ಸಲ್ಮಾನ್ ಗೆಳತಿ ಲುಲಿಯಾ ಜೊತೆ ಮನೀಶ್ ಪೌಲ್ ರೊಮ್ಯಾನ್ಸ್!

ಮುಂಬೈ: ಬಾಲಿವುಡ್ ದಬಂಗ್ ಸಲ್ಮಾನ್ ಖಾನ್ ಗೆಳತಿ ಲುಲಿಯಾ ವಂಟೂರ್ ನಟ, ನಿರೂಪಕ ಮನೀಶ್ ಪೌಲ್ ಜೊತೆ ನಟಿಸಿರುವ ‘ಹರ್ ಜಾಯಿ’ ಸಾಂಗ್ ಅಲ್ಬಮ್ ರಿಲೀಸ್ ಆಗಿದೆ. ವಿಡಿಯೋ ಸಾಂಗ್‍ನಲ್ಲಿ ಲುಲಿಯಾ ಮತ್ತು ಮನೀಶ್ ಇಬ್ಬರೂ ರೊಮ್ಯಾಂಟಿಕ್ ಆಗಿ ಕಾಣಿಸಿಕೊಂಡಿದ್ದಾರೆ.

ಸಲ್ಮಾನ್‍ಗಾಗಿ ತನ್ನ ದೇಶವನ್ನು ತೊರೆದು ಭಾರತಕ್ಕೆ ಬಂದಿರುವ ಲುಲಿಯಾ ಸದ್ಯ ತಮ್ಮ ಕೆರಿಯರ್ ಬಗ್ಗೆ ಹೆಚ್ಚು ಗಮನ ನೀಡುತ್ತಿದ್ದಾರೆ. ಈ ಬಗ್ಗೆ ಸಲ್ಮಾನ್ ಕೂಡ ತನ್ನ ಗೆಳತಿಯ ಪ್ರೊಫೆಶನಲ್ ಲೈಫ್ ಬಗ್ಗೆ ಹಲವರೊಂದಿಗೆ ಮಾತುಕತೆಯನ್ನು ಸಹ ನಡೆಸಿದ್ದಾರೆ. ಲುಲಿಯಾರ ಸಾಂಗ್ ಅಲ್ಬಮ್ ರಿಲೀಸ್ ಆಗುತ್ತಿದೆ ಎಂದು ತಮ್ಮ ಟ್ವಿಟರ್ ನಲ್ಲಿ ಬರೆದುಕೊಂಡಿದ್ದರು.

ಸಾಂಗ್ ಅಲ್ಬಮ್‍ರ ಒಂದು ಟೀಸರ್ ಬಿಡುಗಡೆಯಾಗಿದ್ದು, ಬಾಲಿವುಡ್‍ನಲ್ಲಿ ಸಂಚಲನ ಮೂಡಿಸಿದೆ. ಮೂಲತಃ ಗಾಯಕಿಯಾಗಿರುವ ಲುಲಿಯಾ ‘ಹರ್ ಜಾಯಿ’ ಹಾಡಿಗೆ ಧ್ವನಿ ನೀಡಿದ್ದಾರೆ. ಸಾಂಗ್‍ನಲ್ಲಿ ಲುಲಿಯಾ ಜೊತೆ ಮನೀಶ್ ಪೌಲ್ ರೊಮ್ಯಾಂಟಿಕ್ ಲುಕ್ ನಲ್ಲಿ ಕಾಣಸಿಗುತ್ತಾರೆ. ಹರ್‍ಜಾಯಿ ಹಾಡು ಮನೀಶ್ ಪೌಲ್ ಮತ್ತು ಸಚಿನ್ ಗುಪ್ತಾ ಕಂಠಸಿರಿಯಲ್ಲಿ ಕೇಳುಗರನ್ನು ರಂಜಿಸುತ್ತಿದೆ.

ಟೀಸರ್ ಕೇವಲ 35 ಸೆಕೆಂಡ್ ಹೊಂದಿದ್ದು, ಸಾಕಷ್ಟು ನಿರೀಕ್ಷೆಗಳನ್ನು ಹುಟ್ಟುಹಾಕಿದೆ. ಸಾಂಗ್ ಅಲ್ಬಮ್ ಮೆಲೋಡಿಯಿಂದ ಕೂಡಿರಲಿದೆ ಎಂದು ಹೇಳಲಾಗುತ್ತಿದೆ. ಫುಲ್ ಸಾಂಗ್ ಅಲ್ಬಮ್ ಬುಧವಾರ ರಿಲೀಸ್ ಆಗಲಿದೆ.