ದಕ್ಷಿಣ ಆಫ್ರಿಕಾ ಕ್ರಿಕೆಟ್ ಆಟಗಾರರ ಜೊತೆ ದುಬೈಗೆ ತೆರಳಿದ ಕಿಚ್ಚ

ಬೆಂಗಳೂರು: ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರು ದಕ್ಷಿಣ ಆಫ್ರಿಕಾ ಕ್ರಿಕೆಟ್ ಆಟಗಾರರ ಜೊತೆ ದುಬೈಗೆ ತೆರೆಳಿದ್ದಾರೆ.

ಸುದೀಪ್ ‘ಕೋಟಿಗೊಬ್ಬ-3’ ಚಿತ್ರದ ಶೂಟಿಂಗ್‍ಗಾಗಿ ಪೊಲೆಂಡಿನ ವಾರ್ಸಾದಲ್ಲಿ ಇರುವ ತಮ್ಮ ಚಿತ್ರತಂಡದೊಂದಿಗೆ ಸೇರಲು ತೆರಳುತ್ತಿದ್ದರು. ಈ ವೇಳೆ ಸುದೀಪ್ ಅವರು ಪ್ರಯಾಣಿಸುತ್ತಿದ್ದ ವಿಮಾನದಲ್ಲೇ ದಕ್ಷಿಣ ಆಫ್ರಿಕಾ ಕ್ರಿಕೆಟ್ ತಂಡದ ಕೆಲ ಆಟಗಾರರು ಕೂಡ ಪ್ರಯಾಣ ಬೆಳೆಸುತ್ತಿದ್ದರು. ಸುದೀಪ್ ಆಟಗಾರರನ್ನು ನೋಡುತ್ತಿದ್ದಂತೆಯೇ ಅವರನ್ನು ಭೇಟಿ ಮಾಡಿದ್ದಾರೆ.

ತಮ್ಮ ಟ್ವಿಟ್ಟರಿನಲ್ಲಿ ಸುದೀಪ್ ಅವರು ದಕ್ಷಿಣ ಆಫ್ರಿಕಾ ಆಟಗಾರ ತಬ್ರೇಜ್ ಶಮ್ಸಿ ಅವರೊಂದಿಗೆ ಕ್ಲಿಕ್ಕಿಸಿಕೊಂಡ ಫೋಟೋವನ್ನು ಟ್ವೀಟ್ ಮಾಡಿದ್ದಾರೆ. ಅಲ್ಲದೆ, “ಅವರು ಬೇರೆ ಕಡೆ ಹೊರಟ್ಟಿದ್ದಾರೆ. ನಾನು ಕೋಟಿಗೊಬ್ಬ-3 ಸಿನಿಮಾ ಸೀಕ್ವೆನ್ಸ್ ಶೂಟಿಂಗ್‍ಗಾಗಿ ವಾರ್ಸಾಗೆ ಹೊರಟ್ಟಿದ್ದೇನೆ. ಸದ್ಯ ಚಿತ್ರದ ಮೊದಲ ಅರ್ಧ ಶೂಟಿಂಗ್ ಬೆಲ್‍ಗ್ರೆಡ್‍ನಲ್ಲಿ ನಡೆದಿತ್ತು” ಎಂದು ಟ್ವೀಟ್ ಮಾಡಿದ್ದಾರೆ.

It was nice to see the south African team on the same flt to Dubai… They head elsewhere and me to Warsaw,,, to join K3 team for a chase sequence,, 1st one was shot at Belgrade. pic.twitter.com/NDUMwIbN0c

— Kichcha Sudeepa (@KicchaSudeep) September 23, 2019

ಮತ್ತೊಂದು ಟ್ವೀಟ್‍ನಲ್ಲಿ ಸುದೀಪ್ ಅವರು, “ತಬ್ರೇಜ್ ಶಮ್ಸಿ ನಿಮ್ಮನ್ನು ಹಾಗೂ ನಿಮ್ಮ ತಂಡವನ್ನು ಭೇಟಿ ಮಾಡಿ ಖುಷಿಯಾಯಿತು. ಮಾಜಿ ಆಟಗಾರ, ಕೋಚ್ ಲ್ಯಾನ್ಸ್ ಕ್ಲುಸೆನರ್ ಅವರಿಗೆ ನನ್ನ ಹಲೋ ತಿಳಿಸಿ. ಕಳೆದ ವರ್ಷ ಕರ್ನಾಟಕ ಸೆಲೆಬ್ರಿಟಿ ಕ್ರಿಕೆಟ್ ಲೀಗ್ ಟಿ10ನಲ್ಲಿ ಲ್ಯಾನ್ಸ್ ಕ್ಲುಸೆನರ್ ಅವರು ಭಾಗವಹಿಸಿದ್ದು ಖುಷಿಯಾಯಿತು. ನಿಮ್ಮ ಮುಂದಿನ ಎಲ್ಲ ಪಂದ್ಯಕ್ಕೆ ಶುಭಾಶಯ” ಎಂದು ಬರೆದುಕೊಂಡಿದ್ದಾರೆ.

Nice meeting u @shamsi90 sir,, n ur team. Pls convey my big hello to Lance Klusner sir, very sweet of him to have participated in KCC T10 last year. Have a wonderful flt and my best wshs for ur future matches.
????????✨Cheers.

— Kichcha Sudeepa (@KicchaSudeep) September 23, 2019

ಕೋಟಿಗೊಬ್ಬ-3 ಸಿನಿಮಾ ತಂಡದೊಂದಿಗೆ ಸುದೀಪ್ ಈಗ ಸೇರಿಕೊಂಡಿದ್ದು, ಸದ್ಯ ಶೂಟಿಂಗ್‍ನಲ್ಲಿ ಅವರು ಬ್ಯುಸಿಯಾಗಿದ್ದಾರೆ. ಈ ಚಿತ್ರದಲ್ಲಿ ಕಲಾವಿದರಾದ ಅಫ್‍ತಾಬ್ ಶಿವದಾಸಾನಿ, ಮಡೋನ್ನ ಸೆಬಾಸ್ಟಿಯನ್, ನವಾಬ್ ಶಾ, ಶ್ರದ್ಧಾದಾಸ್ ಅವರು ನಟಿಸುತ್ತಿದಾರೆ. ಸೂರಪ್ಪ ಬಾಬು ನಿರ್ಮಾಣದ ಕೋಟಿಗೊಬ್ಬ 3 ಸಿನಿಮಾವನ್ನು ಶಿವ ಕಾರ್ತಿಕ್ ನಿರ್ದೇಶನ ಮಾಡುತ್ತಿದ್ದಾರೆ.