ಸಂಸದ ಡಿ.ಕೆ ಸುರೇಶ್ ಗೆಲುವಿಗಾಗಿ ʻವಿಜಯದುರ್ಗ ಯಾಗʼ!

ರಾಮನಗರ: ಮಂಗಳವಾರ ಬಹುನಿರೀಕ್ಷಿತ ಲೋಕಸಭಾ ಚುನಾವಣೆ ಫಲಿತಾಂಶ (Lok Sabha Election Result) ಹಿನ್ನೆಲೆಯಲ್ಲಿ ಬೆಂಗಳೂರು ಗ್ರಾಮಾಂತರ ಕ್ಷೇತ್ರದ ಅಭ್ಯರ್ಥಿ ಡಿ.ಕೆ .ಸುರೇಶ್ (DK Suresh) ಗೆಲುವಿಗಾಗಿ ಬೆಂಬಲಿಗರು ಪೂಜೆ ಸಲ್ಲಿಸಿದ್ದಾರೆ.

ಕನಕಪುರ ಪಟ್ಟಣದಲ್ಲಿರುವ ಡಿ.ಕೆ ಸುರೇಶ್ ಕುಲದೇವತೆ ಕೆಂಕೆರಮ್ಮ ದೇವಾಲಯದಲ್ಲಿ ಹೋಮ-ಹವನಗಳ ನಡೆಸುವ ಮೂಲಕ ಡಿಕೆಸು ಗೆಲುವಿಗೆ ಪ್ರಾರ್ಥನೆ ಸಲ್ಲಿಸಿದ್ದಾರೆ. ಇದನ್ನೂ ಓದಿ: `400 ಪಾರ್ vs 295′ – ಯಾರಾಗ್ತಾರೆ ಭಾರತದ ಅಧಿಪತಿ?

4ನೇ ಬಾರಿ ಡಿ.ಕೆ ಸುರೇಶ್ ಜಯಶೀಲರಾಗಬೇಕು ಎಂದು ಬರಂಬಲಿಗರು ʻವಿಜಯದುರ್ಗ ಯಾಗʼ (Vijayadurga Yaga) ಮಾಡಿದ್ದಾರೆ. ಕಾಂಗ್ರೆಸ್ ಯುವಘಟಕದ ಅನಿಲ್ ಮತ್ತು ದೀಪು ಎಂಬುವವರಿಂದ ಹೋಮ-ಹವನ ನೆರವೇರಿಸಲಾಗಿದ್ದು, ಈ ಬಾರಿ ರಾಜ್ಯದಲ್ಲಿ ಕಾಂಗ್ರೆಸ್ ಹೆಚ್ಚು ಸ್ಥಾನ ಗೆಲ್ಲುವಂತೆ ಕಾಂಗ್ರೆಸ್ ಮುಖಂಡರು ಹರಕೆ ಕಟ್ಟಿಕೊಂಡಿದ್ದಾರೆ.

ತೀವ್ರ ಜಿದ್ದಾಜಿದ್ದಿನ ಕಣವಾಗಿರೋ ಬೆಂಗಳೂರು ಗ್ರಾಮಾಂತರ ಕ್ಷೇತ್ರದಲ್ಲಿ ತಮ್ಮ ತಮ್ಮ ನಾಯಕರ ಗೆಲುವಿಗಾಗಿ ಬೆಂಬಲಿಗರು ಹಾಗೂ ಮುಖಂಡರು ದೇವರ ಮೊರೆಹೋಗ್ತಿದ್ದಾರೆ. ಇದನ್ನೂ ಓದಿ: ಬಿಸಿ ನೀರಿಗೆ ಮದ್ಯ ಮಿಕ್ಸ್‌ ಮಾಡಿ ಮಾವ ಕುಡಿಯುತ್ತಾರೆ- ಬಾಲಯ್ಯ ಅಳಿಯನ ಮಾತು ವೈರಲ್