CrimeLatestNational

ಅಣ್ಣನಿಗೆ ಭಾವನಾತ್ಮಕ ವಿಡಿಯೋ ಮಾಡಿ ಚಲಿಸ್ತಿದ್ದ ರೈಲಿನ ಮುಂದೆ ಜಿಗಿದ!

ಮುಂಬೈ: ಯುವಕನೊಬ್ಬ ವಿಡಿಯೋ ಮಾಡಿಕೊಂಡು ಅಣ್ಣನಿಗೆ ಭಾವನಾತ್ಮಕ ಸಂದೇಶ ನೀಡಿ ಚಲಿಸುತ್ತಿದ್ದ ರೈಲಿಗೆ ಜಿಗಿದು ಪ್ರಾಣಬಿಟ್ಟ ಘಟನೆ ಮಹಾರಾಷ್ಟ್ರದಲ್ಲಿ ನಡೆದಿದೆ.

ರೋಹಿತ್ ಪಾರ್ದೇಶಿ (20) ಆತ್ಮಹತ್ಯೆ ಮಾಡಿಕೊಂಡ ಯುವಕ. ಥಾಣೆ ಜಿಲ್ಲೆಯ ಕಲ್ಯಾಣ್ ರೈಲ್ವೇ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಗುರುವಾರ ಪ್ರಕರಣ ಬೆಳಕಿಗೆ ಬಂದಿದೆ. ಆತ್ಮಹತ್ಯೆಗೂ ಮುನ್ನ ರೋಹಿತ್ ಮಾಡಿದ್ದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

mobile phone 760

ಘಟನಾ ಸ್ಥಳಕ್ಕೆ ಕಲ್ಯಾಣ್ ರೈಲ್ವೇ ಠಾಣಾ ಇನ್ಸ್ ಪೆಕ್ಟರ್ ದಿನಕರ್ ಪಿಂಗ್ಲೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಯುವಕನ ದೇಹ ಹಾಗೂ ರುಂಡ ಬೇರೆ ಬೇರೆ ಕಡೆಗೆ ಬಿದ್ದಿದ್ದವು. ಅವುಗಳನ್ನು ಸಂಗ್ರಹಿಸಿ ರೋಹಿತ್ ಮೃತ ದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ. ಘಟನಾ ಸ್ಥಳದಲ್ಲಿ ರೋಹಿತ್ ಮೊಬೈಲ್ ದೊರೆತಿದ್ದು, ಪರಿಶೀಲನೆ ಮಾಡಿದಾಗ ಆತ್ಮಹತ್ಯೆಗೂ ಮುನ್ನ ವಿಡಿಯೋ ಮಾಡಿಕೊಂಡಿರುವುದು ತಿಳಿದು ಬಂದಿದೆ.

ವಿಡಿಯೋದಲ್ಲಿ ಏನಿದೆ?:
ನನ್ನ ಸಾವಿಗೆ ಯಾರೂ ಕಾರಣರಲ್ಲ. ನನ್ನ ಪಾಲಿನ ಆಸ್ತಿ ಎಲ್ಲವೂ ಅಣ್ಣನಿಗೆ ಸೇರಬೇಕು. ನನ್ನ ಮನೆಯಲ್ಲಿ ಅಣ್ಣನನ್ನು ಬಿಟ್ಟ ಬೇರೆ ಯಾರೋಬ್ಬರೂ ಇಲ್ಲವೆಂದು ರೋಹಿತ್ ವಿಡಿಯೋ ಮೂಲಕ ಹೇಳಿಕೊಂಡಿದ್ದಾನೆ. ವಿಡಿಯೋ ಮಾಡಿಕೊಂಡು ಬಳಿಕ ಚಲಿಸುತ್ತಿದ್ದ ರೈಲಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Related Articles

Leave a Reply

Your email address will not be published. Required fields are marked *