿ ಇಬ್ಬರ ದೇಹವನ್ನು ಸ್ಥಳೀಯ ಆಸ್ಪತ್ರೆಗೆ ರವಾನಿಸಿದ್ದಾರೆ. ಆರು ತಿಂಗಳ ಹಿಂದೆ ಮದುವೆಯಾದ ಧನ್‍ರಾಜ್ ಗಾರ್ಮೆಂಟ್ ಅಲ್ಲಿ ಕೆಲಸ ಮಾಡುತ್ತಿದ್ದರು. ದಂಪತಿಯ ಆತ್ಮಹತ್ಯೆಗೆ ನಿಖರ ಕಾರಣ ತಿಳಿದು ಬಂದಿಲ್ಲ ಎಂದು ಪೊಲೀಸ್ ಅಧಿಕಾರಿ ದೀಪಕ್ ತಿಳಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *

Advertisement