ಯಡಿಯೂರಪ್ಪ ಊರಲ್ಲಿ ಮಧು ಬಂಗಾರಪ್ಪ ಕಬಡ್ಡಿ!

ಶಿವಮೊಗ್ಗ: ಜಿಲ್ಲೆಯ ಲೋಕಸಭಾ ಕಣದಲ್ಲಿರುವ ಮೈತ್ರಿ ಕೂಟದ ಅಭ್ಯರ್ಥಿ ಮಧು ಬಂಗಾರಪ್ಪ ಇಂದು ಯಡಿಯೂರಪ್ಪ ಸ್ವಕ್ಷೇತ್ರ ಶಿಕಾರಿಪುರದಲ್ಲಿ ಕಬಡ್ಡಿ ಆಡಿದ್ದಾರೆ.

ಶಿಕಾರಿಪುರ ವಿಧಾನಸಭಾ ಕ್ಷೇತ್ರದಲ್ಲಿ ಇಂದು ಪ್ರಚಾರ ಕೈಗೊಂಡಿದ್ದ ಮಧು ಬಂಗಾರಪ್ಪ ಸಂಜೆ ವೇಳೆಗೆ ಮುದ್ದನಹಳ್ಳಿ ತಲುಪಿದ್ದರು. ಈ ಸಂದರ್ಭದಲ್ಲಿ ಗ್ರಾಮದ ಈಶ್ವರ ದೇವಾಲಯದ ಆವರಣದಲ್ಲಿ ಕಬಡ್ಡಿ ಆಡುತ್ತಿದ್ದ ಯುವಕರ ಗುಂಪು ಕಂಡು ತಾವೂ ಆಟಕ್ಕಿಳಿದರು.

ಕಬ್ಬಡ್ಡಿ..ಕಬ್ಬಡ್ಡಿ ಹೇಳುತ್ತಾ ರೈಡಿಗೆ ಹೋದ್ರು. ರೈಡು ಮಾಡಿ, ಆ ಯುವಕರ ಜೊತೆ ಸೆಲ್ಫಿ, ಗ್ರೂಪ್ ಫೋಟೋ ತೆಗೆಸಿಕೊಂಡು ನಂತರ ಪ್ರಚಾರ ಸಭೆಗೆ ತೆರಳಿದರು. ಮತಕೇಳಲು ಬಂದವರು ಆಟಕ್ಕೂ ಇಳಿದದ್ದು, ಗ್ರಾಮಸ್ಥರು ಸಂತೋಷಕ್ಕೆ ಕಾರಣವಾಗಿತ್ತು. ಈ ಸಂದರ್ಭದಲ್ಲಿ ಬಂಗಾರಪ್ಪ ಅವರನ್ನು ನೆನಪಿಸಿಕೊಂಡ ಗ್ರಾಮಸ್ಥರು, ಅವರು ಕೂಡ ಇದೇ ರೀತಿ ಜನರ ಜೊತೆ ಬೆರೆಯುತ್ತಿದ್ದರು ಎಂದರು.

ಯಡಿಯೂರಪ್ಪ ಕ್ಷೇತ್ರದಲ್ಲಿ ಕಬಡ್ಡಿ ಆಡಿರುವ ಮಧು ಬಂಗಾರಪ್ಪ ಅವರನ್ನು ಮತದಾನದಲ್ಲಿ ಸೋಲಿಸುತ್ತಾರೋ- ಗೆಲ್ಲಿಸುತ್ತಾರೋ ಕಾದು ನೋಡಬೇಕಿದೆ.