Connect with us

Latest

ಹಾಡಹಗಲೇ ಕೊಡಲಿಯಿಂದ ಮಹಿಳೆಯ ಕತ್ತು ಸೀಳಿ ವಿಡಿಯೋ ಮಾಡಿದ

Published

on

ಲುಧಿಯಾನಾ: ಮಹಿಳೆಯನ್ನ ಯುವಕನೊಬ್ಬ ಹಾಡಹಗಲೇ ಕೊಡಲಿಯಿಂದ ಕೊಂದು ನಂತರ ವಿಡಿಯೋ ಮಾಡಿದ ಘಟನೆ ಪಂಜಾಬ್‍ನ ಕಿಲಾ ರಾಯ್ಪುರ್ ಗ್ರಾಮದಲ್ಲಿ ನಡೆದಿದೆ.

40 ವರ್ಷದ ಸರಬ್ಜಿತ್ ಕೌರ್ ಕೊಲೆಯಾದ ಮಹಿಳೆ. ಭಾನುವಾರ ಬೆಳಿಗ್ಗೆ ಸರಬ್ಜಿತ್ ಮನೆಗೆ ನಡೆದುಕೊಂಡು ಹೋಗುತ್ತಿದ್ದ ವೇಳೆ ಈ ಘಟನೆ ನಡೆದಿದೆ. ಪೊಲೀಸರ ಮಾಹಿತಿ ಪ್ರಕಾರ ಆರೋಪಿ ಮನಿಂದರ್ ಸಿಂಗ್ ಮಹಿಳೆಯ ಮೇಲೆ ದಾಳಿ ನಡೆಸಿದ್ದು, ಕುತ್ತಿಗೆ ಮತ್ತು ಎದೆಯ ಭಾಗಕ್ಕೆ ಕೊಡಲಿಯಿಂದ ಹೊಡೆದಿದ್ದಾನೆ. ನಂತರ ತನ್ನ ಫೋನ್ ಹೊರತೆಗೆದು ರಕ್ತದ ಮಡುವಿನಲ್ಲಿ ಬಿದ್ದಿದ್ದ ಮಹಿಳೆಯ ವಿಡಿಯೋ ಮಾಡಿದ್ದಾನೆ. ನಂತರ ಫೋನಿನ ಕ್ಯಾಮೆರಾವನ್ನ ತನ್ನ ಕಡೆ ತಿರುಗಿಸಿ ಏನೋ ಮಾತನಾಡಿದ್ದಾನೆ.

ಯುವಕ ಕೃತ್ಯವೆಸಗಿದ ಬಳಿಕ ಮಹಿಳೆಯ ಮೃತದೇಹದ ಪಕ್ಕ ನಿಂತು ವಿಡಿಯೋ ಮಾಡಿದ್ದನ್ನು ಪೊಲೀಸರು ದೃಢಪಡಿಸಿದ್ದಾರೆ. ಘಟನೆಯ ಬಳಿಕ ಮನಿಂದರ್ ಸಿಂಗ್ ಪೊಲೀಸ್ ಕಂಟ್ರೋಲ್ ರೂಮಿಗೆ ಕರೆ ಮಾಡಿ ಕೊಲೆ ಮಾಡಿದ ಬಗ್ಗೆ ತಪ್ಪೊಪ್ಪಿಕೊಂಡಿದ್ದು, ಬಳಿಕ ಆತನನ್ನು ಬಂಧಿಸಲಾಗಿದೆ ಎಂದು ಉಪ ಪೊಲೀಸ್ ಆಯುಕ್ತರಾದ ಧ್ರುಮ್ ನಿಂಬ್ಲೆ ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ. ಸರಬ್ಜಿತ್ ಅವರ ಮಗಳಾದ ಲಖ್ವಿಂದರ್ ಕೌರ್ ನೀಡಿರುವ ದೂರಿನನ್ವಯ ಪ್ರಕರಣ ದಾಖಲಿಸಲಾಗಿದೆ ಎಂದು ಹೇಳಿದ್ದಾರೆ.

ಬ್ಲಾಕ್‍ಮೇಲೆ ಮಾಡಿದ್ದಕ್ಕೆ ಕೊಲೆ: ಮನಿಂದರ್ ಸಿಂಗ್ ಇದೇ ಗ್ರಾಮದಲ್ಲಿ ಬೇರೊಬ್ಬ ಮಹಿಳೆಯೊಂದಿಗೆ ಅಕ್ರಮ ಸಂಬಂಧ ಹೊಂದಿದ್ದ ಎನ್ನಲಾಗಿದ್ದು, ಈ ವಿಷಯ ಸರಬ್ಜಿತ್‍ಗೆ ಗೊತ್ತಿತ್ತು. ತನಗೆ ಸತತವಾಗಿ ಬ್ಲಾಕ್‍ಮೇಲ್ ಮಾಡಲಾಗಿತ್ತೆಂದು ಮನಿಂದರ್ ಹೇಳಿದ್ದಾನೆ. ನಿರಂತರ ಬ್ಲಾಕ್‍ಮೇಲ್‍ನಿಂದ ಕೋಪಗೊಂಡು ಮಹಿಳೆಯನ್ನು ಕೊಂದಿದ್ದಾನೆ ಎಂದು ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿರುವುದಾಗಿ ಪೊಲೀಸರು ಹೇಳಿದ್ದಾರೆ.

Click to comment

Leave a Reply

Your email address will not be published. Required fields are marked *