ಭಾರತೀಯ ಚಿತ್ರರಂಗದಲ್ಲಿ ಹೊಸ ಇತಿಹಾಸ ಬರೆದ `ಕೆಜಿಎಫ್ 2′ ಚಿತ್ರ, ರಿಲೀಸ್ ಆಗಿ ಯಶಸ್ವಿ ಪ್ರದರ್ಶನ ಕಾಣ್ತಿದೆ. ರಾಕಿಭಾಯ್‌ನ ಅದ್ದೂರಿಯಾಗಿ ಸ್ವಾಗತಿಸಿದ್ದಾರೆ. `ಕೆಜಿಎಫ್ ಚಾಪ್ಟರ್ 2′ ಚಿತ್ರ ನೋಡಿ ಅಭಿಮಾನಿಗಳು ಅಪ್ಪಿ ಒಪ್ಪಿಕೊಂಡಿದ್ದಾರೆ. ಆದರೆ ಈ ಚಿತ್ರದ ಕಲೆಕ್ಷನ್ ಕೇಳಿದ್ರೆ ನೀವು ದಂಗಾಗ್ತಿರಾ. ಚಿತ್ರ ರಿಲೀಸ್ ಮೊದಲ ದಿನವೇ ರಾಕಿಭಾಯ್ ಚಿತ್ರ ಬಾಕ್ಸ್ ಆಫೀಸ್ ಲೂಟಿ ಮಾಡಿದೆ. ಹಿಂದಿ ಚಿತ್ರರಂಗದಲ್ಲೂ ರಾಕಿಭಾಯ್‌ದೇ ಹವಾ, ಈವರೆಗೂ ಮಾಡಿದ ಬೇರೇ ಎಲ್ಲ ಚಿತ್ರಗಳ ದಾಖಲೆ ಉಡೀಸ್ ಮಾಡಿದೆ.
`ಕೆಜಿಎಫ್ 2′ ಚಿತ್ರ ಅಭಿಮಾನಿಗಳ ಪಾಲಿಗೆ ಹಬ್ಬ ಎಂದೇ ಹೇಳಬಹುದು. ಕರ್ನಾಟಕ ಮಾತ್ರವಲ್ಲದೇ ಹಿಂದಿ ಚಿತ್ರರಂಗದಲ್ಲೂ ಕಲೆಕ್ಷನ್ ಜೋರಾಗಿದೆ ಅನ್ನೋದಕ್ಕೆ ಇಲ್ಲಿದೆ ಡಿಟೈಲ್ಸ್. ಈ ಹಿಂದೆ ರಿಲೀಸ್ ಆಗಿದ್ದ ಹೃತಿಕ್ ರೋಷನ್ ನಟನೆಯ `ವಾರ್’ ಚಿತ್ರ 49 ಕೋಟಿ ಗಳಿಸಿ ದಾಖಲೆ ಬ್ರೇಕ್ ಮಾಡಿತ್ತು. ಇದನ್ನೂ ಓದಿ: ‘BOSS’ ಪಟ್ಟ ಅಲಂಕರಿಸಿದ ಯಶ್ : ಟ್ವಿಟರ್ ಟ್ರೆಂಡಿಂಗ್ ನಲ್ಲಿ #YASHBOSS
ಅಮೀರ್ ಖಾನ್ ನಟನೆಯ `ಥಗ್ಸ್ ಆಫ್ ಹಿಂದೂಸ್ತಾನ್’ ಸಿನಿಮಾ 2ನೇ ಸ್ಥಾನದಲ್ಲಿತ್ತು. ಸಲ್ಮಾನ್ ಖಾನ್ ಅಭಿನಯದ `ಭಾರತ್’ ಸಿನಿಮಾ 3 ನೇ ಸ್ಥಾನ ಪಡೆದಿದ್ರೆ, ಬಾಹುಬಲಿ ಹಿಂದಿ ವರ್ಷನ್ 4ನೇ ಸ್ಥಾನ ಪಡೆದಿತ್ತು. ಇದನ್ನೂ ಓದಿ:ಬೀಸ್ಟ್ ಸಿನಿಮಾಕ್ಕೆ ಸೆಡ್ಡು ಹೊಡೆದ ಕೆಜಿಎಫ್-2 – ಕೇರಳ, ತಮಿಳುನಾಡಿನಲ್ಲೂ ರಾಕಿಭಾಯ್ ಹವಾ
ಬಾಲಿವುಡ್ ಘಟಾನುಘಟಿ ಸ್ಟಾರ್‌ಗಳ ಈ ಹಿಂದಿನ ಬಾಕ್ಸ್ ಆಫೀಸ್ ಕಲೆಕ್ಷನ್ ಬ್ರೇಕ್ ಮಾಡಿ. ಭಾರತದಲ್ಲೇ `ಕೆಜಿಎಫ್ ಚಾಪ್ಟರ್ 2′ ಮೊದಲ ದಿನ ಕಲೆಕ್ಷನ್ ಗಲ್ಲಾಪೆಟ್ಟಿಗೆಯಲ್ಲಿ ಸುಮಾರು 130 ಕೋಟಿ ಬಾಚಿದೆ. ಈ ಹಿಂದಿನ ಎಲ್ಲಾ ದಾಖಲೆ ರಾಕಿಭಾಯ್ ಚಿತ್ರ ಉಡೀಸ್ ಮಾಡಿದೆ. ಭಾರತದ ಎಲ್ಲಾ ರಾಜ್ಯಗಳಲ್ಲೂ `ಕೆಜಿಎಫ್ ಚಾಪ್ಟರ್ 2′ ಮೊದಲ ದಿನದ ಕೆಲೆಕ್ಷನ್ ನಲ್ಲಿ ನಂಬರ್ 1 ಸ್ಥಾನ ಗಿಟ್ಟಿಸಿಕೊಂಡಿದೆ. ಹಾಗೆಯೇ ವಿದೇಶಗಳಲ್ಲಿ ಕೂಡ ಭರ್ಜರಿ ಕಲೆಕ್ಷನ್ ಆಗಿದೆ. ಸದ್ಯ ಎಲ್ಲೆಲ್ಲೂ ಯಶ್ ಮೇನಿಯಾ ಜೋರಾಗಿದೆ.
