ತೆಲುಗಿನ ಖ್ಯಾತ ನಟ ಪ್ರಭಾಸ್ (Prabhas) ಮತ್ತು ಕನ್ನಡದ ಪ್ರತಿಭಾವಂತ ನಿರ್ದೇಶಕ ಪ್ರಶಾಂತ್ ನೀಲ್ (Prashanth Neel) ಕಾಂಬಿನೇಷನ್ ನ ನಿರೀಕ್ಷಿತ ‘ಸಲಾರ್’ (Salaar Teaser) ಸಿನಿಮಾದ ಟೀಸರ್ ಇಂದು (ಗುರುವಾರ) ಬೆಳಗ್ಗಿನ ಜಾವ 5.12ಕ್ಕೆ ರಿಲೀಸ್ ಆಗಿದೆ. ಟೀಸರ್ ತುಂಬಾ ಪ್ರಶಾಂತ್ ನೀಲ್ ಮೇಕಿಂಗ್ ಮತ್ತು ಪ್ರಭಾಸ್ ಅವರ ಅಬ್ಬರ ತುಂಬಿ ತುಳುಕಾಡುತ್ತಿದೆ. ಅದ್ದೂರಿಯಾಗಿ ಮೂಡಿ ಬಂದಿರುವ ಟೀಸರ್ ನಲ್ಲಿ ಹತ್ತು ಹಲವು ಕುತೂಹಲದ ಅಂಶಗಳಿವೆ. ಮತ್ತೆ ಪ್ರಶಾಂತ್ ಕತ್ತಲು ಬೆಳಕಿನ ಆಟವಾಡಿದ್ದಾರೆ.
THE MOST VIOLENT MEN… CALLED ONE MAN… THE MOST VIOLENT ????
Presenting #SalaarCeaseFire to the world: https://t.co/8Hcg1ljyZ3#SalaarTeaser #Salaar #Prabhas #PrashanthNeel @PrithviOfficial @shrutihaasan @hombalefilms #VijayKiragandur @IamJagguBhai @sriyareddy @bhuvangowda84… pic.twitter.com/seg3MlZoJq
— Prabhas (@PrabhasRaju) July 5, 2023
Advertisement
ಸಲಾರ್ ಸಿನಿಮಾದ ಸ್ಟಿಲ್ ಮತ್ತು ಕೆಲ ಮೇಕಿಂಗ್ ವಿಡಿಯೋಗಳನ್ನು ನೋಡಿದಾಗ ಮತ್ತೆ ಕೆಜಿಎಫ್ (KGF) ವಾತಾವರಣವನ್ನೇ ಪ್ರಶಾಂತ್ ನೀಲ್ ನೆನಪಿಸಿದ್ದಾರೆ ಅನಿಸಿತ್ತು. ಕೊಂಚ ಅದೇ ಹೋಲಿಕೆ ಎನ್ನುವಂತೆ ಕಂಡರೂ, ಕೆಜಿಎಫ್ ಗಿಂತಲೂ ಭಿನ್ನವಾದ ಆಲೋಚನೆಯಲ್ಲಿ ಸಿನಿಮಾವನ್ನು ಕಟ್ಟಿಕೊಟ್ಟಿದ್ದಾರೆ ಅನಿಸುತ್ತಿದೆ ಈ ಟೀಸರ್.
Advertisement
Advertisement
ಪ್ರಶಾಂತ್ ಬ್ರಿಲಿಯಂಟ್ ಡೈರೆಕ್ಟರ್. ಎರಡು ಮಾತೇ ಇಲ್ಲ. ಪ್ರಭಾಸ್ ಕೂಡ ಪ್ರತಿಭಾವಂತ ನಟ. ಇಂತಹ ಕಾಂಬಿನೇಷನ್ ಇದ್ದರೆ ಜಗತ್ತೇ ಮೆಚ್ಚುವಂತಹ ಸಿನಿಮಾ ಮಾಡಬಹುದು ಎನ್ನುವುದಕ್ಕೆ ಸಲಾರ್ ಟೀಸರ್ ಇಂಬುಕೊಡುತ್ತದೆ. ಚಿತ್ರದ ಮೇಲೆ ಸಾಕಷ್ಟು ಭರವಸೆಯನ್ನೂ ಮೂಡಿಸುತ್ತದೆ. ಟೀಸರ್ ನ ಒಂದೊಂದು ಫ್ರೇಮ್ ಕೂಡ ಅಳೆದು ತೂಗಿ ಮಾಡಿದಂತಿದೆ. ಇದನ್ನೂ ಓದಿ: ಸೆನ್ಸೇಷನಲ್ ಡೈರೆಕ್ಟರ್ ಜೊತೆ ಕೈ ಜೋಡಿಸಿದ ಲೈಕಾ ಪ್ರೊಡಕ್ಷನ್
Advertisement
ಹೊಂಬಾಳೆ ಬ್ಯಾನರ್ (Hombale Films) ನಲ್ಲಿ ಮೂಡಿ ಬಂದಿರುವ ಸಲಾರ್ ಸಿನಿಮಾಗೆ ಅಂದಾಜು ಇನ್ನೂರು ಕೋಟಿ ಖರ್ಚು ಮಾಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಕೆಜಿಎಫ್ 1 ಮತ್ತು 2 ಸಿನಿಮಾಗೆ ಮಾಡಿದ ಖರ್ಚನ್ನು ಸಲಾರ್ ಒಂದಕ್ಕೆ ಸುರಿದಿದ್ದಾರೆ ಎನ್ನುವ ಮಾಹಿತಿಯೂ ಇದೆ. ಅದರಲ್ಲೂ ಒಂದಷ್ಟು ದೃಶ್ಯಗಳಿಗೆ ಕೋಟಿ ಕೋಟಿ ಖರ್ಚು ಮಾಡಿದ್ದಾರೆ ಎಂದು ಪ್ರಶಾಂತ್ ಬಳಗ ಹೇಳಿಕೊಳ್ಳುತ್ತಿದೆ. ಅಲ್ಲಿಗೆ ಸಲಾರ್ ಭಾರೀ ಬಜೆಟ್ ಸಿನಿಮಾಗಳಲ್ಲಿ ಒಂದಾಗಲಿದೆ.
Web Stories
