ವಿಡಿಯೋ: ಎಟಿಎಂ ನಲ್ಲಿ ಬಾಲಕಿಯ ತಲೆಗೆ ಗನ್ ಇಟ್ಟು ತಂದೆಯಿಂದ ಹಣ ಡ್ರಾ ಮಾಡಿಸಿಕೊಂಡು ಕಳ್ಳ ಪರಾರಿ

ಇಂದೋರ್: ಕಳ್ಳನೊಬ್ಬ ಎಟಿಎಂ ನೊಳಗೆ ನುಗ್ಗಿ 2 ವರ್ಷದ ಬಾಲಕಿಯ ತಲೆಗೆ ಗನ್ ಇಟ್ಟು, ಮಗುವಿನ ತಂದೆಗೆ ಹಣ ಡ್ರಾ ಮಾಡಿ ಕೊಡುವಂತೆ ಬೆದರಿಸುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡ್ತಿದೆ.

ಮಧ್ಯಪ್ರದೇಶದ ಇಂದೋರ್‍ನಲ್ಲಿ ಕಳೆದ ಡಿಸೆಂಬರ್ 24ರಂದು ಈ ಘಟನೆ ನಡೆದಿದ್ದು, ಒಂದು ತಿಂಗಳ ಬಳಿಕ ಸಿಸಿಟಿವಿ ದೃಶ್ಯಾವಳಿ ಹರಿದಾಡ್ತಿದೆ. ಇಲ್ಲಿನ ಕೇಸರ್ ಬಾಘ್ ರೋಡ್‍ನ ಎಟಿಎಂನಲ್ಲಿ ಪಟೇಲ್ ಎಂಬವರು ತನ್ನ ಹೆಂಡತಿ ಹಾಗೂ ಮಗುವಿನೊಂದಿಗೆ ಹಣ ಡ್ರಾ ಮಾಡಲೆಂದು ಹೋದಾಗ ಈ ಘಟನೆ ನಡೆದಿದೆ. ಪಟೇಲ್ ಅವರಿಂದ ಹಣ ತೆಗೆದುಕೊಂಡು ಕಳ್ಳ ಪರಾರಿಯಾಗಿದ್ದು, ಈ ಎಲ್ಲಾ ದೃಶ್ಯ ಎಟಿಎಂ ನ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಪಟೇಲ್ 1500 ರೂ. ಡ್ರಾ ಮಡುತ್ತಿದ್ದಂತೆ ಮುಸುಕುಧಾರಿ ಕಳ್ಳ ಎಟಿಎಂ ಒಳಗೆ ನುಗ್ಗಿದ್ದಾನೆ. ಕೈಯ್ಯಲ್ಲಿ ಪಿಸ್ತೂಲ್ ಹಿಡಿದಿದ್ದ ಆ ಖದೀಮ ಮಗುವಿನ ತಲೆಗೆ ಗನ್ ಇಟ್ಟು, ಎಟಿಎಂನಿಂದ ಮತ್ತಷ್ಟು ಹಣ ಡ್ರಾ ಮಾಡಿಕೊಡುವಂತೆ ಬ್ಲಾಕ್‍ಮೇಲ್ ಮಾಡಿದ್ದಾನೆ. ಇದರಿಂದ ಭಯಗೊಂಡ ಪಟೇಲ್ 10 ಸಾವಿರ ರೂ. ಗೂ ಹೆಚ್ಚಿನ ಹಣವನ್ನ ಕಳ್ಳನಿಗೆ ಕೊಟ್ಟಿದ್ದಾರೆ ಎಂದು ವರದಿಯಾಗಿದೆ.

#WATCH Masked man looted money from a couple while holding their child at gunpoint at Punjab National Bank ATM in Indore at 8:30 pm on January 24 (CCTV footage) pic.twitter.com/I1DoeN3w1Q

— ANI (@ANI) January 31, 2018