ನವದೆಹಲಿ: ದಕ್ಷಿಣ ಆಫ್ರಿಕಾದಲ್ಲಿ ಮಹಿಳೆ ಮೇಲಿನ ಲೈಂಗಿಕ ದೌರ್ಜನ್ಯ ಸೇರಿದಂತೆ ಅಪರಾಧ ಪ್ರಕರಣಗಳ ಸಂಖ್ಯೆ ಹೆಚ್ಚುತ್ತಿದೆ. ಅಧಿಕೃತ ಅಂಕಿ-ಅಂಶಗಳ ಪ್ರಕಾರ ಪ್ರತಿದಿನ 110 ಅತ್ಯಾಚಾರ ಪ್ರಕರಣಗಳನ್ನು ದಾಖಲಾಗುತ್ತಿವೆ. ಹೀಗಾಗಿ ಯುವತಿಯರಿಗಾಗಿ ಕೆಲವು ದತ್ತಿ ಮತ್ತು ಎನ್ಜಿಒಗಳು ಸ್ವಯಂ-ರಕ್ಷಣಾ ಮತ್ತು ಅತ್ಯಾಚಾರದಿಂದ ತಪ್ಪಿಸಿಕೊಳ್ಳುವುದು ಹೇಗೆ ಎಂಬ ಪಾಠಗಳನ್ನು ನೀಡಲು ನಿರ್ಧರಿಸಿದೆ.
ದಕ್ಷಿಣ ಆಫ್ರಿಕಾದ ಸೊವೆಟೊ ಟೌನ್ಷಿಪ್ನ ಶಾಲೆಯೊಂದರಲ್ಲಿ ಬಾಲಕಿಯರಿಗೆ ಸ್ವಯಂ ರಕ್ಷಣೆಯ ಪಾಠ ಹೇಳಿಕೊಡಲಾಗುತ್ತಿದೆ. ತರಬೇತುದಾರರಾದ ಡಿಮಕಾಟ್ಸೊ ಮೊನೊಕೊಲಿ ಅವರು ಸೊಂಟಕ್ಕೆ ಪ್ಯಾಡ್ ಕಟ್ಟಿಕೊಂಡು ಅತ್ಯಾಚಾರ ಎದುರಾದಾಗ ಮಹಿಳೆಯರು, ಯುವತಿಯರು ಅತ್ಯಾಚಾರಿಗಳ ಮಾರ್ಮಾಂಗಕ್ಕೆ ಒದ್ದು, ಜೋರಾಗಿ ಕೂಗಿ ಎಂಬ ಸ್ವಯಂ ರಕ್ಷಣಾ ಪಾಠವನ್ನು ಬೋದಿಸುತ್ತಿದ್ದಾರೆ.
ಸಾಮಾನ್ಯವಾಗಿ ಮಹಿಳೆರು ತಮ್ಮನ್ನು ತಾವು ರಕ್ಷಿಸಿಕೊಳ್ಳಲು ಹೇಗೆ ಎಂಬ ತರಬೇತಿ ನೀಡುವುದರ ಜೊತೆಗೆ, ಮೊನೊಕೊಲಿ ಅವರು ತೊಂದರೆಗೊಳಗಾಗಿರುವ ಪರಿಸ್ಥಿತಿಗಳಿಗೆ ಹೇಗೆ ಪ್ರತಿಕ್ರಿಯಿಸಬಹುದು ಎಂಬುದನ್ನು ಕೂಡಾ ಕಲಿಸುತ್ತಾರೆ. ಯುವತಿಯರಿಗೆ ಮತ್ತೊಂದು ಸಲಹೆ ನೀಡಿದ್ದು, ನಿಮ್ಮ ಮೇಲೆ ದಾಳಿ ಮಾಡಿದಾಗ ನಿಮಗೆ ಎಷ್ಟು ಸಾಧ್ಯವೋ ಅಷ್ಟು ಜೋರಾಗಿ ಕಿರುಚಿಕೊಳ್ಳಿ ಎಂದು ಹೇಳಿದ್ದಾರೆ.
ದಕ್ಷಿಣ ಆಫ್ರಿಕಾದ ಚಾರಿಟಿಯ ಆಕ್ಷನ್ ಬ್ರೇಕ್ಸ್ ಸೈಲೆನ್ಸ್ (ಎಬಿಎಸ್)ನ ಸಹಯೋಗದೊಂದಿಗೆ ಮೊನೊಕೊಲಿ ಅವರು ಶಾಲೆಗಳಲ್ಲಿ ಸಹಭಾಗಿತ್ವದಿಂದ ಯುವತಿಯರಿಗೆ ಸ್ವರಕ್ಷಣೆ ಪಾಠವನ್ನು ಕಲಿಸಲಾಗುತ್ತಿದೆ. ಅಷ್ಟೇ ಅಲ್ಲದೇ ‘ಹೀರೋ ಎಂಪಥಿ’ ಎಂಬ ಕಾರ್ಯಕ್ರಮದ ಮೂಲಕ ಯುವಕರಿಗೆ ಹಿಂಸಾತ್ಮಕ ನಡವಳಿಕೆಯನ್ನು ಗುರುತಿಸಲು ಅವುಗಳ ವಿರುದ್ಧ ಹೋರಾಡುವುದು ಹೇಗೆ ಎಂಬ ಶಿಕ್ಷಣ ನೀಡುವ ಗುರಿಯನ್ನು ಸಹ ಹೊಂದಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv