ಚಾಮರಾಜನಗರ: ತಾಯಿ ಪ್ರೀತಿ ಅಂದರೆ ಅಮೃತಕ್ಕಿಂತಲೂ ಹೆಚ್ಚು, ತನ್ನ ಕಂದನಿಗೆ ಸ್ವಲ್ಪ ನೋವಾದರೂ ಕೂಡ ತಾಯಿ ಜೀವ ವಿಲವಿಲನೆ ಒದ್ದಾಡುತ್ತೆ. ಮನುಷ್ಯರಷ್ಟೇ ಅಲ್ಲ ಪ್ರಾಣಿಗಳಲ್ಲೂ ಸಹ ಇಂತಹದ್ದೇ ವಾತ್ಸಲ್ಯ ತುಂಬಿರುತ್ತೆ. ಹೀಗೆ ಕೋತಿಯೊಂದು ತನ್ನ ಕಂದ ಮೃತಪಟ್ಟು ವಾರಗಳು ಕಳೆದರೂ, ತನ್ನ ಮರಿ ಸಾವನ್ನಪ್ಪಿಲ್ಲ ಎಂಬಂತೆ ತನ್ನ ಕಂಕುಳಿನಲ್ಲಿ ಹೊತ್ತು ತಿರುಗುತ್ತಿದೆ.
ಚಾಮರಾಜನಗರದ ಭ್ರಮರಾಂಭ ಬಡಾವಣೆಯಲ್ಲಿ ಕೋತಿಯೊಂದು ಕಳೆದ ಒಂದು ವಾರದಿಂದ ತನ್ನ ಮೃತ ಮರಿಯನ್ನು ತನ್ನ ಕಂಕುಳಿನಲ್ಲಿ ಹೊತ್ತು ತಿರುಗಾಡುತ್ತಿದೆ. ಕೋತಿ ತಾಯಿಗೆ ತನ್ನ ಕಂದ ಒಂದು ವಾರದ ಹಿಂದೆಯೇ ಮೃತಪಟ್ಟಿದೆ ಎಂಬ ವಿಷಯ ತಿಳಿದಿಲ್ಲ. ತಿಳಿದಿದ್ರು ತಾಯಿ ಕರುಳು ಮಾತ್ರ ತನ್ನ ಮರಿ ಸಾವನ್ನಪ್ಪಿಲ್ಲ ಎಂಬ ಭಾವನೆಯಲ್ಲೇ ಇದೆ. ತನ್ನ ಕಂದ ಈಗ ಏಳುತ್ತೆ, ಆಗ ಏಳುತ್ತೆ ಎಂಬ ಭಾವನೆಯಲ್ಲೇ ತಾಯಿ ಕೋತಿ ಮರಿ ಕೋತಿಯ ಮುಖವನ್ನೇಲ್ಲಾ ನೆಕ್ಕಿ ಎಬ್ಬಿಸಲು ಪ್ರಯತ್ನ ಪಡುತ್ತಿದೆ.
Advertisement
Advertisement
ತಾಯಿ ಕೋತಿ ತನ್ನ ಮೃತ ಮರಿಯನ್ನು ಎಬ್ಬಿಸುತ್ತಿರುವ ರೀತಿಯನ್ನು ನೋಡಿದರೆ, ಎಂತವರಿಗೂ ಸಹ ಕಣ್ಣಲ್ಲಿ ನೀರು ಬರುತ್ತದೆ. ಹೀಗಾಗಿ ಕೋತಿಯನ್ನು ನೋಡುತ್ತಿರುವ ಚಾಮರಾಜನಗರದ ಭ್ರಮರಾಂಭ ಬಡಾವಣೆಯ ಜನರ ಕಣ್ಣು ತುಂಬಿ ಬರುತ್ತಿದೆ. ತನ್ನ ಕಂದ ಸಾವನ್ನಪ್ಪಿದೆ ಎಂದರೆ ಎಂತಹ ತಾಯಿಗೂ ಕರುಳು ಹಿಂಡಿದ ಹಾಗೆ ಆಗುತ್ತದೆ. ಅದೇ ಸ್ಥಿತಿಯಲ್ಲಿ ಈ ಕೋತಿ ಇದ್ದು, ಬಹುಶಃ ಆ ತಾಯಿ ಕೋತಿಗೆ ತನ್ನ ಮರಿ ಸಾವನ್ನಪ್ಪಿರುವದರಿಂದ ಬುದ್ದಿ ಭ್ರಮಣೆಯಾಗಿದೆ. ಹೀಗಾಗಿ ಕೋತಿ ತನ್ನ ಕಂದ ಮೃತಪಟ್ಟಿಲ್ಲ ಎಂದು ಆ ಮರಿ ಕೋತಿ ಶವವನ್ನು ಎತ್ತುಕೊಂಡು ಓಡಾಡುತ್ತಿದೆ ಎಂದು ಇಲ್ಲಿನ ಜನರು ಕಣ್ಣುಂಬಿಕೊಂಡು ಹೇಳುತ್ತಿದ್ದಾರೆ.
Advertisement
https://www.youtube.com/watch?v=7PBC8F7fC9c
Advertisement
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
