ಕಾರು ಚಲಾಯಿಸುತ್ತಲೇ ಸ್ಪಾ ಮಾಡ್ತಿರೋ ವಿಡಿಯೋ ವೈರಲ್

ಪಾರ್ಲರ್ ಗಳಲ್ಲಿ ಬಾಡಿ ಮಸಾಜ್, ಸ್ಪಾ ಮೊದಲಾದವುಗಳನ್ನು ಮಾಡುವುದನ್ನು ನೋಡಿದ್ದೇವೆ ಹಾಗೂ ಕೇಳಿದ್ದೇವೆ. ಆದ್ರೆ ವ್ಯಕ್ತಿಯೊಬ್ಬ ತನ್ನ ಕಾರನಲ್ಲೇ ಸ್ಪಾ ಮಾಡುತ್ತಿರೋ ದೃಶ್ಯವೊಂದು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಹೌದು. ಕಾಲಿನ್ ಫರ್ಜೆ ಎಂಬ ವ್ಯಕ್ತಿ ತನ್ನ ಕಾರನ್ನು ಟಬ್ ಆಗಿ ಮಾಡಿ ಅದಕ್ಕೆ ನೀರು ಸುರಿದು ಚಲಾಯಿಸುವ ಮೂಲಕ ಸ್ಪಾ ಮಾಡಿಕೊಳ್ಳುತ್ತಾನೆ. ಕಾರಿನ ಇತರ ಎಲೆಕ್ಷಟಿಕಲ್ ಭಾಗಗಳನ್ನು ವಾಟರ್ ಪ್ರೂಫ್ ಮಾಡಿಕೊಂಡಿದ್ದಾನೆ.

ಕಾರು ಚಾಲನೆ ಮಾಡುವಾಗ ಎಂಜಿನ್ ಮೂಲಕ ನೀರು ಬಿಸಿಯಾಗುವಂತೆ ಮಾಡಿದ್ದಾನೆ. ಅಲ್ಲದೇ ಕಾರಿನ ಎರಡು ಬದಿಯಲ್ಲಿ ಕಾಯಿಲ್ ಇಟ್ಟಿದ್ದಾನೆ. ಈ ಮೂಲಕ ಕಾರು ಚಾಲನೆ ಮಾಡುತ್ತಲೇ ಸ್ಪಾ ಮಾಡಿಸಿಕೊಳ್ಳುತ್ತಾನೆ. ಈ ವಿಡಿಯೋ ಇದೀಗ ಯೂಟ್ಯೂಬ್ ನಲ್ಲಿ 10 ಲಕ್ಷಕ್ಕೂ ಅಧಿಕ ವ್ಯೂವ್ ಕಂಡಿದೆ.

ಇದು ನಾನು ಮಾಡಿರೋ ಅತ್ಯುತ್ತಮ ಅನ್ವೇಷಣೆ ಅಂತ ಸ್ವತಃ ಫರ್ಜೆ ತನ್ನ ಕಾರ್ಯವನ್ನು ಶ್ಲಾಘಿಸಿಕೊಂಡಿದ್ದಾನೆ. ಕಾರು ಚಲಾಯಿಸುತ್ತಲೇ ಎಂಜಾಯ್ ಮಾಡಿಕೊಂಡು ಸ್ಪಾ ಮಾಡಿಸಿಕೊಳ್ಳುವ ದೃಶ್ಯವನ್ನು ಸೆರೆಹಿಡಿದ ಫರ್ಜೆ ಇದೊಂದು ಗೂಗಲ್ ಜಾಹೀರಾತು ಅಂತ ಬಹಿರಂಗಪಡಿಸಿದ್ದಾನೆ.