ಬೆಳಗಾವಿ/ಚಿಕ್ಕೋಡಿ: ಮದುವೆ ಆಮಂತ್ರಣ ಪತ್ರಿಕೆಯಲ್ಲಿ ಪ್ರಧಾನಿ ಮೋದಿ ಹೆಸರು ಬಳಸಿದ್ದು ನೋಡಿದ್ದೀರಿ, ಮೋದಿ ಸಾಧನೆಗಳನ್ನು ಆಮಂತ್ರಣ ಪತ್ರಿಕೆಯಲ್ಲಿ ಮುದ್ರಿಸಿರುವದನ್ನು ನೋಡಿದ್ದೀರಿ. ಆದರೆ ಅದಕ್ಕೂ ವಿಶೇಷ ಎನ್ನುವಂತೆ ಮದುವೆ ಕಾರ್ಯಕ್ರಮದಲ್ಲಿ ವಧು-ವರರಿಗೆ ಮೋದಿ ಭಾವಚಿತ್ರ ಗಿಫ್ಟ್ ಕೊಡಲಾಗಿದೆ.
ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ತಾಲೂಕಿನ ಹಿಡಕಲ್ ಡ್ಯಾಮ್ ಗ್ರಾಮದಲ್ಲಿ ಮೂರು ದಿನಗಳ ಹಿಂದೆ ಜರುಗಿದ ಕಲ್ಲಪ್ಪ ಪಾಯನ್ನವರ ಹಾಗೂ ಜಯಾ ಅವರ ಮದುವೆ ಕಾರ್ಯಕ್ರಮದಲ್ಲಿ ಈಶ್ವರ್ ಶೇಗುನಿಶಿ ಎಂಬವರು ವಧು-ವರರಿಗೆ ಮೋದಿ ಭಾವಚಿತ್ರ ಗಿಫ್ಟ್ ನೀಡಿದ್ದಾರೆ. ಮೋದಿ ಭಾವಚಿತ್ರದ ಜೊತೆಗೆ ಚಿನ್ನದ ಉಂಗುರ ಕೊಡುಗೆಯಾಗಿ ಕೊಟ್ಟಿದ್ದಾರೆ. ಈ ವೇಳೆ ಮೋದಿ ಭಾವಚಿತ್ರದ ಗಿಫ್ಟ್ ಸಂತಸ ತಂದಿದೆ ಎಂದು ವರ ಕಲ್ಲಪ್ಪ ಹೇಳಿಕೊಂಡಿದ್ದಾರೆ.
ವರ ಕಲ್ಲಪ್ಪ ಪಾಯನ್ನವರ ಮೂಲತಃ ಹುಕ್ಕೇರಿ ತಾಲೂಕಿನ ಕರಗುಪ್ಪಿ ಗ್ರಾಮದವರಾಗಿದ್ದರು. ಐರ್ಲ್ಯಾಂಡ್ ದೇಶದ ಟಿಪ್ಪೆರೇರಿ ಸರ್ಕಾರಿ ಆಸ್ಪತ್ರೆಯಲ್ಲಿ ವೈದ್ಯಕೀಯ ಸಹಾಯಕನಾಗಿ ಕಾರ್ಯ ನಿರ್ವಹಿಸುತ್ತಿದ್ದರೆ, ಗಿಫ್ಟ್ ನೀಡಿರುವ ಈಶ್ವರ್ ಶೇಗುಣಶಿ ಮೂಲತ ಹುಕ್ಕೇರಿ ತಾಲೂಕಿನ ಕುರಣಿವಾಡಿ ಗ್ರಾಮದವರಾಗಿದ್ದು, ಐರ್ಲ್ಯಾಂಡ್ ದೇಶದ ಗಾಲವೇ ಆರೋಗ್ಯ ವಿಶ್ವವಿದ್ಯಾಲಯದಲ್ಲಿ ವೈದ್ಯಕೀಯ ಸಹಾಯಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಈ ಇಬ್ಬರೂ ಸ್ನೇಹಿತರು ವಿದೇಶದಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದರು ದೇಶದ ಪ್ರಧಾನಿ ಮೋದಿ ಅವರ ಮೇಲೆ ಸಾಕಷ್ಟು ಅಭಿಮಾನ ಇಟ್ಟುಕೊಂಡಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ಮಾಡಿ: play.google.com/publictv
