`ಕೆಜಿಎಫ್ 2′ ಸಿನಿಮಾ ರಿಲೀಸ್‌ಗೆ ದಿನಗಣನೆ ಶುರುವಾಗಿದೆ. ಇದರ ಬೆನ್ನಲ್ಲೇ `ಕೆಜಿಎಫ್’ ಖ್ಯಾತಿಯ ಅರ್ಚನಾ ಜೋಯಿಸ್ ನಟನೆಯ ಪ್ಯಾನ್ ಇಂಡಿಯಾ ಸಿನಿಮಾ `ಮ್ಯೂಟ್’ ಟ್ರೇಲರ್ ರಿಲೀಸ್ ಆಗಿದ್ದು, ಬಾಲಿವುಡ್ ನಟಿ ರವೀನಾ ಟಂಡನ್ ಚಿತ್ರದ ಟ್ರೇಲರ್‌ನ್ನ ಅನಾವರಣ ಮಾಡಿದ್ದಾರೆ.
`ಕೆಜಿಎಫ್’ 1 ಮತ್ತು ಚಾಪ್ಟರ್ 2ನಲ್ಲಿ ರಾಕಿಭಾಯ್ ತಾಯಿಯ ಪಾತ್ರದಲ್ಲಿ ಜೀವ ತುಂಬಿರೋ ನಟಿ ಅರ್ಚನಾ ಜೋಯಿಸ್ ಈಗ ಪ್ರಶಾಂತ್ ಚಂದ್ರ ನಿರ್ದೇಶನದ `ಮ್ಯೂಟ್’ ಚಿತ್ರದಲ್ಲಿ ನಟಿಸಿದ್ದಾರೆ.ವಿಭಿನ್ನ ಪಾತ್ರದ ಮೂಲಕ ಕಮಾಲ್ ಮಾಡಲು ಅರ್ಚನಾ ರೆಡಿಯಾಗಿದ್ದಾರೆ. ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಸಿನಿಮಾ ಸದ್ದು ಮಾಡಲು ಸಜ್ಜಾಗಿದೆ.
ನಾಯಿ ಮತ್ತು ಮನುಷ್ಯನ ನಡುವಿನ ಸಂಬಂಧದ ಕಥೆ ಹೇಳುವ ಹಲವು ಸಿನಿಮಾಗಳು ಈಗಾಗಲೇ ಬಂದಿದೆ. ಅದರ ನಡುವೆಯೂ `ಮ್ಯೂಟ್’ ಟ್ರೇಲರ್ ಭಿನ್ನವಾಗಿ ಸಿನಿಪ್ರಿಯರ ಗಮನ ಸೆಳೆಯುತ್ತಿದೆ. ಡಿಫರೆಂಟ್ ರೋಲ್‌ನಲ್ಲಿ ಅರ್ಚನಾ ನಟಿಸಿರುವ `ಮ್ಯೂಟ್’ ಟ್ರೇಲರ್‌ನ್ನ `ಕೆಜಿಎಫ್ 2′ ನಟಿ ರವೀನಾ ಟಂಡನ್ ರಿಲೀಸ್ ಮಾಡಿದ್ದಾರೆ. `ಮ್ಯೂಟ್’ ಟ್ರೇಲರ್ ನೋಡಿ ಚಿತ್ರತಂಡಕ್ಕೆ ರವೀನಾ ಬೆನ್ನು ತಟ್ಟಿದ್ದಾರೆ. ಇದನ್ನು ಓದಿ:ರಾಮ್ ಗೋಪಾಲ್ ವರ್ಮಾ ಒಬ್ಬ ಮಹಾನ್ ಮೋಸಗಾರ : ನಟ್ಟಿಕುಮಾರ್
ರಾಕಿಭಾಯ್ ತಾಯಿಯಾಗಿ ಈಗಾಗಲೇ ಅಪಾರ ಅಭಿಮಾನಿ ಬಳಗ ಹೊಂದಿರೋ ನಟಿ ಅರ್ಚನಾ ಜೋಯಿಸ್ `ಮ್ಯೂಟ್’ ಚಿತ್ರದ ಮೂಲಕ ಪ್ಯಾನ್ ಇಂಡಿಯಾ ನಟಿಯಾಗಿ ಬರುತ್ತಿದ್ದಾರೆ. ಜಿ.ಗಂಗಾಧರ್ ನಿರ್ಮಾಣದಲ್ಲಿ ಕನ್ನಡ, ತಮಿಳು, ತೆಲುಗು, ಹಿಂದಿ ಮತ್ತು ಮಲಯಾಳಂ ಭಾಷೆಯಲ್ಲಿ `ಮ್ಯೂಟ್’ ಸಿನಿಮಾ ತೆರೆ ಕಾಣಲಿದೆ. `ಕೆಜಿಎಫ್’ ನಟಿಯ ನ್ಯೂ ವೆಂಚರ್ ನೋಡಲು ಫ್ಯಾನ್ಸ್ ಕಾಯ್ತಿದ್ದಾರೆ.
