ಬೆಳಗಾವಿ: ಜಿಲ್ಲೆಯ ಟಿಳಕವಾಡಿ ಬಳಿಯ ಗೇಟ್ ಬಳಿ ತಡರಾತ್ರಿ ಸಂಚರಿಸುತ್ತಿದ್ದ ರೈಲು ನಿಲ್ಲಿಸಿ ಚಾಲಕ ರೈಲ್ವೆ ಗೇಟ್ ನ ಗಾರ್ಡ್‍ನನ್ನು ಹುಡುಕಾಡಿದ ಘಟನೆ ನಡೆದಿದ್ದು, ಈ ವಿಡಿಯೋ ಸದ್ಯ ಸಾಮಾಜಿಕ ಜಾಲತಣದಲ್ಲಿ ವೈರಲ್ ಆಗಿದೆ.
ಏನಿದು ಘಟನೆ: ಶನಿವಾರ ತಡರಾತ್ರಿ ಕೋಲ್ಹಾಪುರ ದಿಂದ ಲೋಂಡಾ ಮಾರ್ಗದ ಕಡೆಗೆ ರೈಲು ಸಂಚರಿಸುತ್ತಿತ್ತು. ಈ ಸಂದರ್ಭದಲ್ಲಿ ಟಿಳಕವಾಡಿ ಬಳಿಯ ಗೇಟ್ ಬಳಿ ಬಂದ ರೈಲಿಗೆ ಹಸಿರು ನಿಶಾನೆ ಸಿಗಲಿಲ್ಲ. ಇದರಿಂದ ರೈಲು ಚಾಲಕ ಅನುಮಾನಗೊಂಡು ರೈಲನ್ನು 10 ನಿಮಿಷ ನಿಲ್ಲಿಸಿ ಏನಾಗಿದೆ ಎಂದು ತಿಳಿಯಲು ಕೆಳಗಿಳಿದ್ದಾರೆ. ನಂತರ ಗೆಟ್ ಬಳಿ ಬಂದು ನೀಡಿದಾಗ ಗೇಟ್ ಗಾರ್ಡ್ ಕಂಠ ಪೂರ್ತಿ ಕುಡಿದು ಮಲಗಿದ್ದು ತಿಳಿದು ಬಂದಿದೆ.
ನಂತರ ರೈಲು ಚಾಲಕ ಗಾರ್ಡ್ ನನ್ನು ಎಬ್ಬಿಸಿ ಹಸಿರು ನಿರಾಶೆ ಪಡೆದು ರೈಲನ್ನು ಚಾಲನೆ ಮಾಡಿದ್ದಾನೆ. ಗಾರ್ಡ್ ನ ಅಚಾಯುರ್ತಯದಿಂದ ನಡೆಯಬೇಕಿದ್ದ ಭಾರೀ ಅನಾಹುತವೊಂದು ಚಾಲಕನ ಸಮಯ ಪ್ರಜ್ಞೆಯಿಂದ ತಪ್ಪಿದೆ.
ಈ ವಿಡಿಯೋವನ್ನು ಕಂಡ ಹಲವರು ಗಾರ್ಡ್ ಬಗ್ಗೆ ಸೂಕ್ತ ಕ್ರಮ ಕೈಗೊಳ್ಳುವ ಅವಶ್ಯಕತೆ ಇದೆ ಎಂದು ರೈಲ್ವೇ ಇಲಾಖೆ ಅಧಿಕಾರಿಗಳನ್ನು ಕೋರಿದ್ದಾರೆ. ಇನ್ನೂ ತಡರಾತ್ರಿ ಘಟನೆ ನಡೆದಿದ್ದರಿಂದ ಯಾವುದೇ ಅನಾಹುತ ಸಂಭವಿಸಿಲ್ಲ ಎಂದು ತಿಳಿದು ಬಂದಿದೆ.
