ಬೆಂಗಳೂರು: ಕೆಜಿಎಫ್ ಚಿತ್ರದ ಟ್ರೈಲರ್ ಅಬ್ಬರ ಕಂಡು ಬಾಲಿವುಡ್ ಮಂದಿಯೂ ಬೆರಗಾಗುವಂತಾಗಿದೆ. ಈ ಟ್ರೈಲರ್ ಬಿಡುಗಡೆಯಾಗಿ ಗಂಟೆ ಕಳೆಯೋದರೊಳಗೆ ಮಾಡಿರೋ ದಾಖಲೆ, ಹುಟ್ಟಿಕೊಂಡಿರೋ ಕ್ರೇಜ್ ದೊಡ್ಡ ಮಟ್ಟದ ಗೆಲುವನ್ನು ಖಾತರಿಯಾಗಿಸಿದೆ. ಈ ಮೂಲಕ ಕನ್ನಡ ಚಿತ್ರವೊಂದು ದಕ್ಷಿಣ ಭಾರತೀಯ ಚಿತ್ರರಂಗದ ಗರಿಮೆಯನ್ನು ಬಾಲಿವುಡ್ಡನ್ನೂ ಮೀರಿಸಿ ಮಿರುಗಿಸಿದೆ. ಇದೇ ಅಲೆಯಲ್ಲಿ ಕೆಜಿಎಫ್ ಬಗ್ಗೆ ಸ್ಯಾಂಡಲ್ವುಡ್ ನಲ್ಲಿ ಸಂಚಲನ ಸೃಷ್ಟಿಯಾಗದಿರುತ್ತದಾ?
ಕೆಜಿಎಫ್ ಚಿತ್ರದ ಜಬರ್ದಸ್ತ್ ಟ್ರೈಲರ್ ಕಂಡು ಕಿಚ್ಚ ಸುದೀಪ್ ಕೂಡಾ ಥ್ರಿಲ್ ಆಗಿದ್ದಾರೆ. ಈ ಬಗ್ಗೆ ಮನಸಾರೆ ಹೊಗಳಿಕೆಯ ಮಾತಾಡಿ ಚಿತ್ರಕ್ಕೆ ಶುಭ ಕೋರಿದ್ದಾರೆ. ಈ ಟ್ರೈಲರ್ ಲಾವಾರಸ ಉಕ್ಕಿ ಬಂದಂತಿಂದೆ ಎಂದಿರೋ ಕಿಚ್ಚ ಸುದೀಪ್, ನಿರ್ದೇಶಕ ಪ್ರಶಾಂತ್ ರಾಜ್ ಈ ಚಿತ್ರವನ್ನು ಬೇರೆಯದ್ದೇ ಹಂತಕ್ಕೆ ಕೊಂಡೊಯ್ದಿದ್ದಾರೆ ಅಂದಿದ್ದಾರೆ. ಒಟ್ಟಾರೆಯಾಗಿ ಯಶ್ ಲುಕ್ಕಿಗೆ ಫಿದಾ ಆಗಿರೋದಾಗಿಯೂ ಟ್ವಿಟ್ಟರ್ ಮೂಲಕ ಬರೆದುಕೊಂಡಿದ್ದಾರೆ.
ಎಲ್ಲ ಸ್ಟಾರ್ ವಾರ್ ಮುಂತಾದವುಗಳಾಚೆಗೆ ಕೆಜಿಎಫ್ ಚಿತ್ರದ ಟ್ರೈಲರ್ ಬಗ್ಗೆ ವ್ಯಾಪಕ ಮೆಚ್ಚುಗೆಯೇ ಕೇಳಿ ಬರುತ್ತಿದೆ. ಇದನ್ನು ಕನ್ನಡದ ಹಿರಿಮೆ ಎಂದೇ ಪ್ರೇಕ್ಷಕರು ಭಾವಿಸಿದ್ದಾರೆ. ಆ ಮನೋಭಾವವೇ ಕೆಜಿಎಫ್ ಟ್ರೈಲರ್ ವೀಕ್ಷಕರ ಸಂಖ್ಯೆ ಜ್ವರದಂತೆ ಏರಿಕೊಳ್ಳಲು ಪ್ರೇರೇಪಣೆ ನೀಡಿದಂತಿದೆ. ಸದ್ಯ ಕೆಜಿಎಫ್ ಚಿತ್ರ 9 ಗಂಟೆಯಲ್ಲಿ 38 ಲಕ್ಷ ವೀವ್ಸ್ ಕನ್ನಡದಲ್ಲೇ ಬಂದಿದೆ. ಎಲ್ಲಾ ಭಾಷೆಗಳ ಟ್ರೈಲರ್ ಲೆಕ್ಕ ಹಾಕಿದರೆ ರಾತ್ರಿ 12 ಗಂಟೆ ವೇಳೆಗೆ 65 ಲಕ್ಷ ವೀವ್ಸ್ ದಾಟಿದೆ.
Seems like a valcano about to erupt. My best wshs to th team of #KGF .
Hats of to Prashanth for his mind boggling vision. He along with team has taken it to another level… Yash looks splendid. Kudos to @hombalefilms for their passion. https://t.co/OV0VtFHLTd
— Kichcha Sudeepa (@KicchaSudeep) November 9, 2018
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
ಪಬ್ಲಿಕ್ ಟಿವಿ ಆಪ್ ಡೌನ್ ಲೋಡ್ ಮಾಡಿ: play.google.com/publictv
ಯೂ ಟ್ಯೂಬ್ನಲ್ಲಿ ಪಬ್ಲಿಕ್ ಟಿವಿಯನ್ನು ಸಬ್ ಸ್ಕ್ರೈಬ್ ಮಾಡಿ: youtube.com/publictvnewskannada
ಫೇಸ್ಬುಕ್ನಲ್ಲಿ ಪಬ್ಲಿಕ್ ಟಿವಿಯನ್ನು ಲೈಕ್ ಮಾಡಿ: facebook.com/publictv
ಟ್ವಿಟ್ಟರ್ನಲ್ಲಿ ಪಬ್ಲಿಕ್ ಟಿವಿಯನ್ನು ಫಾಲೋ ಮಾಡಿ: twitter.com/publictvnews
