* ಜಾಗ ಖಾಲಿ ಮಾಡುವಂತೆ ಗಲ್ಗೋಟಿಯಾ ವಿವಿಗೆ ಸೂಚನೆ
* ಸ್ಟಾಲ್ಗೆ ಕೊಟ್ಟಿದ್ದ ಕರೆಂಟ್ ಕಟ್
ನವದೆಹಲಿ: ಭಾರತದಲ್ಲಿ ನಡೆಯುತ್ತಿರುವ ಐದು ದಿನಗಳ ಎಐ ಇಂಪ್ಯಾಕ್ಟ್ ಶೃಂಗಸಭೆಯಲ್ಲಿ ಚೀನಾ ನಿರ್ಮಿತ ರೋಬೋಟ್ ಡಾಗ್ (Robot Dog) ಅನ್ನು ತಾವೇ ಅಭಿವೃದ್ಧಿಪಡಿಸಿದ್ದಾಗಿ ಗಲ್ಗೋಟಿಯಾ ವಿಶ್ವವಿದ್ಯಾಲಯ ಪ್ರದರ್ಶಿಸಿದ ವೀಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಸದ್ದು ಮಾಡುತ್ತಿದೆ.
ಪ್ರದರ್ಶನಕ್ಕಿಟ್ಟಿದ್ದ ಯುನಿಟ್ರೀ ರೋಬೋಟ್ ಡಾಗ್ ಚೀನಾದಿಂದ ಖರೀದಿಸಿದ್ದು ಎನ್ನುವ ವಿಚಾರ ತಿಳಿಯುತ್ತಿದ್ದಂತೆ ಎಐ ಇಂಪ್ಯಾಕ್ಟ್ ಶೃಂಗಸಭೆಯ ಎಕ್ಸ್ಪೋದಿಂದ ನಿರ್ಗಮಿಸುವಂತೆ ಗಲ್ಗೋಟಿಯಾ ವಿಶ್ವವಿದ್ಯಾಲಯಕ್ಕೆ ಸೂಚಿಸಲಾಗಿದೆ. ಸೂಚನೆ ನೀಡಿದ ಕೆಲವೇ ಗಂಟೆಗಳಲ್ಲಿ ಗಲ್ಗೋಟಿಯಾ ವಿವಿ ಸ್ಟಾಲ್ಗೆ ನೀಡಿದ್ದ ವಿದ್ಯುತ್ ಸಂಪರ್ಕವನ್ನು ಕಡಿಗೊಳಿಸಿದ್ದು, ವೀಕ್ಷಣೆಗೆ ಆಗಮಿಸಿದ್ದ ಪ್ರೇಕ್ಷಕರು, ಇತರ ತಜ್ಞರು ಕತ್ತಲು ವಾತಾವರಣ ಕಂಡು ಕಕ್ಕಾಬಿಕ್ಕಿಯಾಗಿದ್ದಾರೆ.
VIDEO | Delhi: Power has reportedly been cut off at the Galgotias University pavilion at the AI Summit after it was asked to vacate the expo following a row over the display of a robotic dog.
(Full video available on PTI Videos – https://t.co/n147TvrpG7) pic.twitter.com/j5rOrSWfF0
— Press Trust of India (@PTI_News) February 18, 2026
ಆಗಿದ್ದೇನು?
ವಿವಾದಿತ ರೋಬೋಟ್ ಡಾಗ್ ಯುನಿಟ್ರೀ ಗೋ2 (Unitree Go2) ಆಗಿದೆ. ಇದು ಚೀನಾ ಮೂಲದ ರೋಬೋಟಿಕ್ಸ್ ಕಂಪನಿ ತಯಾರಿಸಿದೆ. ಇದು ಭಾರತದಲ್ಲಿ 2-3 ಲಕ್ಷ ರೂ.ಗಳಿಗೆ ಆನ್ಲೈನ್ನಲ್ಲಿ ಲಭ್ಯವಿದೆ. ಇದನ್ನ ಖರೀದಿಸಿದ್ದ ಗಲ್ಗೋಟಿಯಾ ವಿಶ್ವವಿದ್ಯಾಲಯ ಓರಿಯನ್ (Orion) ಹೆಸರಿನಿಂದ ಎಐ ಶೃಂಗದಲ್ಲಿ ಪರಿಚಯಿಸಿತ್ತು.
ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆದ ವಿಡಿಯೋದಲ್ಲಿ ವಿಶ್ವವಿದ್ಯಾಲಯದ ಪ್ರತಿನಿಧಿ ಎಂದು ಹೇಳಿಕೊಂಡ ಮಹಿಳೆ ಮಾಧ್ಯಮಗಳೊಂದಿಗೆ ಮಾತನಾಡುತ್ತಾ ರೋಬೋಟ್ನ ವೈಶಿಷ್ಟ್ಯಗಳನ್ನ ವಿವರಿಸುತ್ತಿರುವುದು, ಜೊತೆಗೆ ಗಲ್ಗೋಟಿಯಾ ವಿಶ್ವವಿದ್ಯಾಲಯವೇ ಇದನ್ನು ಅಭಿವೃದ್ಧಿಪಡಿಸಿದೆ ಎಂದು ಹೇಳಿರುವುದು ಕಂಡುಬಂದಿತ್ತು. ವಿವಿಯ ಪ್ರಾಧ್ಯಾಪಕಕಿ ನೇಹಾ ಸಿಂಗ್ ಕೂಡ ಇದು ತಾವೇ ನಿರ್ಮಿಸಿದ ರೋಬೋಟ್ ಎಂದು ಹೇಳಿದ್ದರು. ಆದ್ರೆ ಸೋಷಿಯಲ್ ಮೀಡಿಯಾ ಬಳಕೆದಾರರು ಇದು ಚೀನಾ ನಿರ್ಮಿತ ʻಯುನಿಟ್ರೀ ಗೋ2ʼ ಎಂದು ಗುರುತಿಸಿದ್ದರು.
#WATCH | Delhi | Galgotias University staff and officials vacate their stall at India AI Impact Summit expo, following row over display of Chinese-made robodog.
As per sources, the govt had asked Galgotias University to vacate the stall at the expo. pic.twitter.com/cqN5vBcgcN
— ANI (@ANI) February 18, 2026
ಈ ಬೆನ್ನಲ್ಲೇ ಗಲ್ಗೋಟಿಯಾ ವಿವಿ ವಿರುದ್ಧ ತೀವ್ರ ಟೀಕೆ ವ್ಯಕ್ತವಾಗಿತ್ತು. ರಾಜಕೀಯ ನಾಯಕರೂ ಆಕ್ರೋಶ ಹೊರಹಾಕಿದ್ದರು. ಭಾರತ ಆಯೋಜಿಸಿದ್ದ ಉನ್ನತ ಮಟ್ಟದ ತಂತ್ರಜ್ಞಾನ ಶೃಂಗದಲ್ಲಿ ಚೀನಾ ನಿರ್ಮಿತ ಕೃತಕ ಬುದ್ಧಿಮತ್ತೆ ರೋಬೋಟ್ಗಳನ್ನ ಪ್ರದರ್ಶಿಸುವ ಮೂಲಕ ರಾಷ್ಟ್ರಮಟ್ಟದಲ್ಲಿ ಮುಜುಗರ ಉಂಟಾಗುವಂತೆ ಮಾಡಿದೆ ಎಂದು ಹೇಳಲಾಗಿತ್ತು. ಇದರ ಬೆನ್ನಲ್ಲೇ ಎಕ್ಸ್ಪೋದಿಂದ ಜಾಗ ಖಾಲಿ ಮಾಡುವಂತೆ ಸೂಚನೆ ಕೊಡಲಾಗಿತ್ತು.
ಗಲ್ಗೋಟಿಯಾ ವಿವಿ ಸ್ಪಷ್ಟನೆ
ವಿವಾದ ಜೋರಾಗುತ್ತಿದ್ದಂತೆ ಗಲ್ಗೋಟಿಯಾ ವಿಶ್ವವಿದ್ಯಾಲಯ ಸ್ಪಷ್ಟನೆ ನೀಡಿತ್ತು. ಈ ಸಾಧನವನ್ನ ನಾವೇ ನಿರ್ಮಿಸಿದ್ದೇವೆ ಎಂದು ಎಂದಿಗೂ ಹೇಳಿಕೊಂಡಿಲ್ಲ. Robot Dog ಅನ್ನು ಚೀನಾದ ರೋಬೋಟಿಕ್ಸ್ ಸಂಸ್ಥೆಯಾದ ಯುನಿಟ್ರೀಯಿಂದ ಖರೀದಿಸಲಾಗಿದೆ. ವಿದ್ಯಾರ್ಥಿಗಳಿಗೆ ಕಲಿಕಾ ಸಾಧನವಾಗಿ ಬಳಸಲಾಗುತ್ತಿದೆ ಎಂದು ಸ್ಪಷ್ಟಪಡಿಸಿದ್ದರು.
