ಕನ್ನಡದ ಐರಾವತ ಬೆಡಗಿ ಊರ್ವಶಿ ರೌಟೇಲಾ(Urvashi Rautela) ಅವರು ಕೆಲ ದಿನಗಳ ಹಿಂದೆ ಸಂಭಾವನೆ ವಿಚಾರವಾಗಿ ಸುದ್ದಿಯಾಗಿದ್ರು. ಕೇವಲ ಮೂರೇ ನಿಮಿಷ ನಟಿಸಲು 3 ಕೋಟಿ ರೂ. ಸಂಭಾವನೆ ಪಡೆದುಕೊಂಡಿದ್ದರು. ಈಗ ಮಾಲಿವುಡ್‌ನ (Mollywood) ಎವರ್‌ಗ್ರೀನ್ ನಟ ಮಮ್ಮುಟ್ಟಿ (Mammootty) ಕೇವಲ ಎರಡೇ 2 ದೃಶ್ಯದಲ್ಲಿ ನಟಿಸಲು ದುಬಾರಿ ಸಂಭಾವನೆಯನ್ನೇ ಡಿಮ್ಯಾಂಡ್ ಮಾಡಿದ್ದಾರೆ.
ಮಲಯಾಳಂ ಸೂಪರ್ ಸ್ಟಾರ್ ಮಮ್ಮುಟ್ಟಿಗೆ (Mammootty) 71 ವರ್ಷವಾಗಿದ್ರು ಕನ್ನಡದ ನಟ ಶಿವಣ್ಣ ಅವರಂತೆಯೇ ಯಂಗ್ & ಚಾರ್ಮಿಂಗ್ ಆಗಿದ್ದಾರೆ. ಮಲಯಾಳಂ ಮಾತ್ರವಲ್ಲ ಬೇರೆ ಬೇರೆ ಭಾಷೆಗಳಲ್ಲಿ ಸಿನಿಮಾ ಮಾಡುತ್ತಾ ಸಾಲು ಸಾಲು ಸಿನಿಮಾಗಳಲ್ಲಿ ಮಮ್ಮುಟ್ಟಿಗೆ ಬ್ಯುಸಿಯಾಗಿದ್ದಾರೆ. ಹೀಗಿರುವಾಗ ಹೊಸ ಸಿನಿಮಾವೊಂದಕ್ಕೆ ನಟಿಸಲು ನಟನ ಸಂಭಾವನೆ ವಿಚಾರವೊಂದು ಮಾಲಿವುಡ್‌ನಲ್ಲಿ ಟಾಕ್ ಆಗ್ತಿದೆ. ಇದನ್ನೂ ಓದಿ:ಕಾಲ್‌ಶೀಟ್‌ ಕದನಕ್ಕೆ ಬ್ರೇಕ್‌ ಬೀಳುವ ಮುಂಚೆಯೇ ‘K46’ ಸಿನಿಮಾಗೆ ಸಜ್ಜಾದ ಕಿಚ್ಚ ಸುದೀಪ್
ಇದೀಗ ಮತ್ತೆ ವಿಧಾನಸಭಾ ಚುನಾವಣೆ ಸಮೀಪಿಸುತ್ತಿದೆ. ಆ ಹಿನ್ನೆಲೆಯಲ್ಲಿ ನಿರ್ದೇಶಕ ಮಹಿ ವಿ ರಾಘವ್ ಯಾತ್ರಾ 2 ಸಿನಿಮಾ ಶುರು ಮಾಡಿದ್ದಾರೆ. ವೈಎಸ್‌ಆರ್ ನಿಧನದ ನಂತರ ಮುಖ್ಯಮಂತ್ರಿ ಜಗನ್ ಮೋಹನ್ ರೆಡ್ಡಿ ಅವರ ರಾಜಕೀಯ ಪಯಣ ಮತ್ತು ಅಧಿಕಾರಕ್ಕೆ ಬರಲು ಕಾರಣವಾದ ಪಾದಯಾತ್ರೆಯ ಹಿನ್ನೆಲೆಯಲ್ಲಿ ಈ ಸಿನಿಮಾವನ್ನು ತಯಾರಿಸಲಾಗುತ್ತಿದೆ. ಜಗನ್ ಪಾತ್ರದಲ್ಲಿ ತಮಿಳು ನಟ ಜೀವ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಯಾತ್ರಾ (Yatra) ಬಯೋಪಿಕ್ ಸಿನಿಮಾದ ಮುಂದುವರಿದ ಭಾಗದಂತಿರುವ ಯಾತ್ರಾ 2 (Yatra 2) ಸಿನಿಮಾದಲ್ಲಿ ವೈಎಸ್‌ಆರ್‌ಗೆ ಸಂಬಂಧಿಸಿದ ದೃಶ್ಯಗಳೂ ಇವೆ. ಹಾಗಾಗಿ, ಯಾತ್ರಾದಲ್ಲಿ ವೈಎಸ್‌ಆರ್ ಪಾತ್ರ ಮಾಡಿದ್ದ ಮಮ್ಮುಟ್ಟಿ ಇಲ್ಲಿಯೂ ನಟಿಸಬೇಕಿದೆ. ಆದರೆ ಅದಕ್ಕಾಗಿ ಅವರು ಕೇಳಿರುವ ಸಂಭಾವನೆ ಮಾತ್ರ ಎಲ್ಲರಿಗೂ ಶಾಕ್ ನೀಡಿದೆ.
ವೈಎಸ್‌ಆರ್ ಪಾತ್ರದಲ್ಲಿ ಚಿತ್ರತಂಡ ಮಮ್ಮುಟ್ಟಿಗೆ ಆಫರ್ ಮಾಡಿದ್ದಾರೆ. ಸಿನಿಮಾದಲ್ಲಿ ಕೇವಲ ಎರಡೇ ಎರಡು ದೃಶ್ಯಕ್ಕೆ ನಟ 10 ಕೋಟಿ ರೂಪಾಯಿಗೂ ಅಧಿಕ ಮೊತ್ತವನ್ನೇ ಕೇಳಿದ್ದಾರಂತೆ. ನಟನ ಸಂಭಾವನೆ ಮೊತ್ತ ಕೇಳಿ ನಿರ್ಮಾಪಕರು ಶಾಕ್ ಆಗಿದ್ದಾರಂತೆ. ಸಂಭಾವನೆ ಕೊಂಚ ಕಮ್ಮಿ ಮಾಡಿಕೊಳ್ಳುವಂತೆ ಮಮ್ಮುಟ್ಟಿಗೆ ಚಿತ್ರತಂಡ ಮನವಿ ಮಾಡಿದ್ದಾರಂತೆ. ಚಿತ್ರತಂಡದ ಮನವಿಗೆ ಮಮ್ಮುಟ್ಟಿ ಓಕೆ ಎಂದ್ರಾ? ಯಾತ್ರಾ 2 ಸಿನಿಮಾದ ಭಾಗವಾಗುತ್ತಾರಾ ಕಾದುನೋಡಬೇಕಿದೆ.
