ಬೆಂಗಳೂರು: ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ‘ಶನಿ’ ಧಾರಾವಾಹಿ ಬಾಲಕರ ಪಾತ್ರ ಮುಗಿದು ಈಗ ಯವ್ವನಕ್ಕೆ ಕಾಲಿಟ್ಟಿದ್ದಾರೆ. ಸದ್ಯ ಯುವಕನಾಗಿರುವ ಶನಿಗೆ ಇದೀಗ ದೇವಲೋಕದ ಅಪ್ಸರೆ ಮೇಲೆ ಪ್ರೀತಿಯುಂಟಾಗಿದೆ.
ಇಷ್ಟು ದಿನ ಬಾಲಕನಾಗಿದ್ದ ಶನಿ ಈಗ ಬೆಳೆದು ದೊಡ್ಡವನಾಗಿ ಸೂರ್ಯಲೋಕಕ್ಕೆ ವಾಪಸ್ಸಾಗಿ ಎರಡು ಎಪಿಸೋಡ್‍ಗಳಾಗಿವೆ. ಶನಿಯ ಜೊತೆಗಿದ್ದ ಬಾಲಕರ ಪಾತ್ರಗಳೂ ಬದಲಾಗಿವೆ. 10 ವರ್ಷಗಳಿಂದ ಸೂರ್ಯಲೋಕ ಬಿಟ್ಟಿದ್ದ ಶನಿ ಯುವಕನಾಗಿ ತನ್ನ ಸ್ವಂತ ಲೋಕಕ್ಕೆ ಮರಳಿದ್ದಾನೆ.
Advertisement
Advertisement
ಈಗ ಶನಿ ಧಾರಾವಹಿಯಲ್ಲಿ ಈಗ ಅಪ್ಸರೆಯ ಎಂಟ್ರಿಯಾಗಲಿದೆ. ತೆಳ್ಳಗೆ ಬೆಳ್ಳಗಿನ ಮೈಕಾಂತಿಯ ದೇವಲೋಕದ ಅಪ್ಸರೆ ದಾಮಿನಿ ಅಂದಕ್ಕೆ ಶನಿ ಮನ ಸೋಲಲಿದ್ದಾನೆ. ಆಕೆಯನ್ನೇ ಶನಿದೇವ ಧರ್ಮಪತ್ನಿಯಾಗಿ ಸ್ವೀಕರಿಸಲಿದ್ದಾನೆ. ತಿಳಿಗುಲಾಬಿ ಬಣ್ಣದ ಉಡುಗೆಯಲ್ಲಿ ದಾಮಿನಿ ಶನಿ ಧಾರಾವಾಹಿಯಲ್ಲಿ ಎಂಟ್ರಿ ನೀಡಲಿದ್ದಾರೆ. ಧಾರಾವಾಹಿಯಲ್ಲಿ ದಾಮಿನಿಯನ್ನು ಕಂಡು ಶನಿಗೆ ಪ್ರೇಮಾಂಕುರವಾಗುತ್ತೆ.
Advertisement
Advertisement
ಶನಿಯ ಪಾತ್ರವನ್ನು ಎಂಜಿನಿಯರಿಂಗ್ ಮುಗಿಸಿರುವ ಹೊಸ ಪ್ರತಿಭೆ ಪ್ರಣವ್ ಶ್ರೀಧರ್ ಮಾಡುತ್ತಿದ್ದಾರೆ. ಶನಿಯ ಪತ್ನಿಯಾಗಿ ಕಾಣಿಸಿಕೊಳ್ಳುತ್ತಿರುವ ದಾಮಿನಿ ಪಾತ್ರಧಾರಿಯ ಹೆಸರು ಬೃಂದಾ ಆಚಾರ್ಯ. ಇವರು ಮೂಲತಃ ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರದವರಾಗಿದ್ದು, ಹುಟ್ಟೂರಿನಿಂದ ಬೆಂಗಳೂರಿಗೆ ಬಂದು ಐಟಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ.
