ಬೆಂಗಳೂರು: ರಿಯಾಲಿಟಿ ಶೋ ‘ಬಿಗ್‍ಬಾಸ್ ಸೀಸನ್ 7’ ರಲ್ಲಿ ಒಂದು ಸಿನಿಮಾ ಮಾಡಿದರೆ, ಹೀರೋ ಆಗಿ ಶೈನ್ ಆಯ್ಕೆಯಾಗಿದ್ದಾರೆ. ಇನ್ನೂ ಅದೇ ಸಿನಿಮಾಗೆ ವಿಲನ್ ಆಗಿ ಡ್ಯಾನ್ಸರ್ ಕಿಶನ್ ಆಯ್ಕೆಯಾಗಿದ್ದಾರೆ.
ಬಿಗ್‍ಬಾಸ್ ಈ ವಾರ ಸ್ಪರ್ಧಿಗಳಿಗೆ ಒಂದು ಗೇಮ್ ಕೊಟ್ಟಿದ್ದಾರೆ. ಅದೇನೆಂದರೆ ಮನೆಯ ಲಿವಿಂಗ್ ಏರಿಯಾದಲ್ಲಿ ಒಂದು ಬಜಾರ್ ಇಡಲಾಗಿದೆ. ಬಿಗ್‍ಬಾಸ್ ಸೈರನ್ ಮಾಡಿದ ತಕ್ಷಣ ಯಾರು ಮೊದಲು ಆ ಬಜಾರ್ ಒತ್ತುತ್ತಾರೋ ಅವರಿಗೆ ಬಿಗ್‍ಬಾಸ್ ಒಂದು ಚಟುವಟಿಕೆ ಕೊಡುತ್ತಾರೆ. ಆ ಸ್ಪರ್ಧಿ ಬಿಗ್‍ಬಾಸ್ ನೀಡುವ ಚಟುವಟಿಕೆಯನ್ನು ಮುಗಿಸಿ, ಮನೆಯ ಇತರೆ ಸ್ಪರ್ಧಿಗಳಲ್ಲಿ ಐದು ಸ್ಪರ್ಧಿಗಳು ಲೈಕ್ ಕೊಡಬೇಕು. ಹಾಗೇ ಮಾಡಿದರೆ ಅವರಿಗೆ 100 ಪಾಯಿಂಟ್ಸ್ ಸಿಗುತ್ತದೆ.
ಗುರುವಾರದ ಸಂಚಿಕೆಯಲ್ಲಿ ಚಂದನಾ ಬಜಾರ್ ಒತ್ತಿದ್ದರು. ಅವರಿಗೆ ಬಿಗ್‍ಬಾಸ್ ಒಂದು ಚಟುವಟಿಕೆ ಕೊಟ್ಟಿದ್ದರು. ಅದೇನಂದರೆ ಇಷ್ಟು ದಿನ ಬಿಗ್‍ಬಾಸ್ ಪ್ರಯಾಣದಲ್ಲಿ ಎಲ್ಲಾ ಸ್ಪರ್ಧಿಗಳನ್ನು ನೋಡಿದ್ದೀರಿ. ಹೀಗಾಗಿ ಒಂದು ಸಿನಿಮಾ ಮಾಡಿದರೆ ಯಾರಿಗೆ ಯಾವ ಪಾತ್ರ ಕೊಡುತ್ತೀರ ಅಂತಾ ಕಾರಣ ಸಹಿತ ವಿವರಿಸಬೇಕು ಎಂದು ಕೊಡಲಾಗಿತ್ತು. ಆಗ ಚಂದನಾ, ದೀಪಿಕಾ ಅವರು ತುಂಬಾ ಚೆನ್ನಾಗಿ ಡ್ರೆಸ್ ಮಾಡಿಕೊಳ್ಳುತ್ತಾರೆ ಎಂದು ಅವರಿಗೆ ಹೀರೋಯಿನ್ ಪಾತ್ರಕ್ಕೆ ಆಯ್ಕೆ ಮಾಡಿದ್ದರು. ಇನ್ನೂ ಹೀರೋ ಆಗಿ ಶೈನ್‍ರನ್ನು ಆಯ್ಕೆ ಮಾಡಿದ್ದಾರೆ.
ಹೀರೋ ಸ್ನೇಹಿತನಾಗಿ ವಾಸುಕಿ ವೈಭವ್, ಹೀರೋಯಿನ್ ಸಹೋದರಿಯಾಗಿ ಪ್ರಿಯಾಂಕಾ, ಕಾಮಿಡಿಯನ್ ಆಗಿ ಕುರಿ ಪ್ರತಾಪ್, ಜ್ಯೂನಿಯರ್ ಆರ್ಟಿಸ್ಟ್ ಆಗಿ ಚಂದನ್ ಆಚಾರ್, ಅಮ್ಮನ ರೀತಿ ಕೇರ್ ಮಾಡುತ್ತಾರೆ ಎಂದು ಅಮ್ಮನ ಪಾತ್ರಕ್ಕೆ ಭೂಮಿ ಶೆಟ್ಟಿ, ಅತಿಥಿ ಪಾತ್ರಕ್ಕೆ ಹರೀಶ್ ರಾಜ್ ಮತ್ತು ವಿಲನ್ ಪಾತ್ರಕ್ಕೆ ಕಿಶನ್ ಅವರನ್ನು ಆಯ್ಕೆ ಮಾಡಿದ್ದಾರೆ. ಈ ರೀತಿ ಪ್ರತಿಯೊಬ್ಬರಿಗೂ ಒಂದೊಂದು ಕ್ಯಾರೆಕ್ಟರ್ ಕೊಟ್ಟಿದ್ದಾರೆ. ಸ್ಪರ್ಧಿಗಳಿಗೆ ತಮ್ಮ ಪಾತ್ರ ಇಷ್ಟವಾಗಿದ್ದು, ಎಂಟು ಮಂದಿ ಲೈಕ್ಸ್ ಕೊಟ್ಟಿದ್ದಾರೆ. ಹೀಗಾಗಿ ಬಿಗ್‍ಬಾಸ್ ನೀಡಿದ್ದ ಗೇಮಿನಲ್ಲಿ ಗೆದ್ದು ಚಂದನಾ 100 ಪಾಯಿಂಟ್ಸ್ ಪಡೆದುಕೊಂಡಿದ್ದಾರೆ.
