ಬೆಂಗಳೂರು: ಬರೋಬ್ಬರಿ ಆರು ವರ್ಷದ ಬಳಿಕ ಸ್ಯಾಂಡಲ್‍ವುಡ್ ಸ್ಟಾರ್ ನಟರಾದ ಕಿಚ್ಚ ಸುದೀಪ್ (Kichcha Sudeepa) ಹಾಗೂ ಚಾಲೆಂಜಿಂಗ್ ಸ್ಟಾರ್ ದರ್ಶನ್ (Darshan) ಮುಖಾಮುಖಿಯಾಗಿದ್ದಾರೆ.
Advertisement
ಹೌದು. ಶನಿವಾರ ಖಾಸಗಿ ಹೋಟೆಲ್‍ನಲ್ಲಿ ಸುಮಲತಾ (Sumalatha Ambareesh) ಹುಟ್ಟುಹುಬ್ಬದ ಪಾರ್ಟಿ (Birthday Party) ನಡೆದಿತ್ತು. ಈ ಕಾರ್ಯಕ್ರಮದಲ್ಲಿ ದರ್ಶನ್-ಸುದೀಪ್ ಕಾಣಿಸಿಕೊಂಡಿದ್ದಾರೆ. ಈ ಮೂಲಕ 6 ವರ್ಷಗಳ ಮುನಿಸಿಗೆ ಬ್ರೇಕ್ ಬೀಳುತ್ತಾ..?, ದಚ್ಚು-ಕಿಚ್ಚ ಮನಸ್ತಾಪಕ್ಕೆ ಸುಮಲತಾ ತೆರೆ ಎಳೆದ್ರಾ ಎಂಬ ಪ್ರಶ್ನೆ ಎದ್ದಿದೆ.
Advertisement
Advertisement
ಸುದೀಪ್ ಹಾಗೂ ದರ್ಶನ್ ಮುಖಾಮುಖಿಯಾದರೂ ಮಾತುಕತೆ ನಡೆದಿಲ್ಲ ಎನ್ನಲಾಗಿದೆ. ಒಬ್ಬರನ್ನು ಒಬ್ಬರು ನೋಡಿ ಬರೀ ಮುಗುಳ್ನಕ್ಕು ಸುಮ್ಮನಾಗಿದ್ದಾರೆ. ಇಬ್ಬರನ್ನೂ ಒಂದು ಮಾಡಲು ಸುಮಲತಾ ಪ್ರಯತ್ನಿಸ್ತಿದ್ದು, ಅಂಬಿ ಬಳಿಕ ಸುಮಲತಾ ಮಾತನ್ನು ಕಿಚ್ಚ-ದಚ್ಚು ಅಲ್ಲಗಳೆಯಲಿಲ್ಲ. ತಡರಾತ್ರಿ 3 ಗಂಟೆಯವರೆಗೂ ಇಬ್ಬರೂ ನಟರು ಪಾರ್ಟಿಯಲ್ಲಿದ್ದರು. ಹೀಗಾಗಿ ಸುಮಲತಾ ಇವರಿಬ್ಬರನ್ನು ಒಂದು ಮಾಡಿದ್ದಾರೆ ಅನ್ನೋ ಮಾತುಗಳು ಕೇಳಿಬರುತ್ತಿದೆ.
Advertisement
6 ವರ್ಷದ ಹಿಂದೆ ಸುದೀಪ್ ನನ್ನ ಸ್ನೇಹಿತರಲ್ಲ ಎಂದು ದರ್ಶನ್ ಹೇಳಿದ್ದರು. ಇನ್ಮುಂದೆ ನಾನು ಸುದೀಪ್ ಸ್ನೇಹಿತರಲ್ಲ ಎಂದು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಾಕಿದ್ದರು. ಅದಾದ ಬಳಿಕ ಒಂದು ಬಾರಿಯೂ ಇಬ್ಬರೂ ಭೆಟಿಯಾಗಿರಲಿಲ್ಲ. ಆದರೆ ದಚ್ಚು ಪೋಸ್ಟ್ ಬಳಿಕವೂ ದರ್ಶನ್ ನನ್ನ ಸ್ನೇಹಿತ ಎಂದು ಕಿಚ್ಚ ಸುದೀಪ್ ಹೇಳಿದ್ದರು. ದರ್ಶನ್ ನನ್ನ ಸ್ನೇಹಿತ, ಈಗ ಇಲ್ಲ ಅಂದ್ರೆ ಆಗ ಸ್ನೇಹಿತ ಆಗಿರೋಕೆ ಹೇಗೆ ಸಾಧ್ಯ? ಒಂದು ಸ್ಥಾನ ಕೊಟ್ಮೇಲೆ ಸ್ನೇಹ ಕೊನೆಯವರೆಗೆ ಇರುತ್ತೆ ಎಂದಿದ್ದರು. ಇದೀಗ ಇಬ್ಬರ ಚಿಕ್ಕ, ಪುಟ್ಟ ಮನಸ್ತಾಪಕ್ಕೆ ಬ್ರೇಕ್ ಬೀಳುತ್ತಾ ಎಂಬ ಪ್ರಅಶ್ನೆ ಎದ್ದಿದೆ.
Web Stories
