ಆನೆಯನ್ನ ಟಚ್ ಮಾಡಲು ಹೋದ್ರೆ, ಸೊಂಡಿಲೂನಿಂದ ಹೊಡೆದು ಬೀಳಸ್ತು- ವಿಡಿಯೋ ವೈರಲ್

ಬ್ಯಾಂಕಾಕ್: ವ್ಯಕ್ತಿಯೊಬ್ಬ ಆನೆಯನ್ನು ಮುಟ್ಟಲು ಹೋಗಿ ಅದರ ಸೊಂಡಿಲೂನಿಂದ ಹೊಡಿಸಿಕೊಂಡ ಘಟನೆ ಥೈಲ್ಯಾಂಡ್‍ನಲ್ಲಿ ನಡೆದಿದೆ.

ಕೋಡಿ ಸ್ಟಿನರ್ ಆನೆ ದಾಳಿಗೊಳಗಾದ ವ್ಯಕ್ತಿ. ಕೋಡಿ ಆನೆಗೆ ಆಹಾರವಾಗಿ ಅಲ್ಲಿದ ಎಲೆಗಳನ್ನು ನೀಡುತ್ತಿದ್ದನು. ಆಗ ಆನೆ ಕೆಲವೇ ಕ್ಷಣಗಳಲ್ಲಿ ತನ್ನ ಸೊಂಡಿಲೂನಿಂದ ಕೋಡಿಯನ್ನು ಕೆಳಗೆ ಬೀಳಿಸಿದೆ. ಆನೆ ದಾಳಿಯಿಂದ ಕೋಡಿ ಬಚಾವ್‍ಯಾಗಿದ್ದು, ಯಾವುದೇ ಗಾಯಗಳಾಗಿಲ್ಲ ಎಂಬುದು ತಿಳಿದು ಬಂದಿದೆ.

ಆನೆ ತನ್ನ ಮೇಲೆ ಎಲ್ಲಿ ಕಾಲು ಇಟ್ಟು ಕೊಲ್ಲುತ್ತದೋ ಎಂದು ಕೋಡಿ ಭಯಬೀತನಾಗಿ ಅಲ್ಲಿಂದ ಓಡಿ ಹೋಗಿದ್ದಾನೆ. ಸದ್ಯ ಆನೆ ಕೋಡಿ ಮೇಲೆ ದಾಳಿ ಮಾಡಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗಿದೆ.

ನ್ಯಾಷನಲ್ ಜಿಯೋಗ್ರಾಫಿ ಚಾನಲ್ ಪ್ರಕಾರ ವಿಶ್ವದಲ್ಲಿ ಪ್ರತಿ ವರ್ಷ 500 ಮಂದಿ ಆನೆ ದಾಳಿಯಿಂದ ಸಾವನ್ನಪ್ಪುತ್ತಿದ್ದಾರೆ.