ನಿರ್ದೇಶಕ ಕರಣ್ ಜೋಹರ್ ವಿರುದ್ಧ ಲತಾ ಮಂಗೇಶ್ಕರ್ ಕುಟುಂಬ ಅಸಮಾಧಾನ

ಮುಂಬೈ: ಕರಣ್ ಜೋಹರ್ ನಿರ್ದೇಶನದ ಲಸ್ಟ್ ಸ್ಟೋರಿಸ್ ಕಿರುಚಿತ್ರದಲ್ಲಿ ಕಬಿ ಖುಷಿ ಕಬಿ ಗಮ್ ಚಿತ್ರದ ಹಾಡನ್ನು ಬಳಸಿಕೊಂಡಿದ್ದಕ್ಕೆ ಲತಾಮಂಗೇಶ್ಕರ್ ಅವರ ಕುಟುಂಬದ ಸದಸ್ಯರು ಅಸಮಾಧಾನ ಹೊರಹಾಕಿದ್ದಾರೆ.

ಲಸ್ಟ್ ಸ್ಟೋರಿ ಕಿರುಚಿತ್ರದ ನಟಿ ಕೈರಾ ಅಡ್ವಾಣಿ ಕಾಣಿಸಿಕೊಂಡಿದ್ದು, ಹೊಸದಾಗಿ ಮದುವೆಯಾದ ಮಹಿಳೆ ತನ್ನ ಹಸ್ತಗಳಿಂದ ಲೈಂಗಿಕ ತೃಪ್ತಿ ಪಡೆದುಕೊಳ್ಳುತ್ತಾಳೆ. ಈ ದೃಶ್ಯಕ್ಕೆ ಲತಾಮಂಗೇಶ್ಕರ್ ಹಾಡಿರುವ ಕಬಿ ಖುಷಿ ಕಬಿ ಗಮ್ ಹಾಡನ್ನು ಸೇರಿಸಲಾಗಿದೆ. ಈ ದೃಶ್ಯಕ್ಕೆ ಹಾಡನ್ನು ಬಳಸಿದ್ದಕ್ಕೆ ಲತಾ ಮಂಗೇಶ್ಕರ್ ಕುಟುಂಬದವರು ವಿರೋಧ ವ್ಯಕ್ತಪಡೆಸಿದ್ದಾರೆ.

ಮಧುರ ಸಂಬಂಧ ಸಾರುವ ಹಾಡನ್ನು ಕರಣ್ ಜೋಹರ್ ಅವರು ಇಂತಹ ಮುಜುಗರದ ಸನ್ನಿವೇಶದಲ್ಲಿ ಬಳಕೆ ಮಾಡಿದ್ದು ಯಾಕೆ? ಕಬಿ ಖುಷಿ ಕಬಿ ಗಮ್ ಹಾಡಿನ ಧ್ವನಮುದ್ರಿಸಿಕೊಂಡ ಉದ್ದೇಶ ಈಗ ಈಡೇರಿತು ಅನಿಸುತ್ತದೆ. ತಮ್ಮ ಕನಸಿನ ಹಾಡನ್ನು ದುಃಸ್ವಪ್ನವಾಗಿ ಏಕೆ ತಿರುಗಿಸಿದರು ಎಂದು ಪ್ರಶ್ನಿಸಿ ಲತಾ ಮಂಗೇಶ್ಕರ್ ಕುಟುಂಬದ ಸದಸ್ಯರೊಬ್ಬರು ಕಿಡಿ ಕಾರಿದ್ದಾರೆ.

ಕಬಿ ಖುಷಿ ಕಬಿ ಗಮ್ ಚಿತ್ರದಲ್ಲಿ ವಿಭಜನೆಯಾದ ಕುಟುಂಬ ಒಂದಾದ ಸಂದರ್ಭದಲ್ಲಿ ಈ ಹಾಡನ್ನು ಬಳಸಲಾಗಿತ್ತು. ಅಲ್ಲದೇ ಚಿತ್ರದ ಅನೇಕ ಸನ್ನಿವೇಶದಲ್ಲಿ ಹಾಡಿನ ಸಂಗೀತ ನೋಡುಗರನ್ನು ಹಿಡಿದಿಡುತ್ತದೆ. ಆದರೆ ಇಂತಹ ಸನ್ನಿವೇಶಕ್ಕೆ ಈ ಹಾಡನ್ನು ಬಳಕ್ಕೆ ಮಾಡಿಕೊಂಡಿದ್ದು, ಲತಾ ಮಂಗೇಶ್ಕರ್ ಅಭಿಮಾನಿಗಳ ಆಕ್ಷೇಪಕ್ಕೆ ಕಾರಣವಾಗಿದೆ.