– ಮಳೆಗೆ ಏಳೆಂಟು ಅಡಿ ರಸ್ತೆಯೇ ಕುಸಿಯಿತು

ಹಾವೇರಿ: ಮಳೆಯ ಅಬ್ಬರಕ್ಕೆ ನದಿ ನೀರಿನಲ್ಲಿ ಲಾರಿ ಕೊಚ್ಚಿ ಹೋದ ಪರಿಣಾಮ ಅದರಲ್ಲಿದ್ದ ಇಬ್ಬರು ನೀರು ಪಾಲಾದ ಘಟನೆ ನಾಗನೂರು ತಾಲೂಕಿನ ಗ್ರಾಮದ ಬಳಿ ನಡೆದಿದೆ.

ಬಸವರಾಜ ಸೋಮಣ್ಣ (25) ಲಕ್ಷ್ಮಣ ದೊಡ್ಡತಳವಾರ ( 35) ನೀರು ಪಾಲಾದ ದುರ್ದೈವಿಗಳು. ಹಾವೇರಿಯಿಂದ ಹಾನಗಲ್‍ಗೆ ತೆರಳುತ್ತಿದ್ದ ವೇಳೆ ಈ ದುರ್ಘಟನೆ ಸಂಭವಿಸಿದ್ದು, ಲಾರಿಯಲ್ಲಿದ್ದ ಮೂವರ ಪೈಕಿ ಇಬ್ಬರು ನೀರು ಪಾಲಾಗಿದ್ದಾರೆ.

ಇನ್ನು ಘಟನೆಯಲ್ಲಿ ಗುಡ್ಡಪ್ಪ ಸೋಮಣ್ಣವರ (25) ಎಂಬವರು ಅಪಾಯದಿಂದ ಪಾರಾಗಿದ್ದಾರೆ. ಬ್ರಿಡ್ಜ್ ಬ್ಯಾರೇಜ್ ಮೇಲೆ ನದಿ ನೀರು ತುಂಬಿ ಹರಿಯುತ್ತಿದ್ದರಿಂದ ಈ ದುರ್ಘಟನೆ ಸಂಭವಿಸಿದೆ ಎನ್ನಲಾಗುತ್ತಿದೆ.

ರಸ್ತೆ ಕುಸಿತ:
ಹಾವೇರಿ ನಗರದ ಜೆ.ಹೆಚ್.ಪಟೇಲ್ ವೃತ್ತದಲ್ಲಿ ಕಳೆದ ಎರಡು ದಿನಗಳಿಂದ ಸುರಿಯುತ್ತಿರೋ ಜಿಟಿಜಿಟಿ ಮಳೆಗೆ ರಸ್ತೆಯೊಂದು ಕುಸಿದು ಬಿದ್ದಿದೆ. ಇಂದು ಬೆಳಗ್ಗೆ ಏಳೆಂಟು ಅಡಿ ರಸ್ತೆ ಕುಸಿದಿದ್ದು, ಒಳಚರಂಡಿ ಯೋಜನೆ ಕಾಮಗಾರಿ ಕಳಪೆ ಆಗಿದ್ದರಿಂದ ಕುಸಿದಿರೋ ಸಾಧ್ಯತೆ ಇದೆ.

ಈ ಎರಡೂ ಪ್ರಕರಣಗಳು ಹಾವೇರಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.