ಅಕ್ಷಯ್‌ ಕುಮಾರ್‌ ನಟನೆಯ ಸಿನಿಮಾಗೆ ನಟ ಮಾಧವನ್‌ ಎಂಟ್ರಿ

ಕಾಲಿವುಡ್ ಸೂಪರ್ ಸ್ಟಾರ್ ಆರ್.ಮಾಧವನ್‌ಗೆ (Madhavan) ಮತ್ತೆ ಬಾಲಿವುಡ್‌ನಿಂದ ಬಂಪರ್ ಆಫರ್ ಬರುತ್ತಿದೆ. `ರಾಕೆಟ್ರಿ- ದಿ ನಂಬಿ ಎಫೆಕ್ಟ್’ (Rocketary-The Nambi Effect) ಚಿತ್ರದ ಮತ್ತಷ್ಟು ಆಫರ್‌ಗಳು ಮಾಧವನ್‌ಗೆ ಅರಸಿ ಬರುತ್ತಿದೆ. ಈ ಹಿಂದೆನೇ ಬಾಲಿವುಡ್‌ನ (Bollywood) ಸಾಕಷ್ಟು ಸಿನಿಮಾಗೆ ಬಣ್ಣ ಹಚ್ಚಿರುವ ನಟ ಈಗ ನಟ ಅಕ್ಷಯ್‌ ಕುಮಾರ್‌ ನಟನೆಯ ಚಿತ್ರಕ್ಕೆ ಮಾಧವನ್ ಓಕೆ ಅಂದಿದ್ದಾರೆ.

madhavan

ಸೌತ್ ಸಿನಿಮಾಗಳನ್ನ ಕಡೆಗಣಿಸುವ ಕಾಲ ಈಗ ಬದಲಾಗಿದೆ. ಬಾಲಿವುಡ್ ಈಗ ದಕ್ಷಿಣ ಸಿನಿಮಾರಂಗ ಕಲಾವಿದರಿಗೆ ಮಣೆ ಹಾಕ್ತಿದ್ದಾರೆ. ಸದ್ಯ ತಮಿಳಿನ ನಟ ಮಾಧವನ್‌ಗೆ ಹಿಂದಿ ಸಿನಿಮಾರಂಗದಿಂದ ಬುಲಾವ್ ಬರುತ್ತಿದೆ. ʻತ್ರಿ ಈಡಿಯಟ್ಸ್ʼ ಸೇರಿದಂತೆ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿರುವ ಮಾಧವನ್ ಮತ್ತೆ ಇದೀಗ ಬಾಲಿವುಡ್‌ನತ್ತ ಮುಖ ಮಾಡಿದ್ದಾರೆ. ಬಿಟೌನ್ ಸ್ಟಾರ್ ಅಕ್ಷಯ್ ಕುಮಾರ್ (Akshay Kumar) ಜೊತೆ ಮಾಧವನ್ ಕೂಡ ಅಬ್ಬರಿಸುತ್ತಿದ್ದಾರೆ.

akshay kumar 5 ಬ್ರಿಟಿಷರ (British) ವಿರುದ್ಧ ತೊಡೆ ತಟ್ಟಿದ ಸಿ. ಶಂಕರನ್ ನಾಯರ್ (C.Shankaran Nair) ಎಂಬ ಜನಪ್ರಿಯ ವಕೀಲರ ಕುರಿತು ಬಾಲಿವುಡ್‌ನಲ್ಲಿ ಬಯೋಪಿಕ್ ಮಾಡಲು ತಯಾರಿ ನಡೆಯುತ್ತಿದೆ. ಈ ಚಿತ್ರವನ್ನು ಕರಣ್ ಜೋಹರ್ ನಿರ್ಮಾಣ ಮಾಡುತ್ತಿದ್ದಾರೆ. ಶಂಕರನ್ ನಾಯರ್ ಪಾತ್ರದಲ್ಲಿ ಅಕ್ಷಯ್ ಕುಮಾರ್ ನಟಿಸುತ್ತಿದ್ದಾರೆ. ಇದನ್ನೂ ಓದಿ: ಕನ್ನಡಕ್ಕೆ ಬಂದ ತಮಿಳಿನ ಖ್ಯಾತ ನಟ ಯೋಗಿ ಬಾಬು

akshay kumar1

ಈಗ ಈ ಚಿತ್ರತಂಡಕ್ಕೆ ಮಾಧವನ್ ಕೂಡ ಸೇರಿಕೊಂಡಿದ್ದಾರೆ. ಚಿತ್ರದಲ್ಲಿ ವಕೀಲರಾಗಿ ಪ್ರಮುಖ ಪಾತ್ರಕ್ಕೆ ಜೀವತುಂಬಿದ್ದಾರೆ. ಜಲಯನ್‌ವಾಲಾ ಬಾಗ್ ಹತ್ಯಾಕಾಂಡದ ಕುರಿತು ತೆರೆಯ ಮೇಲೆ ಸಿನಿಮಾ ತೋರಿಸಲು ರೆಡಿಯಾಗಿದ್ದಾರೆ.