Latest

ಆಪಲ್ ಉದ್ಯೋಗಿಗಳ ವಿರುದ್ಧ ಗರಂ – ಖಾರವಾದ ಪತ್ರ ಬರೆದು ಎಚ್ಚರಿಕೆ ನೀಡಿದ ಟಿಮ್ ಕುಕ್

Published

on

Share this

ಕ್ಯಾಲಿಫೋರ್ನಿಯಾ: ಆಪಲ್ ಕಂಪನಿಯ ಸಿಇಒ ಟಿಮ್ ಕುಕ್ ಉದ್ಯೋಗಿಗಳ ವಿರುದ್ಧವೇ ಗರಂ ಆಗಿದ್ದಾರೆ.

ಕಂಪನಿಯ ಆಂತರಿಕ ವಿಚಾರವನ್ನು ಸೋರಿಕೆ ಮಾಡಿದ್ದಕ್ಕೆ ಟಿಮ್ ಕುಕ್ ಉದ್ಯೋಗಿಗಳಿಗೆ ಇಮೇಲ್ ಮಾಡಿ ಅಸಮಾಧಾನ ಹೊರ ಹಾಕಿದ್ದಾರೆ. ನಮ್ಮ ಸಂಸ್ಥೆಯ ನಿಯಮವನ್ನು ಪಾಲಿಸುವವರು ಇಲ್ಲಿ ಇರಬಹುದು. ಇಷ್ಟ ಇಲ್ಲದವರು ಸಂಸ್ಥೆಯನ್ನು ತೊರೆಯಬಹುದು ಎಂದು ಖಾರವಾಗಿ ಬರೆದಿದ್ದಾರೆ.

ಕಳೆದ ಶುಕ್ರವಾರ ಆಪಲ್ ಕಂಪನಿಯ ಆಂತರಿಕ ಸಭೆ ನಡೆದಿತ್ತು. ಈ ವೇಳೆ ಲಸಿಕೆ ಪಡೆದುಕೊಳ್ಳದ ಆಪಲ್ ಉದ್ಯೋಗಿಗಳು ಪ್ರತಿನಿತ್ಯ ಕೋವಿಡ್ 19 ಪರೀಕ್ಷೆ ತೆಗೆದುಕೊಳ್ಳಬೇಕು ಎಂದು ಹೇಳುತ್ತಿರುವ ಆಡಿಯೋ ಬಹಿರಂಗವಾಗಿತ್ತು. ಈ ಆಡಿಯೋ ಬಹಿರಂಗವಾದ ಬೆನ್ನಲ್ಲೇ ಟಿಮ್ ಕುಕ್ ಇಮೇಲ್ ಮಾಡಿ ಸಿಟ್ಟನ್ನು ಹೊರಹಾಕಿದ್ದಾರೆ.

ಸಭೆಯ ವರದಿ ಸೋರಿಕೆಯಾಗಿದ್ದು ನನಗೆ ಬೇಸರ ತಂದಿದೆ. ಬಿಡುಗಡೆ ಮಾಡುವ ಮೊದಲೇ ಉತ್ಪನ್ನಗಳ ವಿವರಗಳು ಮಾಧ್ಯಮಗಳಲ್ಲಿ ಸೋರಿಕೆಯಾಗುತ್ತಿದೆ. ಸೋರಿಕೆ ಮಾಡುವವರು ಕಡಿಮೆ ಸಂಖ್ಯೆಯಲ್ಲಿದ್ದಾರೆ. ಗೌಪ್ಯ ಮಾಹಿತಿಯನ್ನು ಬಹಿರಂಗಪಡಿಸುವುದನ್ನು ನಾವು ಸಹಿಸುವುದಿಲ್ಲ ಎನ್ನುವುದು ನಿಮಗೆ ತಿಳಿದಿರಬಹುದು ಎಂದಿದ್ದಾರೆ.  ಇದನ್ನೂ ಓದಿ: ಬೈಕ್‍ಗಳಲ್ಲಿ ಐಫೋನ್ ಬಳಸಬೇಡಿ – ಗ್ರಾಹಕರಿಗೆ ಆಪಲ್ ಎಚ್ಚರಿಕೆ 

ಈ ತಿಂಗಳ ಆರಂಭದಲ್ಲಿ ಕಂಪನಿಯ ರಹಸ್ಯ ಮಾಹಿತಿಯನ್ನು ಸೋರಿಕೆ ಮಾಡಿದ್ದಕ್ಕೆ ಎಂಜಿನಿಯರಿಂಗ್ ವಿಭಾಗದ ಪ್ರೋಗ್ರಾಂ ಮ್ಯಾನೇಜರ್ ಆಶ್ಲೇ ಜಿವಿಕ್ ಅವರನ್ನು ವಜಾ ಮಾಡಿತ್ತು. ಆಶ್ಲೇ ಜಿವಿಕ್ ಕಂಪನಿಯಲ್ಲಿ ತಾರತಮ್ಯ ಮತ್ತು ಕಿರುಕುಳದ ಆರೋಪಗಳನ್ನು ಟ್ವೀಟ್ ಮಾಡಿದ್ದರು. ಕಳೆದ ತಿಂಗಳು, ಆಪಲ್ ಉದ್ಯೋಗಿಗಳ ಗುಂಪೊಂದು ಕಂಪನಿಯಿಂದ ತಮಗೆ ಆಗುತ್ತಿರುವ ನೋವನ್ನು ತೋಡಿಕೊಳ್ಳಲು AppleToo ಹೆಸರಿನಲ್ಲಿ ವೆಬ್‍ಸೈಟ್ ತೆರೆದಿತ್ತು.

ಕಂಪನಿಯ ರಹಸ್ಯ ಮಾಹಿತಿಯನ್ನು ಸೋರಿಕೆ ಮಾಡಿದವರ ವಿರುದ್ಧ ಈಗ ಆಪಲ್ ಜಾಗತಿಕ ಭದ್ರತಾ ತಂಡ ತನಿಖೆ ಆರಂಭಿಸಿದೆ ಎಂದು ವರದಿಯಾಗಿದೆ.

Click to comment

Leave a Reply

Your email address will not be published. Required fields are marked *

Advertisement
Advertisement