ಭಾರತೀಯ ಸೇನೆಯ ಹುತಾತ್ಮ ಯೋಧನ ಪತ್ನಿ ಈಗ ಸೇನಾಧಿಕಾರಿ

ಚೆನ್ನೈ: ಭಾರತೀಯ ಸೇನೆಯ ಹುತಾತ್ಮ ಯೋಧ ನಾಯಕ್‌ ದೀಪಕ್‌ ಕುಮಾರ್‌ ಅವರ ಪತ್ನಿ ಜ್ಯೋತಿ ದೀಪಕ್‌ ನೈನ್ವಲ್‌ ಈಗ ಸೇನಾಧಿಕಾರಿಯಾಗಿದ್ದಾರೆ.

2018ರಲ್ಲಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ಉಗ್ರರ ವಿರುದ್ಧ ನಡೆದ ಕಾರ್ಯಾಚರಣೆಯಲ್ಲಿ ಜ್ಯೋತಿ ಅವರ ಪತಿ ದೀಪಕ್‌ ಕುಮಾರ್‌ ಹುತಾತ್ಮರಾಗಿದ್ದಾರೆ. ಪರಿಣಾಮವಾಗಿ 9 ವರ್ಷದ ಮಗಳು, 7 ವರ್ಷದ ಮಗನ ಪೋಷಣೆ ಜವಾಬ್ದಾರಿ ಜ್ಯೋತಿ ಅವರ ಹೆಗಲಿಗೆ ಬೀಳುತ್ತದೆ. ಕುಟುಂಬ ಸಂಕಷ್ಟದಲ್ಲಿದ್ದ ವೇಳೆ ಜ್ಯೋತಿ ಅವರ ತಾಯಿ ಮಗಳಿಗೆ ಧೈರ್ಯ ತುಂಬುತ್ತಾರೆ. ಇದನ್ನೂ ಓದಿ: ಖರ್ಗೆ ಬಳಿ ಪ್ರತಾಪ್ ಸಿಂಹ ಕ್ಷಮೆ ಕೇಳದಿದ್ರೆ ಚಪ್ಪಲಿಯಲ್ಲಿ ಹೊಡೀತೇವೆ: ಮಹಾಂತ ಶಿವಾಚಾರ್ಯ

ಬದುಕಿನಲ್ಲಿ ಏನಾದರೂ ಸಾಧಿಸಬೇಕು ಎಂದು ಜ್ಯೋತಿ ಅವರ ತಾಯಿ ಹುರಿದುಂಬಿಸುತ್ತಾರೆ. ತಾಯಿಯ ಪ್ರೇರಣೆಯಿಂದ ಸೇನೆಗೆ ಸೇರಬೇಕೆಂಬ ಹಂಬಲ ಜ್ಯೋತಿ ಅವರಲ್ಲಿ ಮೂಡುತ್ತದೆ. ಇದನ್ನೂ ಓದಿ: ರಾಜಕೀಯ ನಾಯಕರಿಗೆ ಕೈ ಮುಗಿದ ಜೂನಿಯರ್ ಎನ್‍ಟಿಆರ್

ಬ್ರಿಗೇಡಿಯರ್‌ ಚೀಮಾ ಮತ್ತು ಕರ್ನಲ್‌ ಎಂ.ಪಿ.ಸಿಂಗ್‌ ಅವರ ಮಾರ್ಗದರ್ಶನದಿಂದ ಸರ್ವೀಸ್‌ ಸೆಲಕ್ಷನ್‌ ಬೋರ್ಡ್‌ ಪರೀಕ್ಷೆಗೆ ತಯಾರಿ ನಡೆಸುತ್ತಾರೆ. ಅದರಲ್ಲಿ ಪಾಸಾಗಿ ನಂತರ ಚೆನ್ನೈನ ಆಫಿಸರ್ಸ್‌ ಟ್ರೈನಿಂಗ್‌ ಅಕಾಡೆಮಿಯಲ್ಲಿ ತರಬೇತಿ ಪೂರ್ಣಗೊಳಿಸುವ ಮೂಲಕ ಸೇನಾಧಿಕಾರಿಯಾಗಿದ್ದಾರೆ.