Connect with us

Districts

ಶಾಸಕ ಹಿಟ್ನಾಳ್ ಅಂಧ ದರ್ಬಾರ್- ತಮ್ಮ ಕಚೇರಿಗೆ ಪದೇ ಪದೇ ನವೀಕರಣ

Published

on

– ರಿನೋವೇಷನ್ ಹೆಸರಲ್ಲಿ 50 ಲಕ್ಷ ಬಿಲ್

ಕೊಪ್ಪಳ: ಶಾಸಕ ರಾಘವೇಂದ್ರ ಹಿಟ್ನಾಳ್ ಅಂಧ ದರ್ಬಾರ್ ನಡೆಸುತ್ತಿದ್ದಾರಾ ಅನ್ನೋ ಅನುಮಾನವೊಂದು ಎದ್ದಿದೆ. ಕಳೆದ ಅವಧಿಯಲ್ಲಿ ತಮ್ಮ ಕಚೇರಿಯನ್ನ ನವೀಕರಿಸಿದ್ದ ಶಾಸಕ ರಾಘವೇಂದ್ರ ಹಿಟ್ನಾಳ್, ಇದೀಗ ಮತ್ತೆ 50 ಲಕ್ಷ ವೆಚ್ಚದಲ್ಲಿ ನವೀಕರಣ ಮಾಡಲು ಮುಂದಾಗಿದ್ದಾರೆ.

ಕೊಪ್ಪಳ ನಗರದ ಹಳೆಯ ಜಿಲ್ಲಾ ಪಂಚಾಯತ್ ಕಟ್ಟಡದ ಆವರಣದಲ್ಲಿರುವ ಶಾಸಕರ ಕಚೇರಿ ಇದೀಗ ಭಾರೀ ವಿವಾದದ ಕೇಂದ್ರಬಿಂದುವಾಗಿದೆ. ಇನ್ನೂ ಏನೂ ಆಗದೆ ಹಾಗೆ ಇರುವ ಸಮ್ಮೇಕ್ ಹಾಗೂ ಪೇಂಟಿಂಗ್ ಒಂದೆಡೆಯಾದರೆ, ಇನ್ನೊಂದಡೆ ಹೊಸದಾದ ಕಟ್ಟಡದ ಮೇಲ್ಛಾವಣಿ ಕೆಡವಿ ಹಾಕಿದ್ದಾರೆ. ಮಗದೊಂದು ಕಡೆ ಕೆಡವಿ ಹಾಕಿರುವ ಕಟ್ಟಡದ ನವೀಕರಣಕ್ಕೆ 50 ಲಕ್ಷ ಅನುದಾನ ಬಿಡುಗಡೆ ಮಾಡಿರುವ ದಾಖಲೆ ಇದೆ.

ಕಳೆದ 4 ವರ್ಷಗಳ ಹಿಂದೆ ಶಾಸಕ ಕೆ.ರಾಘವೇಂದ್ರ ಹಿಟ್ನಾಳ್ 10 ಲಕ್ಷ ವೆಚ್ಚದಲ್ಲಿ ನವೀಕರಣ ಮಾಡಿಕೊಂಡಿದ್ದರು. ಈ ಕಟ್ಟಡ ಇನ್ನೂ ಚೆನ್ನಾಗಿರುವ ವೇಳೆಯಲ್ಲಿ ಇದೀಗ 50 ಲಕ್ಷ ವೆಚ್ಚದಲ್ಲಿ ಮತ್ತೆ ನವೀಕರಣ ಮಾಡಲು ಶಾಸಕರು ಮುಂದಾಗಿದ್ದಾರೆ. ಶಾಸಕರ ಈ ನಡೆ ಇದೀಗ ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ.

ಶಾಸಕ ರಾಘವೇಂದ್ರ ಹಿಟ್ನಾಳ್ ಈ ಹಿಂದೆ ತಮ್ಮ ಕಚೇರಿ ನವೀಕರಣ ಮಾಡಿಕೊಂಡ ವೇಳೆಯಲ್ಲಿ ಪೇಂಟಿಂಗ್, ಹೊಸದಾದ ಎಸಿ, ಐಷಾರಾಮಿ ಫರ್ನಿಚರ್ ಗಳನ್ನು ಖರೀದಿ ಮಾಡಿಕೊಂಡಿದ್ದರು. ಆದರೆ ಇದೀಗ ಆ ವಸ್ತುಗಳೆಲ್ಲವೂ ನಿರುಪಯುಕ್ತವಾಗಲಿವೆ. ಒಟ್ಟಿನಲ್ಲಿ ಕಚೇರಿ ನವೀಕರಣ ನೆಪದಲ್ಲಿ ಅರ್ಧ ಕೋಟಿ ಹಣ ಖರ್ಚು ಮಾಡುವುದು ಅವಶ್ಯಕತೆ ಇತ್ತಾ ಎನ್ನುವುದು ಪ್ರಜ್ಞಾವಂತರ ಪ್ರಶ್ನೆಯಾಗಿದೆ.

Click to comment

Leave a Reply

Your email address will not be published. Required fields are marked *