ಮೆಸೇಜ್ ಸೆಂಡ್ ಮಾಡಿ ಮೊಬೈಲ್‍ನಲ್ಲೇ ಮತಗಟ್ಟೆ ತಿಳಿಯಿರಿ

ಬೆಂಗಳೂರು: ರಾಜ್ಯದಲ್ಲಿ ಏ.18 ಮತ್ತು ಏ.23 ರಂದು ಎರಡು ಹಂತದಲ್ಲಿ ಚುನಾವಣೆ ನಡೆಯಲಿದೆ. ಗ್ರಾಮೀಣ ಭಾಗದಲ್ಲಿ ಮತಗಟ್ಟೆಯನ್ನು ಹುಡುಕುವುದು ಕಷ್ಟದ ಕೆಲಸವಲ್ಲ. ಆದರೆ ಬೆಂಗಳೂರು ಸೇರಿದಂತೆ ದೊಡ್ಡ ದೊಡ್ಡ ನಗರದಲ್ಲಿ ಮತದಾನದ ಕೇಂದ್ರ ಎಲ್ಲಿದೆ ಎಂದು ಹುಡುಕುವುದೇ ಕಷ್ಟದ ಕೆಲಸ. ಕೆಲವು ಮಂದಿ ಮತಗಟ್ಟೆ ಸಿಕ್ಕಿಲ್ಲ ಎಂದು ಹೇಳಿ ವೋಟ್ ಹಾಕದೇ ಹೋಗುತ್ತಾರೆ.

ಮತಗಟ್ಟೆ ಹುಡುಕುವುದು ಕಷ್ಟ ಆಗುತ್ತದೆ ಎಂದು ತಿಳಿದು ವೋಟ್ ಹಾಕದೇ ಇರಬೇಡಿ. ಕೇವಲ 1 ನಿಮಿಷದಲ್ಲಿ ಮೊಬೈಲ್ ನಲ್ಲೇ ನಿಮ್ಮ ಮತಗಟ್ಟೆ ಯಾವುದು ಎನ್ನುವುದನ್ನು ಕ್ಷಣದಲ್ಲೇ ತಿಳಿದುಕೊಳ್ಳಬಹುದು. ಒಂದು ಮೆಸೇಜ್ ಹಾಕಿದರೆ ನಿಮ್ಮ ಮೊಬೈಲ್ ಗೆ ಮತಗಟ್ಟೆಯ ಸಂಪೂರ್ಣ ವಿವರ ಲಭ್ಯವಾಗುತ್ತದೆ.

ಯಾವ ನಂಬರ್?
ಮತಗಟ್ಟೆಯನ್ನು ತಿಳಿಯಬೇಕಾದರೆ ನೀವು 1950 ಅಥವಾ 9731979899 ನಂಬರಿಗೆ ಮೆಸೇಜ್ ಕಳುಹಿಸಬಹುದು.

ಮೆಸೇಜ್ ಹೇಗೆ ಮಾಡಬೇಕು?
ECIPS ಟೈಪ್ ಮಾಡಿ ಒಂದು ಸ್ಪೇಸ್ ಬಿಟ್ಟು ವೋಟರ್ ಐಡಿ ನಂಬರ್ ಟೈಪ್ ಮಾಡಿ 1950 ನಂಬರ್ ಗೆ ಸೆಂಡ್ ಮಾಡಿ ಅಥವಾ ECIPS ಟೈಪ್ ಮಾಡಿ ಒಂದು ಸ್ಪೇಸ್ ಬಿಟ್ಟು ವೋಟರ್ ಐಟಿ ನಂಬರ್ ಟೈಪ್ ಮಾಡಿ 9731979899 ನಂಬರ್ ಗೆ ಕಳುಹಿಸಿ.

ಉದಾಹರಣೆ : KAEPIC<“space”>ID CARD NO. ಈ ರೀತಿ  ಟೈಪ್ ಮಾಡಿ KAEPIC XVY15018368 ಸೆಂಡ್ ಮಾಡಿ.

ಈ ಮೇಲಿನ ರೀತಿಯಲ್ಲಿ ನೀವು ಸರಿಯಾಗಿ ಟೈಪ್ ಮಾಡಿ ಮಸೇಜ್ ಕಳುಹಿಸಿದ್ದರೆ ನಿಮ್ಮ ಮೊಬೈಲ್‍ಗೆ ಮತಗಟ್ಟೆ ಎಲ್ಲಿದೆ ಎನ್ನುವ ಮಾಹಿತಿ ಕೂಡಲೇ ಬರುತ್ತದೆ.