ಕೆಜಿಎಫ್ ಗಾಗಿ ಕಾಯ್ತಿರೋ ಬಾಲಿವುಡ್ ನಟನಿಗೆ ರಾಕಿ ಉತ್ತರ

-ಕೆಜಿಎಫ್ ಬಿಡುಗಡೆಯ ಸುಳಿವು ನೀಡಿದ ಯಶ್

ಬೆಂಗಳೂರು: ಕೆಜಿಎಫ್ ಚಾಪ್ಟರ್ 2 ಸಿನಿಮಾಗಾಗಿ ಕಾಯುತ್ತಿರುವ ಬಾಲಿವುಡ್ ನಟ ಫರ್ಹಾನ್ ಅಖ್ತರ್ ಗೆ ರಾಕಿಬಾಯ್ ಯಶ್ ಉತ್ತರಿಸುವ ಮೂಲಕ ಚಿತ್ರದ ಬಿಡುಗಡೆಯ ಸುಳಿವು ನೀಡಿದ್ದಾರೆ.

ಚಂದನವನದ ಬಹುನಿರೀಕ್ಷಿತ ಸಿನಿಮಾ ಕೆಜಿಎಫ್ ಚಾಪ್ಟರ್ 2 ಸಿನಿಮಾಗಾಗಿ ಇಡೀ ಭಾರತೀಯ ಸಿನಿ ಲೋಕವೇ ತುದಿಗಾಲಲ್ಲಿ ನಿಂತು ಕಾಯುತ್ತಿದೆ. ಬಿಡುಗಡೆ ಮುನ್ನವೇ ಕೆಜಿಎಫ್-ಚಾಪ್ಟರ್ 2 ಬಾಲಿವುಡ್ ಅಂಗಳದಲ್ಲಿ ಸದ್ದು ಮಾಡುತ್ತಿದ್ದು, ನಟ ಫರ್ಹಾನ್ ಅಖ್ತರ್, ರಾಕಿಗಾಗಿ ಕಾಯುತ್ತಿದ್ದೇನೆ ಎಂದು ಟ್ವೀಟ್ ಮಾಡಿದ್ದಾರೆ.

#OrmaxCinematix Most-awaited Hindi films as on Feb 15, 2020 (main trailer not released yet): The upcoming film that 'Hindi' film audience are most excited about is not a Hindi language film but a Kannada film to be dubbed in Hindi pic.twitter.com/EUHpS4go8O

— Ormax Media (@OrmaxMedia) February 20, 2020

ಫರ್ಹಾನ್ ಅಖ್ತರ್ ಟ್ವೀಟಿಗೆ ಪ್ರತಿಕ್ರಿಯಿಸಿರುವ ರಾಮಾಚಾರಿ, ರಾಕಿಯ ಬಿರುಗಾಳಿ (ತೂಫಾನ್)ಶೀಘ್ರದಲ್ಲೇ ಬರಲಿದೆ ಎಂದು ಉತ್ತರಿಸಿದ್ದಾರೆ. ಫರ್ಹಾನ್ ಅಖ್ತರ್ ಬಹುನಿರೀಕ್ಷಿತ ಸಿನಿಮಾಗಳ ಪಟ್ಟಿಯ ಫೋಟೋ ಹಂಚಿಕೊಂಡಿದ್ದಾರೆ. ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿ ಕೆಜಿಎಫ್-ಚಾಪ್ಟರ್ 2 ಇದೆ. ಉಳಿದಂತೆ ಗೋಲ್‍ಮಾಲ್-5, ಬ್ರಹ್ಮಾಸ್ತ್ರ, ಸೂರ್ಯವಂಶಿ ಮತ್ತು ’83’ ಸಿನಿಮಾಗಳು ಕ್ರಮವಾಗಿ 2,3,4 ಹಾಗೂ 5ನೇ ಸ್ಥಾನದಲ್ಲಿವೆ. ಬಾಲಿವುಡ್ ಸ್ಟಾರ್ ನಟರ ಸಿನಿಮಾಗಳನ್ನು ಹಿಂದಿಕ್ಕಿರುವ ಕೆಜಿಎಫ್ ಮೊದಲ ಸ್ಥಾನದಲ್ಲಿದೆ.

@FarOutAkhtar, Rocky ka Toofan jald aa raha hai! #KGFChapter2

— Yash (@TheNameIsYash) February 21, 2020

ಸಿನಿಮಾದಲ್ಲಿ ಸಂಜಯ್ ದತ್ ಮತ್ತು ರವೀನಾ ಟಂಡನ್ ನಟಿಸಿದ್ದು, ಚಿತ್ರ ಪ್ರತಿದಿನ ಕುತೂಹಲವನ್ನ ಹುಟ್ಟು ಹಾಕುತ್ತಿದೆ. ಅಭಿಮಾನಿಗಳು ಸಹ ಕೆಜಿಎಫ್ ಅಂಗಳದಿಂದ ಬರೋ ವಿಷಯಗಳಿಗಾಗಿ ಕಾಯುತ್ತಿರುತ್ತಾರೆ.