ಮುಂಬೈ: ಗೆಳತಿಯನ್ನು (GirlFriend) ಮೆಚ್ಚಿಸಲು ಯುವಕನೊಬ್ಬ ಐಷಾರಾಮಿ ಕಾರನ್ನು (Luxury Car) ಕದ್ದು ಪೊಲೀಸರಿಗೆ (Police) ಸೆರೆ ಸಿಕ್ಕ ಘಟನೆ ಮಹಾರಾಷ್ಟ್ರದ (Maharashtra) ಪುಣೆಯಲ್ಲಿ ನಡೆದಿದೆ.
ಆರೋಪಿಯನ್ನು ವಿಮಾನನಗರ ನಿವಾಸಿ ಇಶಾಂತ್ ಶರ್ಮಾ (25) ಎಂದು ಗುರುತಿಸಲಾಗಿದೆ. ನದೀಮ್ ಶೇಖ್ ಎಂಬಾತ ಐಷಾರಾಮಿ ಕಾರುಗಳ ಮಾರಾಟ ಮಾಡುತ್ತಿದ್ದ. ಈ ಹಿನ್ನೆಲೆಯಲ್ಲಿ ನದೀಮ್ ಶೇಖ್ ಅತ್ಯಾಧುನಿಕ ಕಾರುಗಳನ್ನು ಮಾರಾಟ ಮಾಡುವ ಜಾಹಿರಾತನ್ನು ಪೋಸ್ಟ್ ಮಾಡಿದ್ದ. ಈ ಜಾಹಿರಾತನ್ನು ನೋಡಿದ್ದ ಇಶಾಂತ್, ನದೀಮ್ ಶೇಖ್‌ನನ್ನು ಸಂಪರ್ಕಿಸಿ ಕಾರನ್ನು ಖರೀದಿಸುವುದಾಗಿ ತಿಳಿಸಿದ್ದಾನೆ.
Advertisement
Advertisement
ಅಷ್ಟೇ ಅಲ್ಲದೇ ನದೀಮ್ ಶೇಖ್‌ನ ಶೋರೂಮ್‌ಗೆ ಭೇಟಿ ನೀಡಿದ್ದ ಇಶಾಂತ್ 2.80 ಲಕ್ಷ ರೂ.ಗೆ ಕಾರನ್ನು ಖರೀದಿಸುವುದಾಗಿ ಒಪ್ಪಂದ ಮಾಡಿಕೊಂಡಿದ್ದಾನೆ. ಅಷ್ಟೇ ಅಲ್ಲದೇ ತನ್ನ ತಾಯಿಯ ಜನ್ಮದಿನವಿದೆ. ಇದರಿಂದಾಗಿ ಕಾರನ್ನು ಉಡುಗೊರೆಯಾಗಿ ನೀಡುತ್ತೇನೆ ಎಂದು ತಿಳಿಸಿದ್ದಾನೆ.
Advertisement
Advertisement
ಅದಾದ ಮರುದಿನ ತನ್ನ ತಾಯಿ ಹಾಗೂ ಗೆಳತಿಗೆ ತೋರಿಸಲು ಕಾರನ್ನು ಎರವಲು ಪಡೆದಿದ್ದಾನೆ. ಇಶಾಂತ್ ಶರ್ಮಾ ಜೊತೆ ನದೀಮ್ ಶೇಖ್ ಕೂಡ ಕಾರಿನಲ್ಲಿ ಹೋಗಿದ್ದ. ಆದರೆ ಸಾವಿತ್ರಿಬಾಯಿ ಫುಲೆ ಪುಣೆ ವಿಶ್ವವಿದ್ಯಾನಿಲಯದ ಗೇಟ್‌ನಲ್ಲಿ ನದೀಮ್ ಶೇಖ್‌ನ ಬಳಿ ಇಶಾಂತ್ ಶರ್ಮಾ ಹೊರಗಿನವರನ್ನು ಬಿಡುವುದಿಲ್ಲ ಎಂದು ಹೇಳಿ ಕೆಳಗಿಳಿಸಿದ್ದಾನೆ. ಅದಾದ ಬಳಿಕ ಇಶಾಂತ್ ಅಲ್ಲಿಂದ ಕಾರಿನೊಂದಿಗೆ ಪರಾರಿಯಾಗಿದ್ದಾನೆ. ಇದನ್ನೂ ಓದಿ: ಡಿಸೆಂಬರ್‌ನಲ್ಲಿ ಅಸ್ಪೃಶ್ಯತೆ ನಿವಾರಣೆಯ ಜಾಗೃತಿ ಸಮಾವೇಶ – ಏನಿದು ವಿನಯ ಸಾಮರಸ್ಯ ಯೋಜನೆ
ಘಟನೆಗೆ ಸಂಬಂಧಿಸಿ ನದೀಮ್ ಶೇಖ್ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ನಾನಾ ಪೇಠ್ ಪ್ರದೇಶದಲ್ಲಿ ಇಶಾಂತ್ ಶರ್ಮಾನನ್ನು ಬಂಧಿಸಲಾಗಿದೆ. ಇದನ್ನೂ ಓದಿ: ಗುಜರಾತ್ ವಿಧಾನಸಭೆ ಚುನಾವಣೆ – ಎಸ್‍ಸಿ, ಎಸ್‍ಟಿ ಮತ ಸೆಳೆಯಲು ಬಿಜೆಪಿ ತಂತ್ರ
Live Tv
[brid partner=56869869 player=32851 video=960834 autoplay=true]
