ಮಂಡ್ಯ: ಚುನಾವಣೆಗೆ ಸ್ಪರ್ಧೆ ಮಾಡಿದ್ರೆ ಮಂಡ್ಯದಿಂದ ಮಾತ್ರ, ಇಲ್ಲದಿದ್ರೆ ಮನೆಯಲ್ಲಿ ಇರುತ್ತೇನೆ ಎಂದು ಸುಮಲತಾ ಅಂಬರೀಶ್ ಖಡಕ್ಕಾಗಿ ಹೇಳಿದ್ದಾರೆ.
ಇಂದಿನಿಂದ 5 ದಿನಗಳ ಕಾಲ ಮಂಡ್ಯ ಲೋಕಸಭಾ ಕ್ಷೇತ್ರದಲ್ಲಿ ಪ್ರವಾಸ ಕೈಗೊಂಡಿರುವ ಅವರು ಮಂಡ್ಯದ ಮುತ್ತೇಗೆರೆಯಲ್ಲಿ ಮಾತನಾಡಿ, ನನಗೆ ಜನಾಭಿಪ್ರಾಯ ಮುಖ್ಯ. ಹೀಗಾಗಿ ಹೋದ ಕಡೆ ಎಲ್ಲ ಅಂಬರೀಶ್ ಫಾಲೋವರ್ಸ್, ಪಕ್ಷದ ಕಾರ್ಯಕರ್ತರನ್ನು ಮಾತನಾಡಿಸುತ್ತಿದ್ದೇನೆ. ರೆಸ್ಪಾನ್ಸ್ ನೂರಕ್ಕೆ ನೂರು ಪಾಸಿಟಿವ್ ಆಗಿದೆ. ನೀವೇ ಚುನಾವಣೆಗೆ ನಿಂತು ಸಂಸದರಾಗಬೇಕು ಎಂದು ಜನ ಹೇಳುತ್ತಿದ್ದಾರೆ. ಆದರೆ ಕೆಲವು ಕಾಂಗ್ರೆಸ್ ನಾಯಕರು ಮೈತ್ರಿ ಧರ್ಮ ಪಾಲನೆ ಮಾಡಬೇಕು ಅಂತಿದ್ದಾರೆ. ಅವರ ಹೆಸರು ನಾನು ಹೇಳಲ್ಲ ಅಂದ್ರು.
Advertisement
Advertisement
ನನಗೆ ವಿವಾದ, ದ್ವೇಷದ ರಾಜಕೀಯ ಇಷ್ಟ ಆಗಲ್ಲ. ಹೀಗಾಗಿ ಯಾರು ಏನೇ ಮಾತನಾಡಿದ್ರು ನಾನು ಪ್ರತಿಕ್ರಿಯೆ ನೀಡಲ್ಲ. ನಾನು ಏನಾದರೂ ಮಾತನಾಡುವುದಿದ್ರೆ ನೇರವಾಗಿ ಜನರ ಬಳಿ ಮಾತನಾಡುತ್ತೇನೆ. ಚುನಾವಣೆಗೆ ನಿಲ್ಲುವ ಬಗ್ಗೆ ಪಕ್ಷಕ್ಕಿಂತ ನನಗೆ ಅಂತಿಮವಾಗಿ ಜನರ ಅಭಿಪ್ರಾಯ ಮುಖ್ಯ. ನಾನು ಜನರ ಆಸೆಯಿಂದ ಇಲ್ಲಿಗೆ ಬಂದಿದ್ದೇನೆ ಎಂದು ಹೇಳಿದ್ರು.
