ವಿಡಿಯೋ: ಪಲ್ಟಿ ಹೊಡೆದ ಟ್ಯಾಂಕರ್-ಅಡುಗೆ ಎಣ್ಣೆ ತುಂಬಿಕೊಳ್ಳಲು ಸ್ಥಳೀಯರ ಪೈಪೋಟಿ

ಕಲಬುರಗಿ: ಅಡುಗೆ ಎಣ್ಣೆಯ ಟ್ಯಾಂಕರ್ ಪಲ್ಟಿಯಾಗಿ ತೈಲವನ್ನು ಸ್ಥಳೀಯರು ತುಂಬಿಕೊಂಡು ಹೋಗಿದ್ದಾರೆ. ನಗರದ ಹೊರವಲಯದ ನೃಪತುಂಗ ಕಾಲೋನಿ ಬಳಿ ಟ್ಯಾಂಕರ್ ಪಲ್ಟಿ ಹೊಡೆದಿತ್ತು.

glb tanker 3

ಹೈದ್ರಾಬಾದ್‍ನಿಂದ ನಗರದ ಇಂಡಸ್ಟ್ರೀಯಲ್ ಏರಿಯಾದ ಪಾರ್ಲೇ-ಜಿ ಬಿಸ್ಕಟ್ ಕಂಪನಿಗೆ ತೈಲ ಸರಬರಾಜು ಮಾಡಲಾಗುತ್ತಿತ್ತು. ಮಾರ್ಗ ಮಧ್ಯೆ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆಯ ಬದಿಯಲ್ಲಿ ಟ್ಯಾಂಕರ್ ಪಲ್ಟಿಯಾಗಿದೆ.

glb tanker 2

ಟ್ಯಾಂಕರ್ ಪಲ್ಟಿಯಾಗಿದನ್ನು ಕಂಡ ಸ್ಥಳೀಯರು ಸಿಕ್ಕಿದೆ ಚಾನ್ಸ್ ಅಂತಾ ನಾ ಮುಂದು.. ತಾ ಮುಂದು.. ಅಂತಾ ಎಣ್ಣೆಯನ್ನು ಬಿಂದಿಗೆ-ಬಕೆಟ್‍ಗಳಲ್ಲಿ ತುಂಬಿಕೊಂಡು ಹೋಗಿದ್ದಾರೆ. ಅಂದಾಜು 13 ಲಕ್ಷ ರೂಪಾಯಿ ಮೌಲ್ಯದ 20 ಟನ್ ನಷ್ಟು ತೈಲ ಇದೀಗ ಸ್ಥಳೀಯರ ಪಾಲಾಗಿದೆ ಎಂದು ಅಂದಾಜಿಸಲಾಗಿದೆ. ವಿಷಯ ತಿಳಿದು ವಿವಿ ಪೊಲೀಸರು ಸ್ಥಳಾಕ್ಕಗಮಿಸಿ ನೆರದಿದ್ದ ಜನರನ್ನು ಚದುರಿಸಿದ್ದಾರೆ.

GLB TANKER 1 2