4 ತಿಂಗ್ಳಲ್ಲಿ ಚಾಮುಂಡಿ ದೇವಿ ಹುಂಡಿಗೆ 11 ಕೋಟಿಗೂ ಅಧಿಕ ಆದಾಯ

ಮೈಸೂರು: ನಾಲ್ಕೇ ತಿಂಗಳಲ್ಲಿ ಮೈಸೂರಿನ ಅಧಿದೇವತೆ ಚಾಮುಂಡಿಬೆಟ್ಟದ ಚಾಮುಂಡಿ ದೇವಿಗೆ ದಾಖಲೆ ಪ್ರಮಾಣದ ಕಾಣಿಕೆ ಹರಿದು ಬಂದಿದೆ.

ಈ ಹುಂಡಿಗೆ ಸುಮಾರು ಮೂರು ಮುಕ್ಕಾಲು ಕೋಟಿ ಹಣ ಬಂದಿದೆ. ಹಾಗೆ ವಿವಿಧ ರೂಪದಲ್ಲಿ ದೇವಾಲಯಕ್ಕೆ 7 ಕೋಟಿಗೂ ಅಧಿಕ ಆದಾಯ ಕೂಡ ಬಂದಿದೆ. ಆಷಾಢದ ಮಾಸದಲ್ಲೇ ಒಂದೂ ಮುಕ್ಕಾಲು ಕೋಟಿ ಹಣ ಸಂಗ್ರಹವಾಗಿದೆ.

4 ತಿಂಗಳಲ್ಲಿ ಒಟ್ಟು 11 ಕೋಟಿಗೂ ಅಧಿಕ ಆದಾಯ ಬಂದಿದೆ. ಕಳೆದೆರಡು ವರ್ಷಕ್ಕಿಂತ ಶೇ 40ರಷ್ಟು ಆದಾಯ ಹೆಚ್ಚಾಗಿದೆ ಅಂತ ಜಿಲ್ಲಾಡಳಿತ ಮಾಹಿತಿ ನೀಡಿದೆ.