ಬೆಂಗಳೂರು: ಬಿಗ್ ಬಾಸ್ ಸ್ಪರ್ಧಿ ಕಿಶನ್ ನನಗೆ 15 ಹುಡುಗಿಯರು ಬೇಕು. ನಾನು ಅವರಿಗೆ ಸಾವಿರ ಮುತ್ತು ಕೊಡಬೇಕು ಹಾಗೂ ಅವರು ಕೊಡಬೇಕು ಎಂದು ಹೇಳಿದ್ದಾರೆ.
ಬಿಗ್ ಬಾಸ್ ಸ್ಪರ್ಧಿಗಳನ್ನು ತಂಡಗಳನ್ನು ಮಾಡಿ ಟಾಸ್ಕ್ ನೀಡಿದ್ದರು. ಒಂದು ತಂಡದ ಕ್ಯಾಪ್ಟನ್ ಕಿಶನ್ ಆದರೆ, ಮತ್ತೊಂದು ತಂಡಕ್ಕೆ ಶೈನ್ ಶೆಟ್ಟಿ ನಾಯಕರಾಗಿದ್ದಾರೆ. ಮಂಗಳವಾರ ಬಿಗ್ ಬಾಸ್ ಮನೆಯ ಮಂದಿಗೆ ‘ಬಿಗ್ ಬಾಸ್ ಟ್ರಾನ್ಸ್ ಪೋರ್ಟ್’ ಎಂಬ ಟಾಸ್ಕ್ ನೀಡಿದ್ದರು. ಈ ಟಾಸ್ಕ್ ನಡುವೆ ಕಿಶನ್ ಹಾಗೂ ಅವರ ತಂಡದವರು ಕುಳಿತು ಮಾತನಾಡುತ್ತಿರುತ್ತಾರೆ. ಈ ವೇಳೆ ಕಿಶನ್ ನನಗೆ 15 ಹುಡುಗಿಯರು ಬೇಕು, ಸಾವಿರ ಮುತ್ತು ಕೊಡಬೇಕು ಎಂದು ಹೇಳಿದ್ದಾರೆ.
ಪ್ರಿಯಾಂಕಾ, ಕಿಶನ್ ಹಾಗೂ ಚಂದನ್ ಕುಳಿತು ಮಾತನಾಡುತ್ತಿರುತ್ತಾರೆ. ಈ ವೇಳೆ ಕಿಶನ್, ‘ಅನಾಥ ಮಗುವಾದೆ ನಾನು ಪ್ರೀತಿಯೂ, ಹುಡುಗಿಯೂ ಇಲ್ಲ, ಕಾಯಿನೂ ಗೋಣಿಚೀಲನೂ ಇಲ್ಲ, ಏನೂ ಮಾಡಕ್ಕೂ ಇಲ್ಲ’ ಎಂದು ಹಾಡು ಹೇಳುತ್ತಿರುತ್ತಾರೆ. ಇದನ್ನು ಕೇಳಿದ ಹರೀಶ್ ನಿನಗೆ ಏನೂ ಬೇಕು ಹೇಳು ನಾನು ಕೊಡುತ್ತೇನೆ ಎಂದರು. ಆಗ ಕಿಶನ್ ನನಗೆ 15 ಹುಡುಗಿಯರು ಬೇಕು, ಅವರಿಗೆ ನಾನು ಸಾವಿರ ಮುತ್ತು ಕೊಡಬೇಕು ಹಾಗೂ ಅವರು ಕೂಡ ನನಗೆ ಮುತ್ತು ಕೊಡಬೇಕು. ಆಗ ನಾನು ಸಂತೋಷವಾಗಿರುತ್ತೇನೆ ಎಂದು ಹೇಳಿದ್ದಾರೆ.
ಕಿಶನ್ ಮಾತು ಕೇಳಿ ಹರೀಶ್ ನೀವು ಈಗ ಟಾಸ್ಕ್ ಆಡಲು ಬನ್ನಿ ಎಂದು ಹೇಳಿದ್ದಾರೆ. ಪಕ್ಕದಲ್ಲೇ ಇದ್ದ ಚಂದನ್ ನಮಗೆಲ್ಲಾ ಟಾಸ್ಕ್ ಚಿಂತೆ ಆದರೆ ನಮ್ಮ ಕ್ಯಾಪ್ಟನ್ಗೆ ಬೇರೆಯೇ ಚಿಂತೆ ಆಗಿದೆ. ಟಾಸ್ಕ್ ಕಡೆ ಗಮನ ಕೊಡಿ ಎಂದು ಹೇಳಿದ್ದಾರೆ. ಈ ಸಂಚಿಕೆ ವಾಹಿನಿಯಲ್ಲಿ ಪ್ರಸಾರವಾಗಿಲ್ಲ ಬದಲಾಗಿ ಅನ್ಸೀನ್ನಲ್ಲಿ ಪ್ರಸಾರವಾಗಿದೆ.
ಈಗಾಗಲೇ ಕಿಶನ್ಗೆ ಕಿಸ್ಸಿಂಗ್ ಸ್ಟಾರ್ ಎಂಬ ಬಿರುದು ಸಿಕ್ಕಿದೆ. ಇತ್ತೀಚೆಗೆ ದೀಪಿಕಾ ದಾಸ್ ಅವರನ್ನು ನಿರಂತರವಾಗಿ ತಬ್ಬಿಕೊಂಡು ಹಗ್ಗಿಂಗ್ ಸ್ಟಾರ್ ಎಂಬ ಬಿರುದನ್ನು ಸಹ ಪಡೆದುಕೊಂಡಿದ್ದಾರೆ.
