ವಾನರ ಸೈನ್ಯದೊಂದಿಗೆ 3 ವರ್ಷದ ಬಾಲಕನ ಒಡನಾಟ- ಬೆಳಗ್ಗೆ ಬಂದು ಮಗುವನ್ನ ಎಬ್ಬಿಸ್ತವಂತೆ ಈ ಮಂಗಗಳು

ಹುಬ್ಬಳ್ಳಿ: ಸಾಮಾನ್ಯವಾಗಿ ಮಂಗಗಳನ್ನು ಕಂಡರೆ, ಅವು ಮೈ ಮೇಲೆ ಎರಗುತ್ತವೆಂಬ ಭಯದಿಂದ ಹೆದರಿ ಓಡವವರೇ ಹೆಚ್ಚು. ಆದರೆ ಇಲ್ಲೊಬ್ಬ ಬಾಲಕ ಪ್ರತಿನಿತ್ಯ ಮಂಗಗಳ ಜೊತೆಗೆ ಆಟ ಊಟ ಎಲ್ಲವನ್ನು ಮಾಡುತ್ತಾನೆ. ಇಂತಂಹ ಅಚ್ಚರಿಯ ಲವ್ ಕಹಾನಿಯೊಂದು ಜಿಲ್ಲೆಯಲ್ಲಿ ನಡೆದಿದೆ.

ಮಂಗಗಳ ಜೊತೆ ಒಡನಾಟ ಬೆಳೆಸಿಕೊಂಡಿರೋ ಬಾಲಕನ ಹೆಸರು ಸಮರ್ಥ ಬಂಗಾರಿ. ಧಾರವಾಡ ಜಿಲ್ಲೆಯ ಕುಂದಗೋಳ ತಾಲೂಕಿನ ಅಲ್ಲಾಪೂರ ಗ್ರಾಮದ ನಂದಾ ಮತ್ತು ಸುನೀಲ್ ಅವರ ಪುತ್ರ. ಈತನಿಗೆ ಸುಮಾರು ಮೂರು ವರ್ಷ ವಯಸ್ಸು. ಆದರೆ ಮಂಗಗಳನ್ನು ಕಂಡರೆ ಭಯ ಪಡದೆ ದಿನಾಲೂ ಅವುಗಳ ಜೊತೆ ಆಟವಾಡುತ್ತಾನೆ. ಅವುಗಳು ಕೂಡ ಈ ಸಮರ್ಥ ಜೊತೆ ಸಲಿಗೆಯಿಂದ ಇರುತ್ತವೆ.

ಕೆಲ ದಿನಗಳ ಹಿಂದೆ ಸಮರ್ಥ ಮನೆ ಮುಂದೆ ರೊಟ್ಟಿ ತಿನ್ನುತ್ತಾ ಕುಳಿತ್ತಿದ್ದಾಗ ಮಂಗಗಳು ಬಂದಿದ್ದವು. ಮೊದಲ ದಿನ ಮಂಗಗಳನ್ನು ನೋಡಿ ಹೆದರಿದ್ದ. ಆದರೆ ಮರುದಿನವೇ ಮತ್ತೆ ಮಂಗಗಳು ಬಂದಿದ್ದು, ಆಗ ಅವುಗಳಿಗೆ ರೊಟ್ಟಿಯನ್ನು ಕೊಟ್ಟಿದ್ದ. ಅಂದು ಆರಂಭವಾದ ಮಂಗಗಳ ಸ್ನೇಹ ಇನ್ನೂ ಹಾಗೇ ಮುಂದುವರೆದಿದೆ.

ಮುಂಜಾನೆ ಅವುಗಳೇ ಬಂದು ಸಮರ್ಥ ಇನ್ನೂ ಮಲಗಿಕೊಂಡಿದ್ದರೆ ನಿದ್ದೆಯಿಂದ ಎಬ್ಬಿಸುತ್ತವೆ. ಮನೆ ಒಳಗೆ ಬಂದು ಹಾಸಿಗೆಯಿಂದ ಎಬ್ಬಿಸಿ ಆಟ ಆಡಲು ಕರೆದುಕೊಂಡು ಹೋಗುತ್ತವೆ. ಸಮರ್ಥ ಅವುಗಳಿಗೆ ಆಹಾರ ನೀಡಿ ಅವುಗಳೊಂದಿಗೆ ಆಟ ಆಡುತ್ತಾನೆ. ನಂತರ ಮಂಗಳಗಳು ಮುಂಜಾನೆ ಕೆಲವು ಸಮಯ ಸಮರ್ಥನೊಂದಿಗೆ ಕಾಲವನ್ನು ಕಳೆದು ಆಹಾರ ಅರಸಿಕೊಂಡು ಹೋಗುತ್ತವೆ.

ಹೀಗೆ ದಿನ ನಿತ್ಯ ಸಮರ್ಥ ಸುಮಾರು ಒಂದು ಗಂಟೆಗಳ ಕಾಲ ಈ ವಾನರ ಸೈನ್ಯದೊಂದಿಗೆ ಕಳೆಯುತ್ತಾನೆ.

Karnataka: A 1-and-a-half year boy befriends monkeys and feeds them regularly in Hubli. His family says he is woken up by monkeys everyday at 6 in the morning who return after playing and being fed by him, adds that they have never bitten him. pic.twitter.com/e0WThRmIG5

— ANI (@ANI) November 29, 2017