ಬೃಂದಾ ಅವರು ಈಗಾಗಲೇ ‘ಮಹಾದೇವಿ’ ಧಾರಾವಾಹಿಯಲ್ಲಿ ನಟಿಸಿದ್ದರು. ಬೃಂದಾ ಮಹಾದೇವಿ ಧಾರಾವಾಹಿಯಲ್ಲಿ ರತಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಮುಂದೆ ಶನಿ ಧಾರಾವಾಹಿ ನಡೆಸಿದ್ದ ಆಡಿಶನ್‍ನಲ್ಲಿ ಆಯ್ಕೆಯಾಗಿ ಇದೀಗ ಶನಿ ಪತ್ನಿ ಪಾತ್ರದಲ್ಲಿ ಕಾಣಿಸಿಕೊಳ್ಳುವುದ್ದಕ್ಕೆ ಸಜ್ಜಾಗಿದ್ದಾರೆ. ಮುಂಬೈ ಬಳಿ ಶನಿ ಸೆಟ್‍ನಲ್ಲಿ ಈಗ ಬೃಂದಾ ಅಭಿನಯ ಭಾಗದ ಶೂಟಿಂಗ್ ನಡೆಯುತ್ತಿದೆ.
ಶನಿ ಧಾರಾವಾಹಿಯಲ್ಲಿ ಇಡೀ ಗ್ರಹಗಳ ಜೊತೆ ದಾಮಿನಿ ಯಾವ ಗ್ರಹ ಎನ್ನುವ ಯೋಚನೆ ಎಲ್ಲರಿಗೂ ಬರುತ್ತದೆ. ಶನಿ ಒಂದು ಗ್ರಹ. ಆದರೆ ಶನಿದೇವನ ಪತ್ನಿ ದಾಮಿನಿ ಗ್ರಹವಾಗಿರುವುದಿಲ್ಲ. ದಾಮಿನಿ ಒಬ್ಬಳು ಅಪ್ಸರೆಯಾಗಿರುತ್ತಾರೆ. ಕಾರಣಾಂತರಗಳಿಂದ ಶನಿ ಆಕೆಯನ್ನು ಸೂರ್ಯಲೋಕದಲ್ಲಿ ಸಂಧಿಸುವ ಸಮಯ ಬರುತ್ತದೆ. ಅಲ್ಲಿಂದ ಶನಿ ಮತ್ತು ಧಾಮಿನಿ ನಡುವೆ ಪ್ರೀತಿಯಾಗಿ ನಂತರ ಈ ಜೋಡಿಯ ವಿವಾಹ ನಡೆಯುತ್ತೆ. ಹೀಗಾಗಿ ಇನ್ಮುಂದೆ ತೆರೆಯಲ್ಲಿ ರೌದ್ರರೂಪಿ ಶನಿಯ ಸಂಸಾರ ಪ್ರೀತಿಯನ್ನೂ ನೋಡಬಹುದು.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
ಪಬ್ಲಿಕ್ ಟಿವಿ ಆಪ್ ಡೌನ್ ಲೋಡ್ ಮಾಡಿ: play.google.com/publictv
ಯೂ ಟ್ಯೂಬ್‍ನಲ್ಲಿ ಪಬ್ಲಿಕ್ ಟಿವಿಯನ್ನು ಸಬ್ ಸ್ಕ್ರೈಬ್ ಮಾಡಿ: youtube.com/publictvnewskannada
ಫೇಸ್‍ಬುಕ್‍ನಲ್ಲಿ ಪಬ್ಲಿಕ್ ಟಿವಿಯನ್ನು ಲೈಕ್ ಮಾಡಿ: facebook.com/publictv
ಟ್ವಿಟ್ಟರ್‌ನಲ್ಲಿ ಪಬ್ಲಿಕ್ ಟಿವಿಯನ್ನು ಫಾಲೋ ಮಾಡಿ: twitter.com/publictvnews
