Connect with us

Districts

ಒತ್ತಡ ಮರೆತು ಕ್ರೀಡಾಕೂಟದಲ್ಲಿ ಹಾಡಿ, ಕುಣ್ಣಿದ ಪೊಲೀಸರು

Published

on

ಮಡಿಕೇರಿ: ಕೊಲೆ, ಕಳ್ಳತನ, ದರೋಡೆ, ಟ್ರಾಫಿಕ್ ಕಂಟ್ರೊಲ್ ಅದು ಇದು ಅಂತ ದಿನ ಬೆಳಗಾದರೆ ಕಾನೂನು ಸುವ್ಯವಸ್ಥೆ, ಶಾಂತಿ ಕಾಪಾಡುವಕಲ್ಲಿ ಬ್ಯುಸಿಯಾಗಿರುತ್ತಿದ್ದ ಪೊಲೀಸರು ಕ್ರೀಡಾಕೂಟದಲ್ಲಿ ಭಾಗವಹಿಸಿ ಕುಣಿದು ಕುಪ್ಪಳಿಸಿದ್ದಾರೆ.

ಮಡಿಕೇರಿಯಲ್ಲಿ ಕಳೆದ ಮೂರು ದಿನಗಳಿಂದ ಕೊಡಗು ಜಿಲ್ಲಾ ಪೊಲೀಸರ ವಾರ್ಷಿಕ ಕ್ರೀಡಾಕೂಟವು ನಡೆಯಿತು. ಜಿಲ್ಲೆಯ ವಿವಿಧ ಭಾಗಗಳಿಂದ ಬಂದಿದ್ದ ನೂರಾರು ಪೊಲೀಸ್ ಸಿಬ್ಬಂದಿ ಹಾಗೂ ಅಧಿಕಾರಿಗಳು ಕ್ರೀಡಾಕೂಟದಲ್ಲಿ ಭಾಗವಹಿಸಿದರು. ಆಟದಲ್ಲಿ ಗೆಲುವು ಸಾಧಿಸಿದರೂ ಸೋತರೂ ಸ್ಪರ್ಧಾ ಮನೋಭಾವದಿಂದ ಎಲ್ಲವನ್ನೂ ಸಂಭ್ರಮಿಸಿದರು.

ಕೆಲ ಪೊಲೀಸರು ತಮ್ಮ ಪ್ರತಿಭೆ, ಸಾಮಥ್ರ್ಯವನ್ನು ಹೊರಹಾಕಿದರು. ಈ ವೇಳೆ ಕುಟುಂಬಸ್ಥರು ಹಾಗೂ ಪ್ರೇಕ್ಷಕರು ಪೊಲೀಸರನ್ನು ಹುರುದುಂಬಿಸಿದರು. ಮಡಿಕೇರಿಯ ಪೊಲೀಸ್ ಮೈದಾನದಲ್ಲಿ ನಡೆದ ಕ್ರೀಡಾಕೂಟದಲ್ಲಿ ಕಬಡ್ಡಿ, ವಾಲಿಬಾಲ್, ರನ್ನಿಂಗ್ ರೇಸ್, ಜಂಪಿಂಗ್, ಸಾಂಸ್ಕೃತಿಕ ಕಾರ್ಯಕ್ರಮ ಸೇರಿದಂತೆ ವಿವಿಧ ಕ್ರೀಡೆಗಳ ನಡೆದವು.

ಕಳೆದ ಮೂರು ದಿನಗಳಿಂದ ನಡೆದ ಕ್ರೀಡಾಕೂಟದಲ್ಲಿ ಪೊಲೀಸ್ ಇಲಾಖೆಯ ಅಧಿಕಾರಿಗಳು, ಪೊಲೀಸ್ ಪೇದೆಗಳು ಒಟ್ಟಾಗಿ ಸೇರಿ ಕ್ರೀಡಾ ಪ್ರೇಮ ಮೆರೆದರು. ಅಷ್ಟೇ ಅಲ್ಲದೆ ಆಟದ ಜೊತೆ ಜೊತೆಗೆ ಕುಣಿದು, ನಲಿದರು. ಈ ವೇಳೆ ತಮ್ಮ ಜೊತೆಗೆ ಬಂದಿದ್ದ ಪತ್ನಿ ಹಾಗೂ ಮಕ್ಕಳೊಂದಿಗೆ ಸಂಭ್ರಮಿಸಿದರು.

Click to comment

Leave a Reply

Your email address will not be published. Required fields are marked *