Advertisement
ಕಾಂಗ್ರೆಸ್ ಪಕ್ಷದಿಂದ ಸ್ಪರ್ಧೆ ಬಯಸಿದ್ದೇನೆ. ಅದು ಆಗದಿದ್ದಾಗ ನನ್ನ ನಿರ್ಧಾರ ಏನು ಎಂದು ಅಂದು ತಿಳಿಸುತ್ತೇನೆ. ನನ್ನ ಮನವಿಗೆ ಕೆಲವು ಕಾಂಗ್ರೆಸ್ ಮುಖಂಡರು ಪಾಸಿಟಿವ್ ಆಗಿದ್ದಾರೆ. ಮತ್ತೆ ಕೆಲವರು ಮೈತ್ರಿ ಧರ್ಮ ಪಾಲನೆ ಅಂತಾರೆ. ಬೇರೆ ಕ್ಷೇತ್ರಗಳಲ್ಲಿ ಸ್ಪರ್ಧೆ ಮಾಡಿ ಅಂತಾರೆ. ಆದರೆ ಅವರಿಗೆ ನಾನು ಸ್ಪರ್ಧೆ ಮಾಡಿದ್ರೆ ಅದು ಮಂಡ್ಯದಿಂದ. ಇಲ್ಲದಿದ್ರೆ ಮನೆಯಲ್ಲಿರುತ್ತೇನೆ ಎಂದು ತಿಳಿಸಿದ್ದೇನೆ ಎಂದು ಹೇಳಿದ್ರು.
Advertisement
ಮಂಡ್ಯದ ಪ್ರತಿಯೊಬ್ಬರ ಮನೆ ನಮ್ಮ ಮನೆಯಿದ್ದಂತೆ ಎಂದು ಮಂಡ್ಯ ಜನರ ಬಗ್ಗೆ ಅಭಿಮಾನದ ಮಾತನಾಡಿದ್ರು. ಇದೇ ವೇಳೆ ಮುಖ್ಯಮಂತ್ರಿ ಕುಮಾರಸ್ವಾಮಿಯವರ ಅನುಕಂಪದ ಮಾತಿಗೆ ಮರುಳಾಗಬೇಡಿ ಎಂಬ ಹೇಳಿಕೆಗೆ ಪ್ರತಿಕ್ರಿಯಿಸಿ, ನಾನು ಯಾರ ಹೇಳಿಕೆಗೂ ಪ್ರತಿಕ್ರಿಯೆ ನೀಡಲ್ಲ. ಆ ರೀತಿಯ ಸಂಸ್ಕಾರ ಅಂಬರೀಶ್ ಬೆಳೆಸಿಕೊಂಡಿಲ್ಲ. ನಾವು ಅವರ ಮಾರ್ಗದರ್ಶನದಲ್ಲಿ ಹೋಗುತ್ತಿದ್ದೇವೆ ಅಂದ್ರು.
ಅಂಬರೀಶ್ ಜಿಲ್ಲೆಗೆ ಕೆಲಸ ಮಾಡಿಲ್ಲ ಎಂಬ ಸಿಎಂ ಹೇಳಿಕೆಗೆ ಪ್ರತಿಕ್ರಿಯಿಸಿ, ಅಂಬರೀಶ್ ಅವರು ಯಾವಾಗಲೂ ನಮ್ಮ ಸಾಧನೆ ಬಗ್ಗೆ ನಾವು ಮಾತನಾಡಬಾರದು, ನಮ್ಮ ಸಾಧನೆಯೇ ನಮ್ಮ ಬಗ್ಗೆ ಮಾತನಾಡಬೇಕು ಅಂತಿದ್ರು. ಅವರು ಯಾವತ್ತೂ ಪಬ್ಲಿಸಿಟಿ ಇಷ್ಟಪಟ್ಟಿಲ್ಲ. ಹಾಗಾಗಿ ಅವರ ಸಾಧನೆ ಏನಿದೆ ಜನಕ್ಕೆ ಗೊತ್ತು ಅವರೇ ಉತ್ತರ ಕೊಡ್ತಾರೆ ಅಂದ್ರು. ಇದೇ ವೇಳೆ ನಾನು ಇಲ್ಲದಿದ್ರೆ ಪಾರ್ಥೀವ ಶರೀರ ಮಂಡ್ಯಕ್ಕೆ ತರಲು ಆಗುತ್ತಿರಲಿಲ್ಲ ಎಂಬ ಸಿಎಂ ಹೇಳಿಕೆ ವಿಚಾರಕ್ಕೆ ಮಾತನಾಡಲು ಇಷ್ಟಪಡಲ್ಲ ಎಂದಷ್ಟೇ ಹೇಳಿ ಸುಮ್ಮನಾದ್ರು.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
