ಚಿಕಿತ್ಸೆಗಾಗಿ ಕರುವನ್ನು ವಾಹನದಲ್ಲಿ ಕರೆದೊಯ್ದರೆ, ಆಸ್ಪತ್ರೆವರೆಗೂ ಓಡೋಡಿ ಬಂತು ತಾಯಿ ಹಸು

ಹಾವೇರಿ: ಗಾಯದ ಸಮಸ್ಯೆಯಿಂದ ನಿತ್ರಾಣಗೊಂಡು ಬಳಲುತ್ತಿದ್ದ ಕರುವನ್ನು ಪಶು ಆಸ್ಪತ್ರೆಗೆ ಸಾಗಿಸುತ್ತಿದ್ದರೆ ತಾಯಿ ಹಸು ಆಸ್ಪತ್ರೆವರೆಗೂ ವಾಹನದ ಹಿಂದೆಯೇ ಓಡೋ ಬಂದಿರುವ ಘಟನೆ ಇಂದು ನಗರದಲ್ಲಿ ನಡೆದಿದೆ.

ಹಾವೇರಿ ನಗರದ ಜೆ.ಪಿ.ವೃತ್ತದ ಬಳಿ ಬೀದಿ ಹಸುವಿನ ಕರುವೊಂದು ಕೆಲವು ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿತ್ತು. ಅನಾರೋಗ್ಯದಿಂದ ಅಸ್ವಸ್ಥವಾಗಿದ್ದ ಕರುವನ್ನು ಸ್ಥಳೀಯರು ಚಿಕಿತ್ಸೆಗಾಗಿ ಪಶು ಆಸ್ಪತ್ರೆಗೆ ವಾಹನದಲ್ಲಿ ಕರೆದುಕೊಂಡು ಹೋಗಿದ್ದಾರೆ. ತನ್ನ ಕಂದನನ್ನು ಯಾರೋ ಕರೆದುಕೊಂಡು ಹೋಗುತ್ತಿದ್ದನ್ನು ಕಂಡ ತಾಯಿ ಹಸು ವಾಹನದ ಹಿಂದೆಯೇ ಬೆನ್ನತ್ತಿ ಹೋಗಿದೆ.

ಕರುವಿಗೆ ಚಿಕಿತ್ಸೆ ನೀಡುವವರೆಗೂ ತಾಯಿ ಹಸು ಮಾತ್ರ ಆಸ್ಪತ್ರೆಯ ಎದುರುಗಡೆಯೇ ನಿಂತಿತ್ತು. ವೈದ್ಯರ ಚಿಕಿತ್ಸೆ ನಂತರ ಕರುವನ್ನು ಕಂಡು ಮುದ್ದಾಡಿದ ಹಾಲು ಉಣಿಸಿ ಹೆತ್ತತಾಯಿ ಪ್ರೀತಿಗಿಂತ ಮಿಗಿಲಾಗಿದ್ದು ಯಾವುದು ಇಲ್ಲ ಅನ್ನೋದನ್ನ ಹಸು ಸಾಬೀತು ಮಾಡಿತು. ಈ ತಾಯಿ ಮಮತೆ ಕಂಡು ಜನರು ಬೆರಗಾಗಿ ನೋಡಿ ಒಂದು ಕ್ಷಣ ಭಾವುಕರಾದರು.

https://youtu.be/7f6RWSSVRaQ