ಕೊನೆಗೂ `ಕೆಜಿಎಫ್ 2′ ಸಿನಿಮಾದ ನಿರೀಕ್ಷಿತ ಅಮ್ಮ ಹಾಡು ‘ಗಗನ ನೀ, ಭುವನ ನೀ’ ರಿಲೀಸ್ ಆಗಿದೆ. ಬಿಡುಗಡೆಯಾದ ಕೆಲವೇ ನಿಮಿಷಗಳಲ್ಲೇ ಸಾಮಾಜಿಕ ಜಾಲತಾಣಗಳಲ್ಲಿ ಈ ಹಾಡು ವೈರಲ್ ಆಗಿದ್ದು, ಅಮ್ಮನ ಗುಣಗಾನ ಮಾಡುವಂತಹ ಭಾವನಾತ್ಮಕ ಸಾಲುಗಳು ಕೇಳುಗರನ್ನು ಸೆಳೆದಿವೆ. ಕೆಜಿಎಫ್ ಒಂದರಲ್ಲಿ ತಾಯಿ ಮತ್ತು ಮಗನ ಭಾವನೆಗಳನ್ನು ದೃಶ್ಯ ರೂಪದಲ್ಲಿ ಸೆರೆ ಹಿಡಿಯಲಾಗಿತ್ತು. ಚಾಪ್ಟರ್ 2 ರಲ್ಲಿ ಹಾಡಿನ ಮೂಲಕವೂ ಆ ಭಾವನೆಗಳನ್ನು ದಾಟಿಸುವ ಪ್ರಯತ್ನ ಮಾಡಿದ್ದಾರೆ ಎನ್ನುವುದು ಹಾಡು ನೋಡಿದಾಗ ಅರಿವಾಗುತ್ತದೆ.
ಇತ್ತೀಚೆಗಷ್ಟೇ ನಿರ್ದೇಶಕ ಪ್ರಶಾಂತ್ ನೀಲ್ ಮತ್ತು ಯಶ್ ಕಾಂಬಿನೇಷನ್ `ಕೆಜಿಎಫ್ 2′ ಚಿತ್ರದ ಟ್ರೇಲರ್ ರಿಲೀಸ್ ಆಗಿ ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಆಗಿತ್ತು. ಈಗ ಅದೇ ಹಾದಿಯಲ್ಲೇ `ಗಗನ ನೀ, ಭುವನ ನೀ’ ಅನ್ನೋ ಸಾಂಗ್ ಸಾಗಿದೆ.
`ಕೆಜಿಎಫ್ 2′ ಆಕ್ಷನ್ ದೃಶ್ಯಗಳಿಗೆ ಅದೆಷ್ಟು ಪ್ರಾಮುಖ್ಯತೆ ಕೊಡಲಾಗಿದೆಯೋ ಹಾಗೆಯೇ ಹಾಡುಗಳಿಗೂ ಪ್ರಾಶಸ್ತ್ಯ ನೀಡಲಾಗಿದೆ. ರವಿ ಬಸ್ರೂರ್ ಸಂಗೀತ ನಿರ್ದೇಶನದಲ್ಲಿ ಈ ಹಿಂದೆ ರಿಲೀಸ್ ಆಗಿದ್ದ `ತೂಫಾನ್’ ಸಾಂಗ್ ಭರ್ಜರಿ ವಿವ್ಸ್ ಗಿಟ್ಟಿಸಿಕೊಂಡಿತ್ತು. ಈಗ ಚಿತ್ರದ ಸೆಕೆಂಡ್ ಸಾಂಗ್ ಕೂಡ ಜನರ ಮನಗೆದ್ದಿದೆ. ತಾಯಿ ಮಗನ ಬಾಂಧವ್ಯ ಸಾರುವ ಮತ್ತು ನೋಡುಗನ ಮುನಮುಟ್ಟವ ಈ ಸಾಂಗ್ ಮೂಲಕ `ಕೆಜಿಎಫ್ 2′ ಟೀಮ್ ಎಲ್ಲ ತಾಯಂದಿರಿಗೆ ಈ ಸಾಂಗ್ ಡೆಡಿಕೇಟ್‌ ಮಾಡಿದ್ದಾರೆ.
`ಕೆಜಿಎಫ್ 2′ ಚಿತ್ರದಲ್ಲಿ ನಟಿ ಅರ್ಚನಾ ಜೋಯಿಸ್, ಕಥಾನಾಯಕ ರಾಕಿಭಾಯ್ ತಾಯಿಯ ಪಾತ್ರಕ್ಕೆ ಜೀವತುಂಬಿದ್ದು, ಸದ್ಯ ತಾಯಿ ಮಗನ ಸೆಂಟಿಮೆಂಟ್ `ಗಗನ ನೀ ಭುವನ ನೀ’ ಸಾಂಗ್ ನೋಡಿ ಫಿದಾ ಆಗಿದ್ದಾರೆ. ಅಭಿಮಾನಿಗಳಲ್ಲಿ ಚಿತ್ರದ ಮೇಲಿನ ನಿರೀಕ್ಷೆ ದುಪ್ಪಾಟಾಗಿದೆ. ಇದನ್ನು ಓದಿ: ನಾಗಚೈತನ್ಯಗೆ ಮತ್ತೆ ಜೊತೆಯಾದ ಬೊಟ್ಟಬೊಮ್ಮ ಬೆಡಗಿ ಪೂಜಾ
ನ್ಯಾಷನಲ್ ಸ್ಟಾರ್ ಯಶ್‌ಗೆ ನಾಯಕಿಯಾಗಿ ಶ್ರೀನಿಧಿ ಶೆಟ್ಟಿ ಜತೆಯಾಗಿದ್ದು, ಸಂಜಯ್ ದತ್, ರವೀನಾ ಟಂಡನ್, ಪ್ರಕಾಶ್ ರಾಜ್, ವಸಿಷ್ಠ ಸಿಂಹ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಸದ್ಯ ಪೋಸ್ಟರ್ ಲುಕ್, ಹಾಡುಗಳ ಮೂಲಕ ಮೋಡಿ ಮಾಡುತ್ತಿರುವ `ಕೆಜಿಎಫ್ 2′ ಇದೇ ಏಪ್ರಿಲ್ 14ಕ್ಕೆ ತೆರೆಗೆ ಬರಲಿದೆ.
